Halyqaralyq jasyl tehnologiyalar jәne investisiyalyq jobalar ortalyghy Glazgo qalasynda ótken klimat sammiyti barysynda «Klimatty saqtau ýshin kýrestegi ónirlik birlik» Ortalyq Aziyalyq konferensiyasyn ótkizdi.

Onyng barysynda Qazaqstan bastamashylyq etken «jasyl kópir» seriktestik baghdarlamasynyng hartiyasyna taghy bir el – Tәjikstan qosyldy.

Tәjikstannyng qorshaghan ortany qorghau komiytetining basshysy Sheralizoda Bahodur: «Klimattyq maqsattargha qol jetkizu ýshin biz «jasyl kópir» baghdarlamasynyng hartiyasyna qol qoyyp otyrmyz. Búl bizge algha qoyghan maqsattarymyzgha jәne ónirding klimattyq ózgeristermen kýresu jónindegi birlesken әreketine jaqyndaugha mýmkindik beredi», - dep mәlimdedi.

«Jasyl kópir» baghdarlamasynyng iydeyasyn Elbasy N.Nazarbaev Astana III ekonomikalyq forumynda úsynghan. Búl Qazaqstan úiymdastyratyn elderding jasyl ekonomikagha kóshui jónindegi halyqaralyq ekologiyalyq bastama.

QR ekologiyalyq úiymdary qauymdastyghynyng tóraghasy Áliya Nazarbaeva tarihy konferensiya barysynda: «Baghdarlamany BÚÚ Bas Assambleyasy maqúldady jәne BÚÚ Dýniyejýzilik Sammiytinde jasyl ekonomikagha kóshu jónindegi óniraralyq qozghalys mәrtebesine ie boldy. Hartiyagha 10-nan astam el qosyldy. Býgin Tәjikstan da qatargha qosyluda. Bizding elderimiz klimatty saqtap, tabysty kýres jýrgizu ýshin býkil ónirdin, sonday-aq halyqaralyq instituttardyng kýsh-jigerin biriktiru qajettigin týsinedi. Búl ónirding túraqty damuy ýshin ómirlik manyzdy mәsele», - dedi.

COP26 alanynda ótken konferensiya Ortalyq Aziya ónirlik ekologiyalyq ortalyghy men QR ekologiya, geologiya jәne tabighy resurstar ministrligining qoldauymen HJTIJO úiymdastyryldy. Oghan ministr Serikqaly Brekeshev, Ortalyq Aziya elderining memlekettik organdarynyng ókilderi jәne Qazaqstannyng ekologiyalyq úiymdary qauymdastyghynyng kóshbasshylary qatysty.

Songhy onjyldyqta bizding ónir OA-nyng barlyq elderine әser etetin, múqiyat taldaudy, kelisilgen is-qimyldardy jәne halyqaralyq saraptamany talap etetin ekologiyalyq problemalardyng ósuimen betpe-bet keledi.

Abai.kz