Senbi, 8 Tamız 2020
COVID-19 QAZAQSTANDA. Jwqtırğandar — 97829. Jazılğandar — 71609. Qaytıs bolğandar — 1058
1389 8 pikir 2 Şilde, 2020 sağat 15:45

Nwrswltan Nazarbaev koronavirustan jazılıp şıqtı

Covid-19-ğa qatıstı qaytadan test (saraptama) tapsırğan Elbasınan koronavirus anıqtalğan joq. Bwl turalı N. Nazarbaevtıñ baspasöz hatşısı tvitter jelisinde jazdı.

“Sizderge aytar jaqsı jañalığım bar. Elbasınıñ KVI tapsırğan test sınaması teris nätijesi körsetti. Nazarbaev därigerler keñesine qwlaq asıp, oqşaulanu rejimin äli de saqtaytın boladı. Qaşıqtan jwmıs istep, taza auada jii-jii seruendeudi josparlap otır”, – dep jazdı Aydos Ükibay.

Esteriñizge sala keteyik, 18 mausım küni Qazaqstannıñ bwrınğı prezidenti Nwrswltan Nazarbaevtan koronavirus anıqtalıp, ol oqşaulanıp jatıp, em qabıldağan. Sol kezde Nazarbaevtıñ virus jwqtıruınıñ sebebi - virus jwqtırğan bwrınğı Densaulıq saqtau ministri Eljan Birtanovpen baylanısta bolğanı dep aytıldı. Al 25 mausım küni Eljan Amantaywlı sırqatınıñ asqınuına baylanıstı öz erkimen qızmetinen ketuge ötiniş jazğan. Al onıñ ornına Densaulıq saqtau ministri bolıp Aleksey Coy tağayındalğan.

Ayta keteyik, 6 şilde küni Nwrswltan Nazarbaev 80 jasqa toladı. Ol Qazaqstandı Täuelsizdik alğan 1991 jıldan beri  basqardı. 2019 jılı öz qalauımen otstavkağa ketetinin mälimdedi. 

Abai.kz

8 pikir