سەنبى, 4 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
دات 2718 4 پىكىر 29 مامىر, 2020 ساعات 12:59

بەلسەندىلەر بەرىك يماشەۆتىڭ وتستاۆكاسىن تالاپ ەتتى

جۋىردا «HAQ» قوزعالىسى (پارتيا قۇرۋشىلاردىڭ باستاماشى توبى) قر ورتالىق سايلاۋ كوميسسياسىنىڭ توراعاسى بەرىك يماشەۆتىڭ وتستاۆكاسىن تالاپ ەتىپتى. بۇل تۋرالى «exclusive.kz» سايتى جازدى.

ونداعى مالىمەت بويىنشا، «تاۋەلسىز باقىلاۋشىلار» قوعامدىق بىرلەستىگى مەن «HAQ» ازاماتتىق قوزعالىسى بىرىگىپ، پرەزيدەنتتىڭ اتىنا اشىق حات جولداپتى.

حاتتا 2019 جىلعى پرەزيدەنتتىك سايلاۋدا تاۋەلسىز باقىلاۋشىلار مەن ەىقۇ تىركەگەن، سايلاۋ كوميسسياسى مۇشەلەرى تاراپىنان جىبەرىلگەن ورەسكەل زاڭبۇزۋشىلىقتاردى تىلگە تيەك ەتىپتى. ول – بيۋلەتەندەردى توپتاپ تاستاۋ فاكتىلەرى، داۋىس ساناۋداعى جابىقتىق ت.ب.

«بۇل فاكتىلەر ەىقۇ-نىڭ سايلاۋ بويىنشا 2019 جىلعى 4 قازانداعى قورىتىندى بايانداماسىندا تىركەلگەن جانە كورىنىس تاپقان. ءسىزدىڭ پرەزيدەنتتىك كەزەڭىڭىزدە ءسىز قۇراتىن (ق-ج-توقاەۆتى ايتىپ تۇر-رەد.) جاڭا قازاقستاننىڭ كەلەشەك تاريحىندا مۇنداي انتيكونستيتۋتسيالىق ءىس-ارەكەتتەر ورىن الماۋى كەرەك دەپ ەسەپتەيمىز»، - دەپتى اشىق حات اۆتورلارى.

تاۋەلسىز باقىلاۋشىلار مەن «HAQ» قوزعالىسى وسك تاراپىنان جىبەرىلگەن مۇنداي قۇقىقبۇزۋشىلىقتار ءوز كەزەگىندە وسك مەن ونىڭ توراعاسى بەرىك يماشەۆتىڭ جۇمىسىنىڭ باعاسى دەيدى.

«سوندىقتان، بەرىك يماشەۆ مىرزا مەن وسك-نىڭ قازىرگى تولىق قۇرامى سايلاۋشىلاردىڭ ءادىل ءارى وبەكتيۆتى ەركىنە كەدەرگى كەلتىرەدى. بۇل ءوز كەزەگىندە قوعامداعى دەموكراتيالىق پروتسەستەر مەن ءسىزدىڭ ەستيتىن مەملەكەتكە قايشى كەلەدى. بەرىك يماشەۆ مىرزا مەن وسك-نىڭ تولىق قۇرامى حالىقارالىق بىرلەستىكتەر مەن ازاماتتىق قوعامنىڭ سەنىمىن اقتاي الماعان ءۇشىن وتستاۆكاعا كەتۋى كەرەك. قازاقستاننىڭ ازاماتتىق قوعامى وسك توراعاسى بەرىك يماشەۆ مىرزا سەنىمسىزدىك بىلدىرەدى»، - دەيدى بەلسەندىلەر. دەيدى دە، قازاقستانداعى سايلاۋ جۇيەسىن، ونىڭ ىشىندە وسك-نى رەفورمالاۋ تۋرالى ۇسىنىس ايتادى.

ەكس-مينيستر يۋستيتسي بەريك يماشەۆ ۆوزگلاۆيل تسيك رك - نوۆوستي نا ...

بەرىك ءماجيتۇلى يماشەۆ

59 جاستا. ممۋ-دىڭ (ماسكەۋ مەملەكەتتىك ۋنيۆەرسيتەتى) تۇلەگى. ماماندىعى - زاڭگەر.

ەڭبەك جولىن 1982 جىلى پروكۋرورلىقتان باستاعان. دالىرەك ايتساق، الماتىدا، ستاجەر، پروكۋراتۋرا تەرگەۋشىسى، پروكۋرۋر ت.ب. قر باس پروكۋراتۋراسىندا، الماتى پروكۋراتۋراسىندا ىستەدى. ءار جىلدارى قاۋىپسىزدىك كەڭەسىندە، پرەزيدەنت اكىمشىلىگىندە قىزمەت ەتتى. پرەزيدەنتتىڭ كومەكشىسى بولدى. 2012 جىلى قر ادىلەت مينيسترلىگىن باسقاردى. ال 2016 جىلدان بەرى قر ورتالىق سايلاۋ كوميسسياسىنىڭ توراعاسى.

ءبىز، وسىدان ءبىراز ۋاقىت بۇرىن پارتيا قۇرۋ تۋرالى باستاما كوتەرىپ شىققان قازىرگى «HAQ» قوزعالىسىنىڭ جەتەكشىسى توعجان قوجاليەۆاعا حابارلاسىپ، ءىستىڭ ءمان-جايىن بىلگەن ەدىك.

توعجان قوجاليەۆا:

- ءيا، ءبىز قازىر بەرىك يماشەۆتىڭ وتستاۆكاسىن تالاپ ەتىپ جاتىرمىز. «HAQ» قوزعالىسى جانە تاۋەلسىز باقىلاۋشىلار...

الدىمىزدا سايلاۋ ناۋقانى كەلە جاتىر.  وتكەن پرەزيدەنتتىك سايلاۋ كەزىندە كوپتەگەن زاڭبۇزۋشىلىقتار بولدى. سونىڭ بارلىعى ءبىزدىڭ وسك-نىڭ دۇرىس جۇمىس ىستەمەۋى جانە كونستيتۋتسيا تالاپتارىن بۇزۋ دەپ ەسەپتەيمىز. سوندىقتان، ەگەر ءبىز قازىر وسك مەن سايلاۋ جۇيەسىن وزگەرتپەسەك، ەرتەڭ تاعى سول جاعدايلار قايتالانادى. بەرىك يماشەۆ وسى جۇيەنىڭ باسشىسى عوي. سونىمەن قاتار، تۋىسقاندىعى بار. «نازارباەۆتىڭ قۇدالارى» دەپ جاتىر.

قازىر ءبىز باعدارلامامىزدى دايىنداپ قويدىق. وسى جاقىندا جاريالايمىز. كەيىن زاڭعا سايكەس، باستاماشى توپتىڭ مىڭ قولىن جينايمىز. سوسىن سەزد شاقىرىپ، پارتيانى تىركەۋگە وتكىزەمىز.

پارلامەنتتىك سايلاۋعا دەيىن ۇلگەرەمىز دەپ ويلايمىن. قۇداي قالاسا، بىراق، ءبىزدى تىركەي قوياتىنىنا قاتتى سەنىمىمىز جوق. ويتكەنى، سايلاۋ جانە پارتيالار تۋرالى زاڭدار وتە كۇردەلى. مۇنداي زاڭمەن جاڭا پارتيالاردىڭ قۇرىلۋى كىتالاي.

قازىر پارتيا مۇشەلەرىنىڭ سانىن 40 مىڭنان 20 مىڭعا دەيىن ءتۇسىردى عوي. بىراق، ونىڭ الدىندا وسى زاڭنىڭ باسقا دا تالاپتارىن وزگەرتۋ كەرەك ەدى. مىسالى، تىركەۋ تۋرالى تالاپتى. ءالى جەڭىلدەتكەن جوق. پارتيانى قۇرۋ ءۇشىن فيليالدار اشۋدى دا جەڭىلدەتۋ كەرەك. فيليال اشۋ اۋەلى ۇلكەن قارجىنى تالاپ ەتەدى. ءبىزدىڭ ەسەبىمىز بويىنشا، بۇكىل قازاقستان بويىنشا فيليالداردى ۇستاپ تۇرۋ، ۇيىمداستىرۋ ءۇشىن ايىنا كەمىندە 20 ميلليون تەڭگە كەرەك ەكەن.

ال جاڭا قۇرىلايىن دەپ جاتقان پارتيالاردىڭ، جاس پارتيالاردىڭ بۇعان شاماسى جەتپەيدى. ءبىزدىڭ دەمەۋشىلەرىمىزدىڭ مۇنداي سومادا قارجىلاندىرۋعا مۇمكىندىگى جوق. ال باسقا اۋقاتتى ادامداردىڭ نيەتى جوق. ويتكەنى، قورقادى. ەگەر پارتيانى قارجىلاندىرساق، ءبىزدىڭ بيزنەسىمىزدى جابا ما، قۋدالاي ما دەپ قورقادى.

قازىر ءبىز ۇلكەن ەكسپەرتتىك توپ قۇردىق. ءبىزدىڭ ارامىزدا جاقسى-جاقسى ەكونوميستەر، زاڭگەرلەر، اۋىلشارۋاشىلىق ماماندارى كوبەيدى. مەملەكەت، ۇكىمەت تاراپىنان شىعاتىن جارلىقتاردى، باعدارلامالاردى زەرتتەپ، سولارعا ءوزىمىز ساراپتاما جاساپ، جاريالاپ ءجۇرمىز. بۇل بىرىنشىدەن. ەكىنشىدەن – قازىر كوروناۆيرۋستان كەيىن ەكونوميكا جاعدايى وزگەردى. ءبىز دە ءوز باعدارلامامىزدى سوعان قاراي وزگەرتتىك. ونى جاقىندا جاريالايمىز. بارلىق كواليتسيانى، وپپوزيتسيالىق كۇشتەردى بىرىكتىرىپ، «ەرتەڭ سايلاۋ كەزىندە نە ىستەيمىز، ءبىزدىڭ تاكتيكامىز قالاي بولادى» دەگەن پاىكىر-تالاستار جاساپ جاتىرمىز. بۇل كواليتسيادا «ءىىم رەفورماسى»، «HAQ»، «تاۋەلسىز باقىلاۋشىلار»، استانا، الماتى، اتىراۋ، اقتوبە باقىلاۋشىلارى، جسدپ، «چيستىي ۆوزدۋح» دەگەن توپتار بار.

Abai.kz

4 پىكىر