Ot ishinde botang janyp jatsa da,
Ot ishinde Otan janyp jatsa da
Eshkim kelip sóndirmeydi órtindi!
(Eski ólennen)

Otyz jyl ottaghanyng – «ghajap ertek»,
«Ertekshi», qarang batsyn!
Maza ber!
Ket!
Jasaghan, «ertekshige» jaza ber tek!
...Qys bolsa-aq Qazaqstan jylynady,
Bes-besten sәby órtep!
QAZAQ ÓRTEP!

Ýninen bes sәbiyding kók tenselip,
Barady shyndar shójip, kentter shógip...
Jatqanda pesh týbinde «ertek» tyndap,
Qúday-au, qansha sәby ketti órtenip?!.

Sol jalyn tenizdi «әrlep», týzdi «kórkep»,
Barady jýzdi sharpyp, izdi de órtep.
Kýlli ertek jaqsylyqpen ayaqtalad,
Tek qana olay emes – bizding «ertek»!..

Uleydi auzymdy ashsam zaryq kәlam,
Órteydi taghy kimdi tabyt-qalan?
Ózge júrt alsa azattyq – beyishke ened,
Men nege qadam bassam – tamúqtanam?..

Laulaydy qara tabyt jalyny úshqan,
Úshqyny múz kózderge shaghylysqan.
Shaytannyng shalasynan ot shashady,
Tyghylghan taq-tabytqa kәri mystan!

Kórermin kimdi jaqyn, kimdi dúshpan,
Men nege qúr qalamyn kýlli yrystan?..
Kóz salsam týngi aspangha,
Qol sozady
Sәbiyler ÓRT IShINDE shynghyrysqan!

Qol sozar, al olargha otany joq,
Otany ketti әrkimning toqaly bop!
...Bóri jýr Bozjyrada, bilemisin,
Bozdaghan Ay astynda, bota-jýrek?..

Qúzynda Ay móliygen túl daladan,
Shyghady sәby ýni ingәlaghan.
Qarashy –
bes sәbiydi kóremisin,
Shynysyn ÓRTTI ASPANNYNG tyrnalaghan!

Sol ýnnen betin basyp qashty keren,
Soqyrdyng kirpiginde jas týtegen!
Jylaghan qazaq ýnin estimeske,
Qúlaghyn toqal otyr – tas bitegen!

Áneki, júldyz byqsyp, kesh kirude,
Shapshidy órt! –
Ýnin, qargham, estiding be?
...Ey, sәbiy-qazaqstan, jatyrmysyn,
Taghy da «ertek» tyndap pesh týbinde?...

Svetqaly Núrjan

Abai.kz