Jeksenbi, 9 Tamız 2020
COVID-19 QAZAQSTANDA. Jwqtırğandar — 97829. Jazılğandar — 71609. Qaytıs bolğandar — 1058
2161 8 pikir 29 Mamır, 2020 sağat 18:56

Özbekstan: Sardoba su qoymasınıñ jarıluına jırtqış balıqtar sebep boluı mümkin

Özbekstanda Sardoba su qoymasındağı apat saldarına baylanıstı tergeuşiler "jayın balığı bögetti bwzuı mümkin" degen boljamnıñ birin qarap jatır.

Sebebi, böget bwzılıp su Qazaqstan aumağına qaray tasığan körinister tüsirilgen videolardan iri balıqtardıñ ağıp jatqanın köruge boladı.

Özbekstan memlekettik qauipsizdik qızmeti (SGB) tergeuşileri su qoymasına jayın balıqtarın kim jibergeni jayında swrap jatır. Bwl jöninde swrauğa şaqırılğandardıñ biri habarladı.

"Uzbekiston temir yullari" kompaniyasına qaraytın Sardoba su qoymasınıñ ökilderi suğa iri balıqtar jiberilgenin rastadı. Biraq ol bögettiñ jarıluına jayındar sebep boldı degen pikirmen kelispeydi.

"Negizinen käsipkerlerge su qoymasına balıq jiberuge rwqsat etilmegen. "Uzbekiston temir yullari" basşıları suğa balıq jiberdi. Olar Taşkenttiñ joğarı lauazımdı şeneunikterin, şetelden kelgen qonaqtardı su qoymasına aparıp, balıq aulatadı", – deydi bwl isti jaqsı biletin şeneuniktiñ biri.

Onıñ aytuınşa, eger tergeu isi "jayın balıqtarı kinäli" dep tapsa, onda apattıñ naqtı sebepteri sol küyi aşılmay qaluı mümkin.

1 mamırda tañerteñgisin Sardoba su qoyması jarılıp, apat orın aldı. Apat aymağınan 70 mıñ adam köşirilip, 6 kisi qaza taptı.

Sardoba su qoyması qwrılısına memlekettik byudjetten 404,4 mln dollar bölingen.

Abai.kz

8 pikir