Men Baukendi búl ataqqa layyq emes dep otyrghan joqpyn. Kerisinshe, ol ataq Bauyrjan Momyshúlynyng atyna layyq emes. Baukene

«QAZAQTYNG ÚLTTYQ BATYRY»

degen arnayy, erekshe ataq berilui kerek! Jәne ony keyinge qaldyrmay, biylghy Jenisting 75-jyldyghynda bersek tipti dúrys bolar edi. Fransuzdar Janna d Arkten keyin Sharli de Golldi «Fransuzdyng Últtyq Batyry» dep resmy tanydy. Dәl sol sekildi Bauyrjan Momyshúly – Últtyng simvoly! Ar-namysy! Últtyng úyaty! Oryssha aitsaq – «Sovesti nasiiy!». Osy ataudyng bәrine bir ózi layyq. («Últtyng úyaty» dep ol kisiden basqa tek Gerolid Beligerdi ataugha bolatyn shyghar...)

Negizdeme kerek desenizder:

1. Jýrekting ghana emes, aqyl men bilimning de tendessiz batyry – soghys kezinde 5 ret qorshaudan batalionyn aman alyp shyghyp qana qoymay, onyng qúramyn kóbeytip alyp shyghyp otyrghan jalghyz komandiyr.

2. Últtyq mýddeni әrqashan tu etip biyik ústaghan, óz mýddesinen joghary qoyyp otyrghan. Tym últshyl bolmasa tez-aq kóterilip ketetinin kórip otyrsa da, odan taymaghan.

3. Últtyq mәselede eshqashan pendeshilik dengeyge týspegen. Týskenderdi kim bolsa da keshirmegen. 1970 jyly, 9-mamyrda, Jenisting 25-jyldyghynyng qúrmetine ótip jatqan Áskery paradqa shaqyrylmaghan song ózi baryp, D.Qonaev pen B.Áshimovtyng arasyna tayaghyn tyghyp, ekeuin eki jaqqa qaray iyterip-iyterip jiberip, ortasyna túryp alyp, Paradty ózi qabyldaghan.

4. Adamgershilik túrghydan әrqashan biyikten kóringen. Agha súltan Eseney sekildi «Qúdaydyng mening aldymda bolmasa, mening Qúday aldynda kýnәm joq» dep aita alatynday haqysy bolghan adam.

5. Jazushylyghy jaghynan da tendessiz «Úshqan úyany» qaldyrsa, «Anyz ben aqiqattyn» da beyresmy soavtory bolghan.

Endi ózderiniz oilanyzdarshy, «Halyq Qaharmany» ataghyn alghan azamattarmen – búryn Kenes Odaghynyng Batyry ataghyn iyelengen Saghadat Núrmaghanbetovtey batyr bolsyn, Roza Baghlanovaday әnshi bolsyn, sovhoz diyrektory bolsyn, bәri de layyq jandar – qalay Baukendi bir dengeyge qoygha bolady, obal emes pe?! Qazaqty әlemge dәl Baukendey tanytqan, tanyghan júrttyng bәrin tanghaldyrghan, tamsandyrghan, tәnti etken basqa kimimiz bar? Qazaqtyng kelbeti, tólqújaty ghoy ol! Alla-Taghalagha Baukendi bergeni ýshin sansyz alghys aitayyq-taghy, ózimiz әlemde sanauly dara túlghanyng qadyryna jete bileyik te!

(Bauyrjany bolghanda, ózbekter búnday úsynysty sol sәtte quana-quana  iske asyrar edi dep oilaymyn. Sebebi, onsyz da olar «Qúday daryndy qazaqqa bergen, qadyryn bizge bergen...» dep, әskiya aitady bizge).

Ómirzaq Aqjigit

P.S. Bolashaqta úrpaghymyz «Últtyq Batyr» degen ataqqa kimdi bolsyn úsynghysy kelse, aldymen myng oilanyp, san tolghanyp baryp qimyldar. Baukenning aruaghy oilandyrmay qoymas...

Abai.kz