Beysenbi, 20 Mausım 2019
Jañalıqtar 2043 0 pikir 30 Mausım, 2009 sağat 21:44

Quandıq ORAZBEKWLI. Qarajattı tender arqılı «tartıp» alğısı keletinder de bar

Türkistan qalası jaqtan dauıl siyaqtanğan ülken bir daudıñ dümpui sezile bastadı. Ol dau "Dayrabaydıñ kök siırınan" emes, halıq üşin öte qajetti äleumettik-energetikalıq nısan – jılu qazandıqtarın saluğa bölingen qarajatqa keybir käsipkerlerdiñ köz alartuınan tuındap otır. Biz mwnı Türkistan qalasınıñ äkimi Beybit Şaldarwlı Sızdıqovtıñ Oñtüstik Qazaqstan oblısınıñ prokurorı Marat Mwratwlı Ahmetjanovtıñ atına jazğan eki hatımen tanısu barısında wqqanday boldıq.
Tanımau mümkin emes. Bwl – bıltır oblıstıñ bwrınğı äkimi Nwrğali Äşimovtiñ, qala äkimi Beybit Sızdıqovtıñ, oblıstıq Energetika jäne kommunaldıq şaruaşılıq basqarmasınıñ basşıları men mamandarınıñ şaraday bastarın şaqşaday qılğandardıñ qwlaqtarın qıltitıp tağı da boy körsete bastağanınıñ belgisi.

Türkistan qalası jaqtan dauıl siyaqtanğan ülken bir daudıñ dümpui sezile bastadı. Ol dau "Dayrabaydıñ kök siırınan" emes, halıq üşin öte qajetti äleumettik-energetikalıq nısan – jılu qazandıqtarın saluğa bölingen qarajatqa keybir käsipkerlerdiñ köz alartuınan tuındap otır. Biz mwnı Türkistan qalasınıñ äkimi Beybit Şaldarwlı Sızdıqovtıñ Oñtüstik Qazaqstan oblısınıñ prokurorı Marat Mwratwlı Ahmetjanovtıñ atına jazğan eki hatımen tanısu barısında wqqanday boldıq.
Tanımau mümkin emes. Bwl – bıltır oblıstıñ bwrınğı äkimi Nwrğali Äşimovtiñ, qala äkimi Beybit Sızdıqovtıñ, oblıstıq Energetika jäne kommunaldıq şaruaşılıq basqarmasınıñ basşıları men mamandarınıñ şaraday bastarın şaqşaday qılğandardıñ qwlaqtarın qıltitıp tağı da boy körsete bastağanınıñ belgisi.
– Türkistan qalasındağı köpqabattı üylerdiñ twrğındarı qıs kezinde ortalıqtandırılğan jılu jüyesiniñ raqatın körmegenine 19 jıl bolıptı. Sodan oblıs äkimdigi 2007 jılı byudjetten jılu qazandıqtarın saluğa 1 milliard 110 million teñge qarajat böldi. Jwmıstı atqaruşı mekemeni tañdau üşin oblıstıq Qwrılıs departamenti sol jılı bayqau ötkizdi. Sonda "qazandıqtardı 971 million teñgege salıp, iske qosıp beremiz" degen "Beybit Qwrılıs" JŞS jeñiske jetip, Türkistan qalalıq äkimdigimen kelisimşartqa otıru üşin keldi. Jwmıstı 130 million teñgege arzan orındaymız degenderine qalalıq äkimdik senimsizdikpen qaradı. Söytip, "kötere almaytın şoqpardı belderine baylağandıqtarın" bayandap, oblıstıq ekonomikalıq sotqa talap-arız berdik. Biraq talap-arızdı qarağan sud'ya bizdiñ sözimizdi söylemedi, – deydi qala äkimi Beybit Sızdıqov.
Sud'ya qalalıq äkimdiktiñ uäjderine qwlaq aspağanı orınsız ekeni qıs kelgen soñ belgili boldı. Merdigerden qayran bolmay qaldı. Oblıstıq, Türkistan qalalıq äkimdigi birinşi qazandıqtı "itten süyek qarızdar" bolıp, demeuşilerdiñ kömegimen, özderi tabandarınan tozıp jürip 2009 jıldıñ qısı ayaqtaluına 1-2 ay qalğanda äreñ degende iske qostı. Ol kezde tenderde jeñimpaz atanğan JŞS-nıñ basşıları qayda jürgenin eşkim ayta almaydı.
– Men Türkistan qalasınıñ äkimi qızmetine 2008 jıldıñ mamırında tağayındaldım. Ol kezde merdiger 600 million teñgeden astam qarajattı jaratıp qoyğan eken. Jwmıs küntizbedegiden 4 ayday qalıp kele jatqanın eseptep şığaru qiın bolğan joq. Atqarılğan jwmıs kölemi jwmsalğan qarajatqa säykes kele qoymaytını añğarıldı. Qalğan 350 million teñgeni oblıs basşılarımen aqıldasa otırıp, qwral-jabdıq aluğa jwmsadıq. Jılu jüyesiniñ qwrılısına basqa merdigerlerdi tarttıq. Türkistan qalasınıñ qaltalı azamattarı demeuşilik jasap, kömek körsetti. Berisi 300, ärisi 500 mıñdap, tipti million teñgege juıq qarajat bergender boldı, – dedi qala äkimi.
Däl osı qwrılıs ayaqtalmağan jağdayda halıqtıñ bilikke senimi joğalatın, Elbasına berilgen uäde orındalmay qalatının tüsingen türkistandıqtar qoldan kelgenniñ bärin jasağanın ayttı qala basşısı. Biz äkimnen sol jolı tenderde jeñimpaz atanıp, jwmıstı bastap, ayağın tastap ketken JŞS-nıñ qazir qayda jürgenin swradıq.
– "Beybit-Qwrılıs" JŞS qazir Türkistan qalasındağı ekinşi qazandıqtıñ qwrılısın salu üşin jariyalanğan bayqauda biz nege jeñimpaz atanbadıq dep, sottasıp jür. Şaması, osı jolı da bayqauda jeñimpaz atanıp, biraz qarajattı "igersek", qalğanın türkistandıqtardıñ özderi bıltırğıday "asarlatıp" ayaqtap aladı, – degen oyda jürgen boluı kerek, – deydi qala äkimi.
Türkistan qalasınıñ äkimi Beybit Sızdıqov oblıs prokurorı Marat Mwratwlınıñ atına jazğan bir hatında "OQO Energetika jäne kommunaldıq şaruaşılıq basqarmasınıñ konkurstı wyımdastıru äreketine qatıstı 2009 jılğı 8 mausımdağı "talap qoyudı qamtamasız etu" turalı OQO mamandandırılğan audanaralıq ekonomikalıq sotınıñ wyğarımın zañsız dep tauıp, bwzu turalı narazılıq keltiruiñizdi swranamın" depti.
Osı hatında qala äkimi oblıs prokurorına atalğan JŞS-nıñ Türkistandağıday qazandıqtardı saluğa licenziya almay, qwrılıs jwmıstarın jürgizgendigin aytıptı. Mwnı QR "Licenziyalau turalı" zañınıñ 12-babı, 5-tarmağınıñ talabın öreskel bwzu dep tüsingenimiz abzal. Zañ talaptarın bwzuğa kim qwqıq bergen?
Biz qala äkimi Beybit Sızdıqovtan "Üstiñizden arız jazıp jürgen JŞS-nıñ salıp jatqan özge qwrılıs nısandarı turalı aqparattarıñız bar ma? Bälkim, olar şınımen-aq tağı da bir ret senim artıp köruge bolatın mekeme şığar" dep swradıq. Äkim:
– Solay bolğanın men de qalar edim. "Beybit-Qwrılıs" pen "Quanış-2" JŞS-ların bir adam basqarıp otır. Olar Türkistan qalasındağı M.Balaqaev atındağı orta mekteptiñ qwrılısın 2008 jıldıñ qaraşa ayında ayaqtauğa tiisti edi. Älige deyin bitken joq. Maqtaaral audanındağı S.Seyfullin atındağı orta mekteptiñ qwrılısı da ayaqtalmay, siırqwyımşaqtanıp bara jatqanın bilemiz. Şımkent qalasındağı "Nwrsät" ıqşamaudanındağı "Sever" podstansasınıñ qwrılısı da oñbay twr eken. Biraz adam zañ aldında jauap beripti. Biraq qwrılıs ayaqtalmağan, – dedi.
Tenderdi "sauın siır" sanaytındardıñ jwmısın mayşammen qarau kerek. Mwnı Qarjı policiyasına qaratıp aytıp otırğanımızdı wqqan şığarsızdar.
Jetpegeni osı edi?!. Endi byudjet qarajatın tük bitirmeytinder, qolında sömkesinen basqa eşnärsesi joqtar da bayqaular arqılı "berseñ qolıñnan, bermeseñ jolıñnan" tartıp alğıları kelip jatır. Ondaylar äkimderge aşıq şabuıl jasauğa deyin bara bastadı. Türkistandağı dau osınıñ bir mısalı.

 

 

Quandıq ORAZBEKWLI, Türkistan qalası
«Ayqın» gazeti 30 mausım 2009 jıl

0 pikir