Belgili jazushy, kinodramaturg Smaghúl Elubay «Almaty» telearnasyna bergen súhbatynda osylay dedi dep habarlaydy Abai.kz.

Ukrainadaghy qazirgi jaghdaygha jәne elimizde qantar aiynda oryn alghan oqighalargha qatysty óz oiyn ortagha salghan qalamger búl jaghdaylardan sabaq aluymyz kerek ekenin basa aitty.

«Ukraina Qazaqstan sabaq alatyn tóbe kórsetti. 25 aqpanda Resey әskeri Ukrainagha basyp kirgennen keyin kýlli ukrain halqy, olardyng tanymal basshylary bәri bir adamgha ainalyp ketti. Bәri bir tudyng astyna jinaldy. Búl – bizge sabaq bolatyn ghajayyp ýlgi. Tarihtyng ózi Qazaqstannyng erteninde bolatyn synaqta bir júdyryqtay qalay júmylu kerek ekenin osy soghys kórsetti», - dedi jazushy.

Sonday-aq, ol elimizding Ukraina men Resey arasyndaghy shiyeleniske aralaspaghan sheshimining ong bolghandyghyn algha tartyp, «Biz abyroy bolghanda Ukrainadaghy soghysqa aralasqan joqpyz. Qasym-Jomart Toqaev aralasudan bas tartty. Sondyqtan, oghan súmdyq qysym boldy dep oilaymyn. Sodan keyin bizde qantar oqighasy oryn aldy. Sol qantar oqighasynda onyng negizgi qozghaushy kýshi qarapayym qazaqtyng kedeylengen jastary boldy», - dedi Smaghúl Elubay.

Ol osy orayda, jana Qazaqstannyng basty jauy – júmyssyzdyq ekenin, al onyng sony tapqan-tayanghany kýndelikti as-suy men pәteraqysyna jetpey jýrgen jastardyng kóshege shyghuyna, sosyn ony basqa kýshterding óz mýddelerine paydalanuyna әkelgenin aitty.

«30 jylgha sozylghan joqshylyq, júmyssyzdyq, qazaqtyng jastaryn kóshege aidap shyqty. Qazir jana Qazaqstannyng jauy júmyssyzdyq dep bilemin. Aghayyndar, eki million jasyng júmyssyz jýrgen bolsa, jana Qazaqstan bolmaydy. Kez kelgen uaqytta olar qaytadan kóshege shyghady. Sondyqtan júmyssyzdyqpen jappay kýres jýrui kerek», - degen ol qantar oqighasy kezinde eger Preziydent Aqordany tastap shyqqanda elimizde shyn mәninde maydan oryn alyp, ol klandardyng qaqtyghysy men azamat soghysyna alyp keler edi dedi.

«Memleket basshysy shúghyl sheshim qabyldap, sonyng arqasynda Kók tuymyz qúlamay aman qaldy. Qúday bizdi saqtady. Endigi jerde júmyssyzdyqty, jemqorlyqty jenuimiz qajet. Sodan keyin jana Qazaqstan bastalady. Onyng bәrine shydam kerek. Akterdan Preziydentke ainalghan Zelenskiyge búryn júrt kýlushi edi. Al memleketting basyna kýn tughan kezde sol Zelenskiy batyr bolyp shyqty. Óitkeni, ol dúrys baghytty ústandy. Kiyevten qashqan joq. Osy jaghdayda júrttyng bәri onyng qasyna jinaldy. Dәl qazir Zelenskiydi saqtau Ukrainany saqtaumen birdey bolyp qaldy. Qazaqstan dәl sonday jaghdayda túr. Aldymyzda dәl sonday kýn tuuy da mýmkin. Endeshe, Preziydentti saqtau – memleketti saqtau. Ol kók tudyng tóniregine toptasumen birdey. Ata-baba amanaty sol kezde ghana aqtalady», - dep týiindedi Smaghúl Elubay.