Jwma, 10 Şilde 2020
COVID-19 QAZAQSTANDA. Jwqtırğandar — 53021. Jazılğandar — 31277. Qaytıs bolğandar — 264
Jañalıqtar 2550 0 pikir 30 Şilde, 2012 sağat 10:26

London 2012: Qazaqtıñ qorjınında qos altın!

Olimpiada alau Londonğa jetip, bayraqtı bäsekeniñ bastalğanına da üş kün boldı. Kök tudıñ astında bir atanıñ balasınday eldiñ namısın qorğap, memleketimizdiñ abıroyın asqaqtatudı maqsat etken 116 sportşımız sporttıñ 25 türinen sınğa tüspek. Älem köz tigip otırğan Olimpiadanıñ alğaşqı künderi qazaq eline qos birdey altın medal' sıyladı. Qazaqtıñ namısın bermey, London törinde kök tudı jelbiretip, änwrandı şalqıtqan  veloşabandoz Aleksandr Vinokurov pen ziltemirşi Zul'fiya Çinşanlo boldı.

250 şaqırımdı bärinen bwrın jürip ötip, märe sızığın birinşi kesken Vinokurov qırqında qamal aldı! Britan jerinde ötip jatqan dodada jergilikti veloşabandozdarğa ekpin tüsirilgen. Mark Kevindiş bar, «Tur de Franstıñ» su jaña çempionı Bredli Uiggans bar, bäri jabılıp jürip bir Vinonı toqtata alğan joq! «Balalarım «Äke medal' äkelesiñ ğoy» dep qalıp edi. Tilekterin orındadım. Armandar orındaladı eken!» dep ağına jarılğan Aleksandrdıñ bwl soñğı Olimpiadası. Olimpiada oyındarı ayaqtalğasın ol ülken sporttan ketetinin mälimdedi.

Olimpiada alau Londonğa jetip, bayraqtı bäsekeniñ bastalğanına da üş kün boldı. Kök tudıñ astında bir atanıñ balasınday eldiñ namısın qorğap, memleketimizdiñ abıroyın asqaqtatudı maqsat etken 116 sportşımız sporttıñ 25 türinen sınğa tüspek. Älem köz tigip otırğan Olimpiadanıñ alğaşqı künderi qazaq eline qos birdey altın medal' sıyladı. Qazaqtıñ namısın bermey, London törinde kök tudı jelbiretip, änwrandı şalqıtqan  veloşabandoz Aleksandr Vinokurov pen ziltemirşi Zul'fiya Çinşanlo boldı.

250 şaqırımdı bärinen bwrın jürip ötip, märe sızığın birinşi kesken Vinokurov qırqında qamal aldı! Britan jerinde ötip jatqan dodada jergilikti veloşabandozdarğa ekpin tüsirilgen. Mark Kevindiş bar, «Tur de Franstıñ» su jaña çempionı Bredli Uiggans bar, bäri jabılıp jürip bir Vinonı toqtata alğan joq! «Balalarım «Äke medal' äkelesiñ ğoy» dep qalıp edi. Tilekterin orındadım. Armandar orındaladı eken!» dep ağına jarılğan Aleksandrdıñ bwl soñğı Olimpiadası. Olimpiada oyındarı ayaqtalğasın ol ülken sporttan ketetinin mälimdedi.

Keşe jwdırıqtay qız Zülfiya Çinşanlo Qazaqstanğa ekinşi altın sıyladı.  Jay ğana Olimpiada altını emes, älemdik rekordtıñ qaymağın bwzğan jülde bwl. Qossayıs qorıtındısı boyınşa 226 kelini köterip, Olimpiadalıq rekordtı, serpe köterude 131 kelilik ziltemirdi töbesinde oynatıp, älemdik rekordtı bir silkip alğan Zülfiya keşe bar qazaqtı quanttı!  Kişkentay ğana näzik jandı arudıñ tolağay küşi tañday qaqqaq älemdik BAQ Zülfiyanı bügingi künniñ batır qızı dep  jazuda. Al, Zülfiya bolsa, eltañba belgilengen jürek twsın qayta qayta nwsqap, quanıştan közine jas aldı...Quanıştıñ köz jası edi bwl...

Osılayşa, Olimpiadanıñ alğaşqı eki küninen soñ Qazaqstan qwraması jalpıkomandalıq esepte 7-i orında twr.

«Abay-aqparat»

0 pikir