Jer qúqyghy jónindegi belgili zanger, sarapshy Baqytjan Bazarbek Almatynyng búrynghy әkimi, búrynghy Nur Otan, qazirgi Amanat partiyasy tóraghasynyng eks-birinshi orynbasary Bauyrjan Baybekti jәne oligarh Qayrat Boranbaevty Almatydaghy jer dauyna qatysy bar dep esepteydi.

«Men 2021 jyldyng shildesinde Ortalyq stadiongha irgeles jatqan jerlerding kimning «menshigine ketkeni» turaly birneshe jazba jariyaladym. Sol kezde Almaty qalasynyng әkimi bolghan Bauyrjan Baybek 2017 jylghy 20 jeltoqsanda jer uchaskesin alyp qoy turaly №4/392-2894  kýmәndi qaulyny qabyldady. Atalghan qauly bir benefisiardyng mýddesin kózdedi, men onyng atyn atamaghan edim», - dep jazdy Bazarbek әleumettik jelidegi paraqshasynda.

Sarapshy jer uchaskesi Almatynyng dәl ortasyndaghy Sәtpaev kóshesinde, «Ayya» oiyn-sauyq kesheni men «Qayrat» ortalyq stadionynyng qasynda ornalasqanyn atap ótti.

«Osydan bir jyl búryn, jer komissiyasynyng materialdaryn, josparlau jobasynyng bekitilgen kóshirmesin jәne qaulysyn egjey-tegjeyli zerttey kele mynaday súraqqa tap boldym:

Eger Jer kodeksining 84-babynda uchaskeni alyp qong ýshin múnday qúqyqtyq negizder kózdelmese, Almatynyng әkimi retinde Bauyrjan Baybek memlekettik qajettilik retinde kórsetip, biraq, Qayrat Boranbaevqa tiyesili kompaniyanyng mýddesin kózdep, jeke túlghagha tiyesili jer uchaskesin mәjbýrlep iyelikten shygharu turaly qauly shygharugha qúqyghy bar ma?

Sarapshynyng týsindiruinshe, qaulyda jer uchaskelerin alyp qongdyng sebebi: «Ortalyq stadionnyng infraqúrylymyn qayta qúru jәne janartu ýshin» dep kórsetilgen.

Birinshiden, múnday negiz (onyng ishinde erekshe jaghdaylar) Jer kodeksining 84-baby 2-tarmaghynyng redaksiyasynda joq. Osydan bir jyl búryn әkim Baybek qol qoyghan búl qaulydan lobbiylik belgiler bayqadym, jerdi alyp qoy memleket múqtajy ýshin jýrgizilmegen degen tújyrymgha keldim. Jerdi alyp qoy memleket múqtajdyghy ýshin emes, qanday da bir jeke ne zandy túlghanyng (Qayrat Boranbaev) mýddesi ýshin, yaghny «sheneunikterden osy jerdi alyp ber» degen ótinishin  orynday salghanday», - dedi ol.

Ol Memlekettik mýlik turaly Zannyng 62-babynyng 3-tarmaghynda «kommersiyalyq maqsattardy jәne memlekettik emes mýddelerdi qanaghattandyru maqsattaryn kózdeytin kez kelgen iyelikten shygharudy memleket múqtajy ýshin jer uchaskesin mәjbýrlep iyelikten shygharu dep tanugha bolmaytyndyghy» naqty týsindirilgenin aitady.

«Ekinshiden, «Ortalyq stadion» MKK 2014 jyly jekeshelendiruding 2014-2016 jyldargha arnalghan keshendi josparyna sәikes jekeshelendiruge jәne jeke menshikke beruge jatady. Demek, memlekettik mýlikti alyp qoi jeke subektinin, yaghny jeke investor Qayrat Boranbaevtyng mýddesi ýshin jýzege asyryldy dep boljaugha bolady», - dep naqtylady zanger.

Nәtiyjesinde, adal kәsibin dóngeletip otyrghandar memleket mýddesi ýshin degen jeleumen tartyp alynghan jer uchaskesinen aiyrylyp, óteu retinde berilgen tiyn-tebendi qanaghat etip qala bergen.

«Biz jer uchaskelerin iyelikten shygharudyng barlyq faktileri boyynsha tәuelsiz tergeudi jalghastyramyz jәne qoghamdaghy dәrejesine, lauazymyna jәne bedeline qaramastan barlyq joghary lauazymdy túlghalargha qatysty materialdardy jariya etemiz. Barlyghy endi bastaldy», - dedi Baqytjan Bazarbek.

Eske sala keteyik, 15 nauryzda Almatyda Boranbaevty qarjy monitoringi agenttigining ortalyq apparatynyng qyzmetkerleri ústaghan bolatyn. 16 nauryzda Boranbaev Núr-Súltangha jetkizildi.

Qayrat Boranbaev – eks-preziydent  Nazarbaevtar әuletining qúdasy. Darigha Nazarbaevanyng búrynghy kelini Álima Boranbaevanyng әkesi.

Ayjan Temirhan

Abai.kz