Jwma, 14 Tamız 2020
COVID-19 QAZAQSTANDA. Jwqtırğandar — 101848. Jazılğandar — 78633. Qaytıs bolğandar — 1269
Karantin 1220 0 pikir 4 Şilde, 2020 sağat 16:26

Almatıda qanday mekemeler jwmısın jalğastıradı?

Almatı bas sanitar därigeriniñ karantin talaptarı boyınşa qaulısı jariyalandı, - dep habarlaydı Tengrinews.kz.

Almatı qalası bas memlekettik sanitar därigeriniñ qaulısımen Almatı qalasınıñ aumağında 2020 jılğı 5 şilde sağat 00.00-den 2020 jılğı 20 şilde sağat 00.00-ge deyin qatañ şekteu şaraları engizildi.

Şekteu şaraları:


- 65 jastan asqan adamdardıñ qozğalısına şekteuler engiziledi;

- adamdardı şaqırumen jäne şoğırlandırumen baylanıstı kez kelgen is-şaralardı ötkizuge tıyım salınadı (tuğan künder, mereytoylar, toylar, astar jäne t. b.);

- jwmıs jäne qoğamdıq orındarda (sauda ob'ektileri, köşeler, sayabaqtar, äuejay jäne t. b.), qoğamdıq kölikte maska tağu rejimin jäne äleumettik qaşıqtıqtı saqtau.

Äleumettik qaşıqtıqtı saqtay otırıp, 3 adamnan aspaytın toptarmen nemese bir otbası müşelerimen oyın-sauıq ob'ektilerinsiz sayabaqtarğa, alañdar men skverlerge, jağalaularğa jäne halıqtıñ basqa da demalıs orındarına barularına boladı. Sonday-aq aşıq auadağı jeke jattığularğa rwqsat.

Profilaktikalıq maqsatta köppäterli üylerdiñ pod'ezderi men aula aumaqtarına dezinfekciyalıq şaralar aptasına 2 ret jürgiziledi, sonımen birge, köşeler men köpşilik orındarğa, köppäterli üylerdiñ oşaq anıqtalğan pod'ezderine dezinfekciya jasaladı.

COVID-19 koronavirustıq infekciyanıñ taraluınıñ aldın alu maqsatında körsetilgen kezeñde jwqtıru qaupi joğarı kelesi ob'ektilerdiñ qızmetine tıyım salınadı:

- sauda oyın-sauıq ortalıqtarınıñ, sauda üyleriniñ, sauda jelileriniñ, olarda ornalasqan azıq-tülik supermarketterin, därihanalardı jäne jazğı terrassaları men jeke kiretin esigi bar stacionarlıq tamaqtanu ob'ektilerin qospağanda;

- oyın-sauıq mekemeleriniñ (karaoke, kal'yan, bil'yard, komp'yuterlik klubtar, bukmekerlik keñseler, tüngi klubtar, bouling-ortalıqtarı, attrakciondar, balalardıñ oyın alañdarı, batuttar jäne basqalar), kinoteatrlar qızmetine tıyım salu;

- jabıq azıq-tülik, sonday-aq azıq-tülik emes bazarlar;

- jetkizu qızmetin qospağanda, 500 m²-tan asatın azıq-tülik emes dükenderdiñ qızmetine tıyım salu;

- balalardıñ sauıqtıru lagerleri, bilim beri ortalıqtarına, balalardıñ tüzetu kabinetterine, mektepke deyingi balalar mekemeleri (kezekşi toptardan basqa), balalardıñ bos uaqıtın ötkizetin orındar men qosımşa bilim beru orındarına tıyım salu;

- mädeniet nısandarı, mwrajaylar, teatrlar, körmeler jäne adamdar köp jinalatın basqa da nısandar;

- dini nısandar (meşitter, şirkeuler, soborlar, sinagogalar jäne basqaları.);

- wlttıq olimpiyada komiteti akredittegen sport bazarların qospağanda barlıq sport ob'ektilerine (sport alañdarı, keşender, üyirmeler, sekciyalar basseynder jäne t.b.);

- SPA-ortalıqtardıñ, jattığu zaldarınıñ, fitnes-ortalıqtardıñ, sporttıq-sauıqtıru ortalıqtarınıñ, basseynderdiñ, qalalıq, qoğamdıq jağajaylardıñ, akvaparkterdiñ, qoğamdıq monşalardıñ, saunalardıñ, swlulıq salondarınıñ, şaştarazdardıñ, kosmetikalıq jäne kosmetologiyalıq qızmet körsetetin ortalıqtar men salondardıñ, manikyur men pedikyur qızmetterin körsetetin massaj kabinetteriniñ qızmetine.

Sonday-aq, 3 adamnan aspaytın jeke nemese bir otbası müşelerin qospağanda, tabiğatqa ekskursiyalıq, korporativtik, toptıq şığulardı, jinalıs, keñes, konferenciya, forum, seminarlar, s'ezder, körmeler, treningter, oqıtu kurstarın jäne adam köp şoğırlandıratın basqa da is-şaralardı, sonımen qosa otbasılıq, estelik üşin jasalatın is-şaralar üyde de aşıq alañda da (banket, toy, mereytoy, as, qwdayı tamaq jäne t.b) ötkizuge tıyım salu.

Qızmetine rwqsat etilgen mekemeler:

- medicinalıq ortalıqtar (aldın ala jazılu arqılı) küşeytilgen sanitarlıq-dezinfekciyalıq rejimdi jäne aymaqqa bölu talaptarın saqtay otırıp;

- därihanalar, azıq-tülik dükenderi (şağın marketter, supermarketter, gipermarketter), (ğimarattardan tıs) azıq-tülik jäne azıq-tülik emes bazarlar, küşeytilgen sanitariyalıq-dezinfekciyalıq rejimdi saqtay otırıp;

- aşıq aspan astındağı qoğamdıq tamaqtanu orındarına jäne ğimarat işinde zalda otıratın orındarı 30-dan aspağan jağdayda, wjımdıq şaralardı ötkizusiz küşeytilgen sanitarlıq-dezinfekciyalıq rejimdi saqtağan jağdayda. Tapsırıstı sırtqa alıp şığu jäne jetkizip beru qızmetine rwqsat etiledi.

- üzdiksiz öndiristik cikli bar önerkäsiptik käsiporındardıñ jäne aşıq auada qwrılıs jwmıstarınıñ qızmeti küşeytilgen sanitariyalıq-dezinfekciyalıq rejimdi saqtay otırıp.

Memlekettik organdardıñ (wyımdardıñ, käsiporındardıñ), kvazimemlekettik sektor organdarınıñ, wlttıq kompaniyalardıñ, özge de wyımdardıñ, sonday-aq käsipkerlik sub'ektileriniñ basşıları keminde 80 payız qızmetkerin qaşıqt'qtan jwmıs ictey nısanına auıstırudı (ştat kestesi 30-dan astam qızmetker bolğanda) qamtamasız etuleri qajet.

Menşik nısanına qaramastan wyımdardıñ, käsiporındardıñ basşıları barlıq ob'ektilerde küşeytilgen dezinfekciyalıq rejimdi jäne qızmetkerler men keluşilerdiñ sanitarlıq-karantindik jäne şekteu şaralarınıñ talaptarın saqtauın qamtamasız etui qajet.

Birqatar nısandardıñ jwmıs formatı men kestesine şekteuler engiziledi, olardıñ arasında:

- Halıqqa qızmet körsetu ortalıqtarı sağat 09.00-den 16.00-ge deyinge rejimde qızmetkerleriniñ keminde 50 payız jwmısın qaşıqtıqtan isteuge köşedi jäne küşeytilgen sanitarlıq-dezinfekciyalıq rejimdi saqtay otırıp, onlayn formatta qızmet türlerin maksimaldı türde körsetedi;

- Qarjı narığı sub'ektileriniñ qızmeti uaqıtı men sanı boyınşa şekteu boyınşa qızmet etedi Qazaqstan Respublikası Wlttıq Bankiniñ jäne Qazaqstan Respublikası Qarjı narığın retteu jäne damıtu agenttiginiñ aktisine säykes;

- "Qazpoçta" AQ-jwmıs künderi sağat 8.00-den 14.00-ge deyin jwmıs kestesin ornatumen, küşeytilgen sanitarlıq-dezinfekciyalıq rejimdi saqtay otırıp, onlayn rejimde körsetilmeytin qızmetter üşin jwmıs isteydi;

- halıqqa baylanıssız qızmet körsetu ob'ektileri (kölik juu, avtomobil'derdi jöndeu, twrmıstıq tehnika, himiyalıq tazalau jäne t. b.) uaqıtşa kezeñde sağat 10:00-den 17:00-ge deyin küşeytilgen sanitariyalıq-dezinfekciyalıq rejimdi saqtay otırıp jwmıs istey aladı;

- Biznes-ortalıqtar (saqtandıru kompaniyaları, notariustar, buhgalterler jäne konsalting, jıljımaytın mülik agenttikteri, jarnama agenttikteri jäne t. b.), ayırbastau punktteri, lombardtar jwmıs künderi jäne demalıs künderi jwmıs kestesin sağat 9.00-den 17.00-ge deyin belgiley otırıp, jwmısın jalğastıradı;

- turizm nısandarı jäne qonaqüylerde twratın adamdarğa qızmet körsetu salasındağı wyımdar (qonaqüyler, demalıs üyleri, turistik bazalar jäne basqaları) öz qızmetterin küşeytilgen sanitarlıq-dezinfekciyalıq rejimdi saqtay otırıp jäne twratın adamdar (keluşiler) 50%-dan aspağan jağdayda rwqsat etiledi. Qala ömirin qamtamasız etetin wyımdar men käsiporındardıñ qızmetkerleriniñ twruına rwqsat etiledi; Atalğan nısandardı medicinalıq wyımdar retinde qayta bağıttauğa jol beriledi.

Qoğamdıq kölik jwmısı kelesidegidey tärtippen retteledi:

- qalaaralıq avtobus tasımaldarı toqtatıladı (bwl rette öñirler arasında jeke avtokölikpen jüruge rwqsat etiledi);

- senbi jäne jeksenbi künderi qala mañındağı jäne qalalıq qoğamdıq köliktiñ, sonıñ işinde Metropolitenniñ jwmısı tolıq toqtatıladı;

- qalalıq qoğamdıq kölik, sonıñ işinde Metropoliten jäne qala mañındağı avtobus marşruttarı 50 payızdan aspaytın jolauşımen jwmısın jalğastıradı.

Ayta ketu kerek, qoğamdıq kölikterde dezinfekciya kün sayın är aynalımnan keyin twraqtı türde jasaladı.

Şekteu şaralarınıñ saqtaluın qamtamasız etu maqsatında monitoring jäne baqılau is-şaraları jürgiziletin boladı. Karantindik rejimdi jäne sanitarlıq-epidemiologiyalıq talaptardı bwzğanı üşin äkimşilik jauapkerşilik qarastırılğan.

Abai.kz

0 pikir