Jwma, 14 Tamız 2020
COVID-19 QAZAQSTANDA. Jwqtırğandar — 101848. Jazılğandar — 78633. Qaytıs bolğandar — 1269
Dat 2941 4 pikir 29 Mamır, 2020 sağat 12:59

Belsendiler Berik Imaşevtıñ otstavkasın talap etti

Juırda «HAQ» qozğalısı (partiya qwruşılardıñ bastamaşı tobı) QR Ortalıq saylau komissiyasınıñ törağası Berik Imaşevtıñ otstavkasın talap etipti. Bwl turalı «exclusive.kz» saytı jazdı.

Ondağı mälimet boyınşa, «Täuelsiz baqılauşılar» qoğamdıq birlestigi men «HAQ» azamattıq qozğalısı birigip, Prezidenttiñ atına aşıq hat joldaptı.

Hatta 2019 jılğı prezidenttik saylauda Täuelsiz baqılauşılar men EIQW tirkegen, saylau komissiyası müşeleri tarapınan jiberilgen öreskel zañbwzuşılıqtardı tilge tiek etipti. Ol – byuletenderdi toptap tastau faktileri, dauıs sanaudağı jabıqtıq t.b.

«Bwl faktiler EIQW-nıñ saylau boyınşa 2019 jılğı 4 qazandağı qorıtındı bayandamasında tirkelgen jäne körinis tapqan. Sizdiñ prezidenttik kezeñiñizde Siz qwratın (Q-J-Toqaevtı aytıp twr-red.) jaña Qazaqstannıñ keleşek tarihında mwnday antikonstituciyalıq is-äreketter orın almauı kerek dep esepteymiz», - depti aşıq hat avtorları.

Täuelsiz baqılauşılar men «HAQ» qozğalısı OSK tarapınan jiberilgen mwnday qwqıqbwzuşılıqtar öz kezeginde OSK men onıñ törağası Berik Imaşevtıñ jwmısınıñ bağası deydi.

«Sondıqtan, Berik Imaşev mırza men OSK-nıñ qazirgi tolıq qwramı saylauşılardıñ ädil äri ob'ektivti erkine kedergi keltiredi. Bwl öz kezeginde qoğamdağı demokratiyalıq procester men Sizdiñ estitin memleketke qayşı keledi. Berik Imaşev mırza men OSK-nıñ tolıq qwramı Halıqaralıq birlestikter men azamattıq qoğamnıñ senimin aqtay almağan üşin otstavkağa ketui kerek. Qazaqstannıñ azamattıq qoğamı OSK törağası Berik Imaşev mırza senimsizdik bildiredi», - deydi belsendiler. Deydi de, Qazaqstandağı saylau jüyesin, onıñ işinde OSK-nı reformalau turalı wsınıs aytadı.

Eks-ministr yusticii Berik Imaşev vozglavil CIK RK - novosti na ...

Berik Mäjitwlı Imaşev

59 jasta. MMU-dıñ (Mäskeu memlekettik universiteti) tülegi. Mamandığı - zañger.

Eñbek jolın 1982 jılı prokurorlıqtan bastağan. Dälirek aytsaq, Almatıda, stajer, prokuratura tergeuşisi, prokurur t.b. QR Bas prokuraturasında, Almatı prokuraturasında istedi. Är jıldarı Qauipsizdik keñesinde, Prezident Äkimşiliginde qızmet etti. Prezidenttiñ kömekşisi boldı. 2012 jılı QR Ädilet ministrligin basqardı. Al 2016 jıldan beri QR Ortalıq saylau komissiyasınıñ törağası.

Biz, osıdan biraz uaqıt bwrın partiya qwru turalı bastama köterip şıqqan qazirgi «HAQ» qozğalısınıñ jetekşisi Toğjan Qojalievağa habarlasıp, istiñ män-jayın bilgen edik.

Toğjan Qojalieva:

- Iä, biz qazir Berik Imaşevtiñ otstavkasın talap etip jatırmız. «HAQ» qozğalısı jäne täuelsiz baqılauşılar...

Aldımızda saylau nauqanı kele jatır.  Ötken prezidenttik saylau kezinde köptegen zañbwzuşılıqtar boldı. Sonıñ barlığı bizdiñ OSK-nıñ dwrıs jwmıs istemeui jäne konstituciya talaptarın bwzu dep esepteymiz. Sondıqtan, eger biz qazir OSK men saylau jüyesin özgertpesek, erteñ tağı sol jağdaylar qaytalanadı. Berik Imaşev osı jüyeniñ basşısı ğoy. Sonımen qatar, tuısqandığı bar. «Nazarbaevtıñ qwdaları» dep jatır.

Qazir biz bağdarlamamızdı dayındap qoydıq. Osı jaqında jariyalaymız. Keyin zañğa säykes, bastamaşı toptıñ mıñ qolın jinaymız. Sosın s'ezd şaqırıp, partiyanı tirkeuge ötkizemiz.

Parlamenttik saylauğa deyin ülgeremiz dep oylaymın. Qwday qalasa, biraq, bizdi tirkey qoyatınına qattı senimimiz joq. Öytkeni, saylau jäne partiyalar turalı zañdar öte kürdeli. Mwnday zañmen jaña partiyalardıñ qwrıluı kitalay.

Qazir partiya müşeleriniñ sanın 40 mıñnan 20 mıñğa deyin tüsirdi ğoy. Biraq, onıñ aldında osı zañnıñ basqa da talaptarın özgertu kerek edi. Mısalı, tirkeu turalı talaptı. Äli jeñildetken joq. Partiyanı qwru üşin filialdar aşudı da jeñildetu kerek. Filial aşu äueli ülken qarjını talap etedi. Bizdiñ esebimiz boyınşa, bükil Qazaqstan boyınşa filialdardı wstap twru, wyımdastıru üşin ayına keminde 20 million teñge kerek eken.

Al jaña qwrılayın dep jatqan partiyalardıñ, jas partiyalardıñ bwğan şaması jetpeydi. Bizdiñ demeuşilerimizdiñ mwnday somada qarjılandıruğa mümkindigi joq. Al basqa auqattı adamdardıñ nieti joq. Öytkeni, qorqadı. Eger partiyanı qarjılandırsaq, bizdiñ biznesimizdi jaba ma, qudalay ma dep qorqadı.

Qazir biz ülken eksperttik top qwrdıq. Bizdiñ aramızda jaqsı-jaqsı ekonomister, zañgerler, auılşaruaşılıq mamandarı köbeydi. Memleket, Ükimet tarapınan şığatın Jarlıqtardı, bağdarlamalardı zerttep, solarğa özimiz saraptama jasap, jariyalap jürmiz. Bwl birinşiden. Ekinşiden – qazir koronavirustan keyin ekonomika jağdayı özgerdi. Biz de öz bağdarlamamızdı soğan qaray özgerttik. Onı jaqında jariyalaymız. Barlıq koaliciyanı, oppoziciyalıq küşterdi biriktirip, «erteñ saylau kezinde ne isteymiz, bizdiñ taktikamız qalay boladı» degen paikir-talastar jasap jatırmız. Bwl koaliciyada «İİM Reforması», «HAQ», «Täuelsiz baqılauşılar», Astana, Almatı, Atırau, Aqtöbe baqılauşıları, JSDP, «Çistıy vozduh» degen toptar bar.

Abai.kz

4 pikir