«Qazaqstan» Últtyq telearnasy 9 shildeden bastap tikeley efirde «Teledәriger» jobasyn bastaydy. Elimizding bilikti dәrigerleri bes kýn boyy tikeley efir arqyly kórermendermen baylanysqa shyghyp, әlemdi jaulaghan koronaviruspen kýresuding joldaryn týsindiredi.

Baghdarlama barysynda kez kelgen adamnyng studiyadaghy +7 (7172) 75-71-71 nómirine qonyrau shalyp, súraghyna jauap alugha mýmkindigi bar. Sonday-aq el túrghyndary +7 775 9073163, +7 775 9073159 WhatsApp nómirlerine aldyn ala beynesaual joldap, tikeley efir uaqytynda tiyisti mamannyng kenesin ala alady. Odan bólek, dәrigerlerge Skype-baylanys arqyly saual qoy mýmkindigi qarastyrylghan.

«Pandemiyamen kýres bastalghaly Últtyq arna halyqty aqparattandyrugha barynsha kýsh salyp keledi. Tikeley efirdegi «Niyet», «Ashyq alan» baghdarlamalary kýn sayyn osy taqyrypta shyghyp jatyr, karantin kezinde «Ashyq alan» baghdarlamasy kýnine eki mezgil tikeley efirde boldy. Aqparattyq baghdarlamalarymyzdyng da negizgi taqyryby  - osy.

Al «Teledәriger» qazir eng qajetti joba ekeni anyq. Jan-jaqtan týsip jatqan aqparat aghyny óte joghary, biraq aq-qarasyn saralap jatqandar az. Baghdarlama súraq-jauap formatynda úiymdastyrylyp, studiyagha kelgen mamandar bir saghat boyy tek kórermen tarapynan kelip týsken saualdargha jauap beredi. Yaghni, studiya qonaghy tek dәrigerler. Tikeley efirde telefon jelisi, WhatsApp messendjeri, Skype siyaqty keri baylanys ornatudyng birneshe platformasy qarastyrylghan.

Ázirge baghdarlama úzaqtyghy 1 saghatqa josparlanghan, aldaghy uaqytta efir uaqytyn úzartatyn bolamyz», - deydi «Qazaqstan» RTRK» AQ Basqarma tórayymynyng orynbasary Ilham Ibragiym.

Jobanyng negizgi maqsaty – el túrghyndaryna, әsirese shalghay auyl-aymaqtaghy kórermenge qazirgi kýrdeli ahualgha baylanysty kýndelikti medisinalyq kenes beru. Dәrigerler tikeley efir barysynda COVID-19 virusy men ózge de aurulardan saqtanu men aldyn alu sharalary, emdeu tәsilderi turaly núsqaulyq beredi.

Baghdarlama dýisenbi-júma kýnderi 12:00-de tikeley efirde shyghady. Joba teleefirden bólek, qazaqstan.tv sayty men Últtyq arnanyng Facebook, You Tube jelilerindegi paraqshalarynan tikeley translyasiyalanady.

Abai.kz