Praymeriz dodasynan júrtym, últym deytin úldy da, qyzdy da, últtyq qúndylyghymyzdy dәriptegen «NurOtan» partiyasy ókilin de kórmedim.

N.Á. Nazarbaevtyn: «Qazaq tili Mәngilik Elding mәngilik tiline ainalady» degen sózin, Núr-Otandyqtar joqqa shyghardy.

Jaqynda astanamyzdaghy «NurOtan» partiyasynyng ghimaratynda ótken praymerizge qatysushylardyng jiynynda boldym. Ýlken dodagha týsip jatqandar ónsheng qarakóz qazaqtar eken. Jaratqangha shýkirshilik aityp, ishtey quandym. Ayman Músahodjaeva, Túrsynbek Qabatov, Erlan Dәkenov,  Baqtiyar Artaevtardy kórip, últymyzdyng kósegesin kógertetin sayypqyran úl-qyzdarymyz basyn bәigege tigipti-au degen ýmitim molaya týsti. Mәjiliske shaqyrylghan 30 adamnyng 29-y qazaq, bireui ózge diaspora ókili eken.

Ne kerek, belgilengen uaqyt boyynsha jinalys bastalyp ony Núr-Súltan qalasy «NurOtan» partiyasy filialy tóraghasynyng birinshi orynbasary Kanalimov Erlan Ermekúly ashty. Ádettegidey bir auyz qazaqsha әngimelesti de, oryssha kósiltti-ay kelip. Led ekrandaghy jazbalar da kórshi Resey memleketining memlekettik tilinde. Qazaqstan memleketining memlekettik tilinde lәm-mim degen, jazu ya bolmasa sóz estisem kereng bolayyn. Úyattan da, namystan da kirerge tesik tappay kettim. Erlan Ermekúly jarty saghat oryssha jýitkip baryp tynystaghannan keyin qolymdy kóterip әdeppen, men eshtene týsinbegenimdi, endi qazaqsha aityp beruin ótindim.

Erekeng salghan jerden: «Men qazir jinalysqa asyghyp otyrmyn, mening kabiynetime keliniz, jeke ózinizge týsindirip bereyin» - dep qarap túr. Mәssaghan, bezgeldek. Ol, ol ma, kóretin soraqylyq әli alda eken. Erekeng zalda otyrghandargha tribunadan kenirdegin sozyp «Taghy kim týsinbey qaldy?» dep súrau saldy. Zalda otyrghan 29 qazaghym bastaryn ishine tyghyp, alyp, oqtau jútqanday melshiydi de qaldy. Ishinde, býlik salghysh, oryssha týsinbeytin jalghyz men bolyp shyqtym. Janaghy Túrsynbeging de, Ayman Músahodjaevang da, keremet dep tóbege kóterip jýrgen úl-qyzdaryng da mynauynyz dúrys emes deuge, memlekettik tildi talap etuge jaramady.

Al, endi osylar alda-jalda elimizding joghary Zang shygharushy organy Parlamentke deptutat bolatyn bolsa, qazaqtyng joghyn joqtap, múnyn múndaydy degenge sener me ediniz? Qara basynyng qamyn kýittegender ekeni әlden-aq kórinip túr. Sonymen qatar halqymyz ýmit artqan «NurOtan» partiyasy filialy tóraghasynyng orynbasary Erlan Ermekúly memlekettik tildi ysyryp tastap, Resey memleketining tilin әspetteuin qay shenberge syighyzamyz. Búl partiyanyng bedelin últ aldynda, memleket aldynda masqara etu emes pe? «NurOtan» HDP kósemi N.Á. Nazarbaevtyng «Qazaqstannyng bolashaghy qazaq tilinde» degen sózin, partiyanyng mýsheleri ayaqasty etip otyrghanyna kózimiz jetti.

Odan qaldy N.Nazarbaev «Jýz qazaq otyryp, bir orys otyrsa jabylyp oryssha sóileymiz, biz sonday sorly halyqpyz» dep aitsa aitqanday-aq eken. Ony «NurOtan» partiyasynyng ókili Erlan Kanalimov ózi-aq dәleldep berdi. Qarashal Abaydyng «Qaynaydy qanyn, ashidyjanyng minezderin kórgende» - degen osy shyghar. Ózekti órteytin jәit.

Beybit Ospan

Abai.kz