Qazaqstanda qazaq tilin biletin halyq ýlesi 86 payyzgha jetti. Búl turaly QR Parlamenti Senatynyng Tóraghasy Mәulen Áshimbaev aitty. 

«Ekonomikalyq jәne әleumettik janghyrudyng әleumettik bazasy jәne qozghaushy kýshi retinde orta sanattyng qalyptasuy da manyzdy ózgeris sanalady. Tәuelsizdik jyldarynyng ishinde azamattarymyzdyng ortasha tabysy 13 eseden astamgha artqanyn aitsaq da jetkilikti. Kәsipkerler qatary da artyp keledi. Jeke bizneste júmys istep túrghan subektiler sany 2021 jyldyng 1 qantarynda 1,4 mln-dy qúrady. 2005 jyldan bastap búl ýsh esege juyq ósimdi qúraydy», - dedi Senat spiykeri Qazaqstan әleumettanushylarynyng VII kongresinde.

Onyng atap ótuinshe, urbanizasiya qazaqstandyq qoghamnyng әleumettik stratifikasiyasyna yqpal etetin manyzdy trendterding biri sanalady. Tәuelsizdik jyldary qala halqynyng sany 9 mln-nan 11 mln-gha deyin artyp otyr.

«30 jyldyng ishinde elding demografiyalyq beyini, halyqtyng etnikalyq qúramy ózgerip, jana tildik orta qalyptasty. Qazaq tilin biletin halyqtyng ýlesi 86 payyzgha jetti. Búl rette qazaqstandyqtardyng 92 payyzy orys tilin biledi. Biz – jas últpyz. Qazaqstandyqtardyng ortasha jasy shamamen 32-ni qúraydy. Sonymen qatar ómir sýru úzaqtyghy da úzaryp keledi», - dedi Mәulen Áshimbaev.

Abai.kz