Baspanasyn zilzala qiratyp ketken oralman Saylamqan Qauannyng otbasy osy kiyiz ýide túryp jatyr. Tekeli, Almaty oblysy. 2 shilde 2009 j.

Almaty oblysynyng Tekeli qalasynda bolghan zilzaladan zardap shekken túrghyndar óz betinshe tapqan uaqytsha baspanalarda túryp jatyr. Biraq olar óz ýi-pәterlerining suyq týskenge deyin qalpyna keltiriletindigine senimdi emes.
Mausymnyng 13-i kýni Tekeli qalasynda bolghan kýshi 7 balldyq jer silkinisi 400 million tengening (2,7 million dollar) zardabyn әkeldi. Jarty aigha juyq ýiler men әkimshilik ghimarattardy tekserip-zerttegen ýkimet komissiyasy osynday qortyndy jasady. Býlingen ghimarattardy qalpyna keltiru júmysyna kerekti qarjy mәselesi әli sheshilgen joq.
Kýshti zilzala qaladaghy ondaghan qúrylys nysandaryn qiratyp ketken. Tekeli әkimining orynbasary Gennadiy Savinov komissiyanyng júmysy jayynda Azatttyq radiosyna bylay dep týsinikteme berdi:
«Zilzaladan song biz 15 top qúryp, qaladaghy barlyq kóshelerdi aralap, kelgen zardaptyng kólemin, kimge qanday kómek qajettigin anyqtadyq. Týsken ótinishterdi qabyldap, zertteu jasadyq. Qazir әlgi 15 top basqa baghyttar boyynsha júmys istep jatyr. Aldymen olar qanday kólemde zardap kelgenin anyqtady, endi olar, budjetting qarjylandyruyn kýtpey-aq, qúm, sazbalshyq, sement sekildi qúrylys materialdaryn әkelip jatyr».
Zardap shekkenderding kópshiligi býlingen túrghyn-jaylardy qalpyna keltiru ýshin tek qana óz kýshterine senuge tura kele me dep alandauly. Ásirese zeynetkerler men mýgedekter qatty uayymdap otyr. Kiyiz ýide túryp jatqan oralman Saylamqan Qauannyng otbasy zilzala qiratyp ketken ýiine kirgisi joq, basqa baspana súraydy.
«Ózim dimkәs adammyn, ýidi jóndeuge shamam kelmeydi. Zilzaladan song bir týndi dalada ótkizdik, al kelesi kýni bizding aulamyzgha osy kiyiz ýidi qúryp berdi. Kýn sayyn komissiya kelip jaghdayymyzdy kórip ketedi, tipti oblystan da keldi. Biraq búl ýy endi túrugha jaramaydy dep oilaymyn, sondyqtan maghan basqa ýy berudi súrap otyrmyn», – dedi Saylamqan Qauan Azattyq tilshisine.
Almaty oblysynyng әkimi Serik Ýmbetov zilzaladan zardap shekkenderge tez arada jәrdem jasaugha uәde bergen edi. Alayda sodan beri jiyrma kýn ótse de, qarjy mәselesi sheshilgen joq. Zilzaladan býlingen ghimarattardy qalpyna keltiru júmystary tym sozylyp kete me dep qoryqqan túrghyndar endi qarausyz qalghan ýilerindegi mýlik-zattaryn súghanaq qoldan qoryp-saqtaudy úiymdastyrudy biylik oryndarynan súrap otyr.
Tekeli qalalyq ishki ister basqarmasy bastyghynyng orynbasary Ghalymjan Aybasov zardap shekkenderding dýniye-mýlkin kýzetu mәselesi jayynda Azattyq tilshisine bylay dedi:
«Biz negizinen týngi mezgilde kýzetu ýshin eki qyzmetker bóldik. Qoldaghy bar kýshtin, patruli toptarynyng kýzetiletin aimaqqa neghúrlym jaqynyraq boluyn úiymdastyrdyq. Kýzet úiymdastyrylghan sәtten bastap qazirgi kýnge deyin ol jerde úrlyq, tonau oqighalary bolghan joq».
Býginde Tekeli túrghyndarynyng kóbi zilzaladan keyin etek-jenin jinay bastady. Zardap shekkenderding kópshiligi tuystary men tanystarynyng kómegimen uaqytsha baspanalarda túryp jatyr. Biylik úsynghan jataqhanalar bos túr dese bolady.
Adamdardy tolghandyratyny jalghyz nәrse – suyq týskenshe biylik olardyng ýi-pәterlerin jóndep ýlgere me, joq pa?

Áliya AHMEDIYEVA
«Azattyq» radiosy 2 shilde 2009 jyl