25 tamyzda Almaty oblystyq kóshi-qon qyzmeti Qytayda 16 jyl qamauda otyryp, biyl sәuir ayynda Qazaqstandaghy otbasyna oralghan Raqyjan Zeynollagha Qazaqstan azamaty ekenin rastaytyn qújat berdi. Búl turaly Centralasian mәlimdedi.

Áyeli Farida Qabylbek kýieui Raqyjan Zeynollanyng baspasózben sóileskisi kelmeytinin aitty.

- Ol Qytay týrmesindegi ýreyden әli aryla almay jýr. Qazaqstangha keterde Qytay polisiyasy "basynan ótken jaytty jariyalamau" jóninde qújatqa qol qoydyryp alghan. Sondyqtan eshkimge súqbat bergisi kelmeydi. Býgin Qazaqstan azamaty bolghanyn rastaytyn qújat alghanyna qatty quanyp otyr, - deydi Raqyjan Zeynollanyng әieli.

Rahyjan Zeynolla 2003 jyly Qazaqstan azamattyghyna qújat tapsyrghan. Qazaqstannyng sol kezdegi preziydenti Núrsúltan Nazarbaevtyng oghan azamattyq beru turaly jarlyghy da shyqqan. Biraq Qazaqstan azamaty ekenin rastaytyn kuәligin almay túryp, Qytaygha qydyryp barghan ol keri qayta almay qalghan.

Búghan deyin әieli Farida Qabylbek kýieui Raqyjan Zeynollanyng Qytayda "aqparat tasushy sayasy qylmysker" degen aiyppen 13 jylgha jazyqsyz sottalghanyn aityp, Qytaydyng Almatydaghy konsuldyghy aldynda birneshe ret narazylyqqa shyqqan.

Rahyjan Zeynolla 2018 jyly týrmeden shyghyp, qayta ústalyp, taghy da bir jyl sayasy lageride bolghan. Odan keyin taghy da eki jylgha juyq ýiqamaqta otyrghan ol 2021 jyly 9 sәuirde Qytaydyng Chendu qalasynan Almatygha úshyp kelgen.

58 jastaghy Raqyjan Zeynolla Qytaydyng Boro-Tala-Monghol avtonomiyalyq oblysynyng Arasan audanyna qarasty Qarabúqa kentinde tuyp-ósken. 2000 jyly otbasymen birge Qazaqstangha kóship, Almaty oblysyna qonystanghan. 2004 jyly Shynjangha qydyryp barghan Raqyjan Zeynollany polisiya ústap, jauapqa tartqan.

Abai.kz