Senbi, 8 Tamız 2020
COVID-19 QAZAQSTANDA. Jwqtırğandar — 97829. Jazılğandar — 71609. Qaytıs bolğandar — 1058
46 - söz 1304 13 pikir 11 Şilde, 2020 sağat 13:19

Naqtı iske wlaspağan sın qwrğaq sözden asa almaydı

Koronavirus eldiñ qalıptı äleumettik-ekonomikalıq ömirimen qatar, qoğamdıq tirşiligin birşama bwğattap tastadı. Esesine halıqtıñ küyzelisi iştegi narazılıqtı küşeytip keledi. Bwnıñ artı nege äkeletini kimdi de alañdatadı. Aynalıp kelgende kez-kelgen eldiñ alğa basuı meylinşe örkenietti jolmen iske asqanı mañızdı.

Osınday tetikterdiñ biri - alda kele jatqan Mäjilisi men Mäslihattarğa saylau. Atalğan nauqanğa nebarı jartı-aq jıl qaldı. Ökinişke oray oppoziciyalıq bağıttağı tirkelgeni bar, tirkelmegeni bar sayasi küşterdiñ jağdayı köñil könşitpeydi. Biri saylau aldında bir ay qalğanda ğana oyanatın dağdısımen äli qalıñ wyqıda jatsa, endi biri jik-jikke bölinip ortaq mämilege sol küyi kele almauda. Eki ortada körip otırğanımız – bilik partiyasınıñ äreketteri.

Koronavirustan japa şekken azamattarğa qol wşın sozğan “Birgemiz” qorı iä partiya işindegi bäsekelestikti aşıq türde jürgizudi közdegen Praymeriz ötkizu jayındağı bastama sonıñ bir körinisi. Ras, bwnı ärqalay bağalauğa bolar. Dese de atauında “halıqtıq” degen söz bar bileuşi partiya iştey reformalanıp sol halıqtıñ senimin qaytaruğa küş salıp otırğanın da joqqa şığaruğa bolmas.

Bwl twrğıda ötken jolı bir top qoğam belsendileriniñ Nwr-Otan partiyasın jaqtauşıları Ligasın qwrğanın oñ bağalauğa twrarlıq. Olardıñ jasağan mälimdemesine qarağanda Liga bileuşi partiyanı köz jwma qoldau üşin emes, birinşi kezekte oğan äleumettik teñdikti ornatu boyınşa eldiñ talabın jetkizudi alğa tartadı.

Älbette, bwdan eşnärse şıqpaydı, bäri tek aldap-arbau degen bayağı änge qayta basuğa boladı. Tek naqtı iske wlaspağan sınnıñ özi qwrğaq sözden asa almağanına qay zaman? Sabaq şığarar kez keldi.

Rasul Jwmalınıñ äleumettik jelidegi jazbası

Abai.kz

13 pikir