Elimizde qazynagha qol jayyp otyrghan aimaqtar jeterlik. Ónerkәsip keshenderi damu sheginen artta qalghan aimaqtar kóp. Elimizde tek qana 4 aimaq ózin tolyq qamtidy, al qalghan aimaqtar qarjylay kómekke zәru. 14 oblys pen ýsh respublikalyq manyzy bar qaladan túratyn el ýshin búl tym nashar kórsetkish.

Ózin tolyq qamtyghandar arasynda múnayly ólke Atyrau men Manghystau oblystary jәne ontýstik astana Almaty men elorda Núr-Súltan qalalary bar. Al Shymkent respublikalyq manyzy bar qala bolsa da, әzirge búl qatargha qosylmady.

Keler jyly respublikalyq budjetti qarjylandyru dengeyi «ulysmedia.kz» aqparaty boyynsha 488 mlrd tengeni qúramaq. Onyng ishinde budjetke 220 mlrd tenge Atyrau oblysynan, 211 mlrd tenge Almatydan, 38 mlrd tenge Núr-Súltannan jәne 19 mlrd tenge Manghystaudan týsedi dep kýtilip otyr.

Al donor aimaqtargha telmirip, budjetten qarjy bólinuin kýtip otyrghan ózge aimaqtargha 2,119 trln tenge bólinbek. Onyng ishinde eng kóp qarajat Týrkistan oblysyna bólinbek, baqanday 402 mlrd tenge. Mlrdtaghan tengege turistik ortalyqtar salyp, el nazaryna ilikse de, Týrkistan eki millionnan astam halqy bar oblys retinde ózin qamtamasyz ete almay otyr.

Ekinshi orynda aumaghy ýlken Shyghys Qazaqstan oblysy túr. Ónerkәsip keshenderi kóp ekendigine qaramastan budjetten qarjy bólinuine múqtaj. 2022 jyly budjetten Abay tughan ónirge 217 mlrd tenge bólinbek.

Ýshinshi orynda Jambyl oblysy túr. 2021 jyly jarylyspen este qalghan ónirge 2022-de 194 mlrd tenge bólinbek. Al budjetten 184 mlrd tenge bólinetin Qyzylorda oblysy tórtinshi orynda túr.

Ózge aimaqtargha da budjetten qarjy bólinbek, alayda onyng kólemi jogharyda aitylghan tórttikten әldeqayda az.

Abai.kz