Esim-soyy elge tanymal aitysker aqyn Aynúr Túrsynbaeva bastama kóterip, qolgha alynghan qayyrymdylyq aksiyasy býginde halyqtyq sipat alyp, ashyq kónil, kenqoltyq qayyrymdy azamattardyng qoldanuyna ie bolghany belgili.

Býgin týnde Týrkiyadan 125 ottegi appary tiyelgen arnayy úshaq Elorda әuejayyna kep qondy.

Sharany úiymdastyrushy Aynúr Túrsynbaevanyng aituynsha, alghashqyda medisinalyq qúraldardy jetkizude birli-jarym qiyndyqtan tuyndaghan. Eriktiler toby qarjy jinau júmystaryn úiymdastyrghan. Al satyp alynghan apparattardy shekara arqyly rәsimdeude kedergilerge tap bolghan. Keyin búl iske QR Syrtqy ister ministrligi men QR Densaulyq saqtau ministrligi qyzmetkerleri aralasyp, qújattargha qatysty barlyq mәselelerdi jedel arada sheshken.

«Ras, sapasyz apparattardy nemese dәri-dәrmekterdi paydalanuda onday tәuekelge barugha bolmaydy. Jauapkershilik bar. Sondyqtan Qazaqstangha shetelden әkelinetin barlyq dәri-dәrmekter men medisinalyq qúral-jabdyqtargha baqylau boluy, olardyng әrqaysysynyng qújattary boluy tiyis. Biz múny jaqsy týsinemiz. Óitkeni, adamdardyng ómiri osy apparattargha baylanysty bolyp otyr.

Shyndyghynda, bizde búghan deyin tәjirbie bolghan joq. Sondyqtan, biz ol medjabdyqtardy jetkizude keybir mәselelerdi eskermedik. Biraq, qazir qýúzyrly ministrlikterding aralasuymen, búl mәseleler sәtti sheshildi. Satyp alghan medisinalyq jabdyqtardyng alghashqy bóligi Elordagha jetti.

Ayta ketu kerek, búl el bolyp, birlese atqarghan auqymdy is. Endi eldegi eriktiler búl apparattardy múqtaj mekemelerge jetkizumen ainalysatyn bolady. Búl asar arqyly jiylghan aqshagha satyp alynghan apparattar. Biz osynday qiyn kezde bir-birimizdi qoldauymyz kerek», - deydi Aynúr Túrsynbaeva.

Ayta keteyik, atalghan ottegi konsentrattarynyng elge jetkiziluine jәne qújattyq rәsimdeuine qol úshyn bergen azamattardyng biri -  Senat deputaty Dana Núrjigit hanym. Ol medisinalyq apparattardy eriktiler tobymen birge Elorda әuejayynan kýtip alghan.

Bastamashyl top, qújattyq qiyndyqtargha tap bolghan kezde elge jetkizilgen apparattardy «SQ-Farmasiya» kompaniyasyna ótkizbesten, eriktiler arqyly taratugha rúqsa súrap, senatorgha habarlasqan.

Senator óz kezeginde, dәl osynday ótinishpen QR Densaulyq saqtau ministrligine, Preziydent әkimshiligine jýgingen. Nәtiyjesinde, el preziydenti Qasym-Jomart Toqaevtyng aralasuymen, barlyq mәseleler ong sheshilgen.

Atalghan sharagha Preziydentting baspasóz hatshysy Berik Uәli, PÁ-ning ótinishterdi qabyldau bólimining basshysy Tamara Dýisenova, Qazaqstannyng Týrkiyadaghy Elshiligi t.b. memlekettik mekemeler aralasyp, qol úshyn bergen.

«Búl kýrdeli jaghday. Sondyqtan ereshk sheshimderdi qajet etedi. Eriktiler tobynyng búl isi – ózge de memlekettik apparattar ýshin ýlgi bolarlyq.

Adamdar – osynday qiyn kezde indetpen betpe-bet, jeke qalmaytynyn, olagha el azamattary, Memleket kómektesitinin sezinui kerek.

Áriyne, zang әrkez ýstem boluy tiyis. Dәl osy «Ekinshi tynys» sharasy – soynday pandemiya kezinde jedel is-sharalar ýshin qúqyqtyq kenistik әzirleu kerektigin kórsetip otyr.

Búl koronavirus eshkimdi әleumettik statusyna bólip qaramaydy. Eng aldymen biz adambyz. Sondyqtan, pandemiya kezinde osynday sharalargha týsinistikpen әri janashyrlyqpen qoldau kórsetu kerek!», - deydi Dana Núrjigit.

Ayta keteyik, eriktilerding bastamasymen elge jetkizilgen ottegi konsentrattaryn Elorda әuejayynan senator Dana Núrjigit kýtip aldy. Búl apparattar «SQ-Farmasiya» kompaniyasyna berilmeydi. Olardy taratumen eriktiler toby ainalysatyn bolady.

Aynúr Túrsynbaeva bastama kóterip, qolgha alynghan shara aldaghy uaqta da óz jalghasyn tappaq. Eriktiler tobynyng aituynsha, qayyrymdylyq aksiyasyna jinalghan aqshagha taghy 850 ottegi apparattary alynbaq. Olar Qytaydan 2 aptanyng ishinde jetkiziledi. Eriktiler osynday apparattardyng jalpy sanyn 1000 danagha jetkizudi josparlap otyr eken.

Abai.kz