Búl turaly Jambyl oblysy boyynsha Sottar әkimshisining basshysy Berik Qúltasov Ónirlik kommunikasiyalar qyzmetinde ótken brifingte aitty. Búl turaly baq.kz  sayty habarlady.

"Jambyl oblysynyng qylmystyq ister jónindegi mamandandyrylghan audanaralyq soty 2021 jyldyng 27 sәuirinde Qorday audanyndaghy jappay tәrtipsizdik boyynsha ýkim shyghardy. 2020 jyldyng 7-8 aqpan aralyghynda Jambyl oblysy Qorday audany Masanshy, Búghar-baty jәne Auqatty audandarynda jappay tәrtipsizdik boldy. Onda olar zorlyq-zombylyq kórsetip, órtep, mýlikti qiratyp, atys qaruyn qoldandy. Saldarynan 10 azamat qaza tauyp, taghy bir adam janyp jatqan ghimaratqa qúlap, qaytys boldy", - dedi ol.

Qúltasov aitqanday, 158 azamat pen 20 polisiya qyzmetkeri jaraqat aldy.

"156 túrghyn ýy men sauda nysandary, 102 avtokólik qúraly býlinip, menshik iyelerine keltirilgen zalal 829 mln 848 myng tenge boldy. Jambyl oblysy Polisiya departamentining 10 avtokóligi zaqymdaldy. Memleketke 3 mln 291 myng tenge zalal keltirildi", - dedi ol.

Onyng aituynsha, jappay tәrtipsizdikting tuyndauyna atalghan auyldar túrghyndarynyng arasyndaghy túrmystyq jaghday boldy.

"Búghan deyin sot ýkimi boyynsha búzaqylyq әrekettermen densaulyqqa ziyan keltirip, biylik ókilderine kýsh qoldanghany ýshin 6 adam sottalghan bolatyn. Býgingi qylmystyq is boyynsha 2020 jyldyng 8 jeltoqsanynan biylghy 19 sәuirge deyin ótti. Oghan eki prokuror, 366 jәbirlenushi jәne 16 jәbirlenushi ókili, 10 qorghaushy jәne 4 audarmashy qatysty", - dedi ol.

Qúltasov ataghanday, is boyynsha 51 adam aiyptalushy retinde sotqa berilip, onyng ishinde 33-i qamauda, 18 adam jeke kepildik jәne eshqayda ketpeu qolhaty boyynsha ústaldy.

"Sottalushylargha týrli sonyng ishinde auyr jәne asa auyr qylmystar jasady degen aiyp taghyldy. Sot zang men sot aldyndaghy tendik prinsiypin basshylyqqa alyp, jinalghan dәleldeme men qylmystyq zannamada kórsetilgen jaza ayasynda kelesi sheshimderdi shyghardy: 50 adamdy kinәli dep tanyp, bir adamnyng kәnisining dәleldenbeuine baylanysty ony aqtady. Sottalushylardyng kinәlary molekulyarlyq, sot-tergeu qorytyndylary men jasyryn beynebaqylau dәleldemelerimen tolyq dәleldengen", - dedi ol.

Abai.kz