QR Preziydenti Q.Toqaevqa

Ashyq hat

1991 jyly 19 tamyzda Kenes Odaghynda bolghan tamyz býligining 30 jyldyghy qarsanyndaghy últ ziyalylarynyng úsynysy

Búl  “Halyq Qaharmany” ataghy men este qaldyrular, eskertkishter  Núrmahan  Orazbekke emes, eng әueli mәngilik el bolam deytin qazaq halqyna kerek! Jer betine 70 jyl oiran salghan totalitarlyq qoghamnyng songhy ret túyaq sepigen sәtinde oghan órshelene qarsy shyqqan qaysar túlghanyng qazaqtyng balasy ekendigin ghalamgha pash etip kórsetu ýshin kerek bizge!

Osydan onshaqty jyl búryn Resey taghy bir dýrlikti. Altay qys úiqyda jatqan orys aiy ornynan qorbandap túrghan. Songhy preziydent saylauyna kónili tolmaghan orys oppozisiyasy Mәskeudegi qarsylyq aksiyasyna qaray aghyldy. Oppozisioner-bloger Aleksey Navalinyy ereuilshilerdi “Chistye prudy” bulvaryndaghy “týsiniksiz qazaq” – Abay eskertkishi basyna jinalugha shaqyrdy. Sol-aq eken, sayasy sheruden habardar bolyp, internetke kóz telmirtip otyrghandardyng bireuinin: “Eh, Alesha, Abaydyng kim ekenin bilmegening atyna úyat emes pe?! Naghyz ot auyzdy oppozisioner Abay emes pe?! -degeni kýlli jer jahangha jaryq jyldamdyghymen tarap ketti. Sodan bastap, Batystaghy “okupayuollstriyt” qozghalysyna para-par “okupayabay” sherui bastaldy da jóneldi. Reseyding “Alipina non fikshn” baspasy sol kezde Abay shygharmalaryn 330 danamen shyghardy. “Óte me, ótpey me?” - degen kýdigi bolghan. Baspa diyrektory Pavel Podkosov onyng birinshi kýni-aq satylyp ketkenin an-tang qalyp aitady. Sonan song ile-shala 3 myng tirajben qayta shygharghan. Ol da lezde joq bolady... Abay shygharmalary orys tiline әli óz mәninde tәrjimalanyp jetken joq. Shala audarmasynyng ózi qúdayy kórshimizdi shalqasynan týsirdi! Mәskeudegi oppozisiyalyq sherulerdi úiymdastyrushylardyng biri Boris Akunin “Azamattyq belsendilik qanday jaqsy edi! “Chistye prudyda” otyramyn dep, Abaydy oqyp shyqtym, ghajap aqyn!” – dep jazady “Alipina non fikshn” baspasynan shyqqan Abay kitaby haqynda. Reseylik aqyn, әdebet synshysy Lev Rubinshteyn “Bir ghajayyp arqasynda Mәskeuding qúrmetti adamy әri erkindik simvolyna ainalghan dala danyshpany Abay endigi jerde erkindik sýigish Mәskeu júrtymen birge jer-jahandy aralap, ózinin bostandyq, erkindik qúqyghyn talap etetin boldy!” – dep jazdy.

Synsyghan qalyng ormannyng ishinde auzy aqqa jarymay, ash-jalanash, shytymyr ayaz, azynaghan jel ótinde erkindik pen toqshylyqty ansap ósip, patshalyq-sovettik imperiyalardyng temir shengeline týsken sherli orys júrty Pushkiyn, Lermontov, Nekrasov, Blok, Eseniyn, Evtushenko, Voznesenskiy syndy auzymen qús tistegen arqaly aqyndaryn attap ótip, nege Abaydyng basyna kelip, botaday bozdap túr? Orys tarihynyng arghy jaghyna barmay-aq, bergi jaghyn sholyp ótseniz, birimen-biri irkes-tirkes, qym-quyt tarihy oqighalar kóz qaryqtyrady. 1917-jylghy Qazan tónkerisi, jekemenshikti jappay tәrkilep, bay-baghylandardy jer audaryp, atyp-asu, qandy qasap repressiya, úly otan soghysy, halyq sharuashylyghyn qalpyna keltiru, qyrghy qabaq soghys, sonynan Sovet odaghy sekildi alyp imperiyanyng shanyraghynyng ortagha týsui—ormanday orys júrtynyng jýregine zildey salmaq týsirip, qabyrghasyn qaqyratyp-aq ketti. Sodan beri otyz jyl ótken eken. Búl—er jigitting at jalyn tartyp minip, azamat atanar túsy. Ne ózgerdi?

Orystar Abaydyng Alashqa ghana emes, adamzatqa aitqan sózin oqyghanda kókten Ghaysa týsip, jerden Mәdi shyqqanday boldy! Qalyng orys “týsiniksiz qazaqqa” Múhtar Áuezovting “Abay joly” romany jaryq kórgeninen son, 70 jyldan keyin qaytadan jalt qarady. Biraq... Orys imperiyasyna “týsiniksiz” bolghan jalghyz qazaq Abay ghana ma?! Orys otarshyldyghyna jantalasa qarsy shyghyp, óz elindegi satqyndar men týbi bir týrki – qyrghyz bay-manaptarynyng qolynan qaza tapqan qazaqtyng songhy hany Kenesary Qasymov, Isatay – Mahambet, Qypshaq Keyki, Ospan bahadúr, jyrtqyshtyng bodauynan sytylyp shyghyp, óz aldyna qazaqtyng últtyq memleketin qúrmaq bolghan Álihan Bókeyhan, Ahmet Baytúrsyn, Mirjaqyp Dulat, Jansha, Halel Dosmúhanbetovter, Maghjan Júmabay, osy ózimizding Álimhan Ermekov, Múhametjan Tynyshbayúly, Jaqyp Aqbayúly, Mústafa Shoqay, Halel Ghappasúly jәne t.b.s.s. Alashorda qayratkerleri, german-orys soghysynda jaudy Mәskeu týbinde toqtatqan polkovnik Bauyrjan Momyshúly, Reyhstagtyng tóbesine jenis tuyn birinshi bolyp jelbiretip, atausyz qalghan Rahymjan Qoshqarbaev, tósekte basy, tóskeyde maly qosylghan týrik-slavyan júrtynyng tilin zerttep, orys eposy “Igori jasaghy turaly jyrdyn” tórkinin týrkiden shygharyp, basy dauda qalghan Oljas Sýleymenov… Qúdayy kórshimizding “týsinbey” qalghan “týsiniksiz” qazaqtaryn sanap shyghugha osy zamanghy elektrondy eseptegish qúraldardyng shama-sharqy jeter me eken, jetpes pe eken?

Osydan otyz jyl búryn bolghan oqigha, taghy bir “týsiniksiz qazaq” turaly aitudyng reti býgin kelip otyr. 1991 jyly tamyzdyng 19-shy júldyzy kýni tang azanyndaghy Mәskeu radiosynyng habarlary KSRO Joghary Kenesi tóraghasy Lukiyanovtyng mәlimdemesimen bastaldy. Sodan keyin KSRO viyse-preziydenti Yanaevtyng jarlyghy oqyldy. Ile-shala kenes basshylyghynyng mәlimdemesi jariyalandy. M.S.Gorbachevtyng densaulyghyna baylanysty ózining mindetterin orynday almauyna, búl mansaptyng Yanaevtyng qolyna kóshuine baylanysty elding jekelegen jerlerinde alty aigha tótenshe jaghday engizildi. KSRO-da tótenshe jaghday jónindegi Memlekettik Komiytet qúrylyp, onyng qúramyna Qorghanys kenesi tóraghasynyng birinshi orynbasary Baklanov, Memlekettik qauipsizdik komiytetining tóraghasy Kruchkov, premier-ministr Pavlov, ishki-ister ministri Pugo, KSRO sharualar odaghynyng tóraghasy Starodubsev, Memlekettik kәsiporyndar assosiasiyasynyng tóraghasy Tezyakov, Qorghanys ministri Yazov, KSRO Preziydenti mindetin atqarushy Yanaev kirgenin habarlady.

Sol kýni Qaraghandy oblystyq “Ortalyq Qazaqstan” gazetining bas redaktory Núrmahan Orazbekov kensesining esigin jauyp alyp, bir maqala jazdy. Aydary: “Jeksenbiden dýisenbige qaraghan týni Kenes Odaghynda tónkeris jasaldy». Taqyryby: “IYә, búl – tónkeris!”. “IYә, kóregen sayasatshylar әldeqashan aitqan diktatura qateri   is jýzine ainaldy, – dep jazdy Núrmahan Orazbekov, – Zandy saylanghan Preziydentting densaulyghy kenetten nasharlap, eldi basqara almaytyn jaghdaygha jetti degen qyp-qyzyl ótirikke sene qoyatyn aqymaq býginde kýndiz qolyna sham alyp izdeseng de tabyla qoymas. IYә, búl – qyp-qyzyl tónkeris!”

Gazetting ertengi sanyna ketip bara jatqan materialdy sekretariattaghy, basqa da jigitter oqidy. Sol kezde redaksiyagha jazushy Jayyq Bektúrov kele qalady. Búl ózi stalindik repressiyanyng ótkeleginen ótken óte saq adam.

– Bir tyndasa, Sizdi tyndaydy, sóilesiniz! –desedi jigitter. Jaqan:

– Eng bolmasa, shapkasyn júmsartsayshy. «Kenes Odaghynda manyzdy oqigha boldy» deseng de, jetedi ghoy. Kókeyimizdegi sózimizdi aitamyz dep, kórdik qoy azapty! –deydi.

Sonda N.Orazbekov:

– Jaqa, sózdi shyghyn qylmanyz. Endigi kezek bizdiki shyghar, bәlkim. Taghdyr solay bolsa, búqpantaylaghanmen qútyla almaspyz! – dep kónbegen.

Tәniri sol kezde Qazaqstannyng Halyq Qaharmany ataghyn osy Núrmahan Orazbekovting mandayyna jazghanday edi. Ol sol kezde, qazaq óz aldyna, auzy dualy  orys jurnalistikasy da aita almaghan sózdi aitqan! Biraq, ony óz Tәuelsizdigin elden kesh alghan ózining qazaghy da, oiy ozyq, demokratiyashyl orys kórshisi de týsingen joq... Ol kezde aqylymyz altau, oiymyz jeteu bolghan shyghar? Sodan beri 30 jyl ótti. Esimizdi әli jighan joqpyz ba?!

Núrmahan Orazbekov–“Ortalyq Qazaqstannyn” redaktory bop kelgen bette gazettin mandayyndaghy “Barlyq elderding proletarlary, biriginder!” – degen úrandy alyp tastaghan adam. “Kitaby joq jazushy” Jayyq Bektúrovtyng sandyghynda 30-40 jyl boyy jaryqqa shyqpay, sarghayyp jatqan Alashorda ardaqtylary turaly jazbalar osy gazette jalghannyng jaryghyna shyqty. Maghjan Júmabaydyng “Batyr Bayan” dastanyn osy gazet respublikada birinshi bolyp jariyalady.

Tamyz býligi kezinde,-- qalyng orys ormanynyng ózi úiqydan oyana almay, ozat oily orys jurnalisteri ýndey almay qalghanda, Alashtan aldaspanday jarqyrap shyghyp:  “Búl--memlekettik tónkeris!”-dep jahangha jar salghan jurnalist Núrmahan Orazbekting esimi úmylylmaugha tiyis!

Al sol tamyz býliginde Mәskeudegi topalannyng arasynda tankining astyna týsip qap, mert bolghan  ýsh adamyna “Reseyding Batyry” ataghyn bergenin eske sala keteyik.

Al Qazaqtyng qaysar qaharmany  Núrmahan Orazbek onday erlikke, onday qúrbandyqqa ózi ústaz tútyp ótken Alash arystarynday sanaly týrde bardy!

Eger TJMK (GKChP) biraz uaqyt bolsa da, ómir sýrip ketkende, olardyng nómiri birinshi jauy Núrmahan Orazbek bolar edi de, qarauylgha alghashqy bolyp iliner edi…

“El bolghan song er tughyzbay otyra almaydy” (Maghjan) degenimizben, qúrsaghynan jaralghan er-úldarynyng qadir-qasiyetin bilmese, elding de ensesi tómendey beredi ghoy?..

Sonymen, bizding úsynysymyz:

1. Biyl - Últtyq Tәuelsizdigimizge otyz jyl. Osy úlystyng úly jyly qarsanynda Núrmahan Orazbekti “Halyq qaharmany” ataghymen marapattaytyn kezeng keldi!

2. Tughan jeri Týrkistan men enbek etken jeri Almatydan Núrmahan Orazbekting atyna kóshe beru jәne mektep atyn berk mәselelerin jedel qolgha alu qajet!

3. Tughan jeri Týrkistanda, enbek etken jeri Qaraghandydaghy oblystyq “Ortalyq Qazaqstan” gazeti aldynda jәne Almatyda eskertkish-bustin ornatu kerek.

Búl  “Halyq Qaharmany” ataghy men este qaldyrular, eskertkishter  Núrmahan  Orazbekke emes, eng әueli mәngilik el bolam deytin qazaq halqyna kerek! Jer betine 70 jyl oiran salghan totalitarlyq qoghamnyng songhy ret túyaq serpigen sәtinde oghan órshelene qarsy shyqqan qaysar túlghanyn  qazaqtyng balasy ekendigin ghalamgha pash etip kórsetu ýshin kerek bizge!

Qúrmetpen,

Úlyqbek ESDÁULET, aqyn, Qazaqstan Jazushylar odaghy basqarmasynyng tóraghasy, Memlekettik syilyqtyng laureaty;

Dulat ISABEKOV, jazushy-dramaturg, Memlekettik syilyqtyng laureaty;

Beksúltan NÚRJEKE, jazushy, Memlekettik syilyqtyng laureaty

Smaghúl ELUBAY, jazushy, QR Enbegi singen qayratkeri,

Israil SAPARBAY, aqyn. “Parasat” ordeni iyegeri, Tәuelsiz “Tarlan-Platina” syilyghynyng laureaty;

Tynyshtyqbek ÁBDIKÁKIMÚLY, aqyn, Memlekettik syilyqtyng laureaty;

Qúlbek ERGÓBEK, filologiya ghylymy doktory, professor;

Serik AQSÚNQARÚLY, aqyn, QR Enbek sinirgen qayratkeri, Memlekettik syilyqtyng laureaty,

Kópen ÁMIRBEK, satiriyk, Qazaqstannyng Enbek sinirgen qayratkeri, Preziydent syilyghynyng laureaty;

Ghalym JAYLYBAY, aqyn, “Júldyz” jurnaly bas redaktory, Qazaqstannyng Enbek sinirgen qayratkeri;

Jarylqap BEYSENBAY, jurnalist, jazushy;

Temirghaly KÓKETAEV, fizika ghylymy doktory, professor;

Álihan  BÁYMEN, memleket jәne qogham qayratkeri;

Qazybek ISA, aqyn, QR Parlamenti Mәjilisining deputaty,

Janarbek ÁShIMJAN, jurnalist, QR Parlamenti Mәjilisining deputaty,

Maqpal MYSA, aqyn, QR Parlamenti Mәjilisining deputaty;

Mamadiyar JAQYP, Qazaqstannyng Qúrmetti jurnaliysi;

Seyitqazy MATAEV, QR Jurnalister odaghynyng tóraghasy;

Janghaly JÝZBAY, Qazaqstannyng Enbegi singen qayratkeri; kýishi, professor;

Bóri ISA, QR Mәdeniyet qayratkeri, professor, kýishi;

Beysenbay SÝLEYMENOV – jazushy, qogham qayratkeri. Preziydent syilyghynyng laureaty;

Qaldybek QÚRMANÁLI, kompozitor, Qazaqstannyng Enbegi singen qayratkeri;

Dәuren QUAT, jazushy, “Qazaq әdebiyeti” gazeti Bas redaktory, Halyqaralyq Alash syilyghy laureaty;

Qúltóleu MÚQASh, “Qazaq ýni” gazeti Bas redaktory,  Qazaqstannyng Mәdeniyet qayratkeri;

Zeynolla ABAJAN, jurnalist, QR Aqparat isining ýzdigi;

Núrgeldi ÁBDIGhANI, “Abai.kz” portaly Bas redaktory, QR Aqparat calasynyng ýzdigi;

Aqylbek ISABEKOV - zang ghylymdarynyng doktory, professor;

Almas MÁULENOV – filologiya ghylymdarynyng doktory, professor;

Ábjappar ÁBDÁKIMOV, tarih ghylymynyng doktory;

Álibek ShEGEBAY – aqyn, Qazaqsiannyng “Serper” jastar syilyghynyng laureaty, Qazaqstan Jazushylar odaghy Týrkistan oblysy filialy tóraghasy;

Jeksenbek NÚRJAUOV – QR Mәdeniyet qayratkeri, kýishi;

Zeyin ÁLIPBEK– jurnalist. QR jurnalister kәsipodaghynyng preziydenti.

Qoylybay ASAN, filologiya ghylymy kandidaty;

Bekjan ÁShIRBAEV – aqyn, kompozitor;

Tynys ÁMETÚLY, Qazaq SSR Oqu-aghartu  isining ýzdigi;

Núrlan ÁBDIBEK, aqyn, jurnalist,  Halyqaralyq Jambyl atyndaghy syilyqtyng laureaty;

Geroyhan QYSTAUBAY, jurnalist, qogham qayratkeri;

Jomart JENIS, tarih ghylymy kandidaty, professor, "Kýltegin" ghylymy zertteu ortalyghynyng diyrektory.

Jylbek SENBEKÚLY – jurnalist;

Almas AQYLBEK – Týrkistan oblysy  «Otyrar alqaby» gazetining bas redaktory.

Asqar DÝISENBI– aqyn, kompozitor, ghalym. Ábdimәlik BELGIBAY, jurnalist, Q.Qaziyev atyndaghy syilyqtyng laureaty;

Baghlan OMAR– kýishi-kompozitor, produser;

Bekbala AQYLBEKOV - Atyrau oblystyq prokuraturasynyng basqarma bastyghy.

Altynbay MÚSA, Qazaqstannyng Mәdeniyet qayratkeri, “Altyn Alma” otbasylyq ansambli jetekshisi;

Azamat TASQARAÚLY, aqyn, Qazaquni.kz últtyq portaly Bas redaktory, Memlekettik “Daryn” jastar syilyghy laureaty.

“Qazaq ýni” gazeti,

Abai.kz