Reseyding Ukrainagha shabuyly Mәskeuding josparyna say jaghdayda órbimedi. Kiyevti eki kýnde alugha tiyis Resey әskeri eki aidan astam uaqyt boyy shyghyngha úshyrauda. Resey әlemdik arenada sayasy jәne ekonomikalyq túrghydan oqshaulandy. Sanksiyalar Kremlidi buyndyryp barady. Sәtsizdikten kózi qyzarghan Kremli biyligi úrynargha qara tappay, jan-jaghynan jau izdep әlek. Ony propagandist, arandatushylarynyng sózderinen anyq týsinsek bolady. 

Kýni keshe ghana reseylik arandatushy Tigran Keosayan Qazaqstangha qatysty aiyptau sózderin qoldana otyryp mәlimdeme jasady. Ázerbayjan әskeri әdiletti soghys arqyly basqynshylar qolynda bolghan Qarabaq aimaghyn qaytaryp alghanda tis jarmaghan Keosayan Qazaqstannyng qazirgi әreketin ekijýzdilik dep atap, "Ukrainagha qarandar" dep eskertti. Ol qazaq biyligi las oiyn oinap otyr degen pikirde. Jenis Kýnine arnalghan әskery sheru men "Bessmertnyy polk" degen qajetsiz sharanyng ótpeytini de onyng ashuyn tudyrghan siyaqty. Reseyding arandatushysyna sayasatkerler, qogham qayratkerleri men tanymal túlghalar jauap berude.

Qazaqstanyng halyq әrtisi Doshan Joljaqsynov: "Qúrmetti Tigran Keosoyan, sen ózing ainagha qarap kórding be? Men saghan ainagha qaraugha kenes beremin. Mening oiymsha sen Mussoliniydi elestetesin. Sen ózindi tym joghary baghalaysyn. Birinshiden, sen Resey emessin. Al ekinshiden, eger sen myqty bolsan, onda biylikke ýndeu jasa, al mening halqyma til tiygizbe.

Sen Djigarhanyan emessin, sen naghyz shovinistsin. Sen últarazdyqty qozdyrushysyn. Men seni Donesk, Lugansk shayqasynda kórgim keletinin jasyrmaymyn. Mening oiymsha Resey sen siyaqtylardyng qyzmetine múqtaj emes", - deydi.

Qogham belsendisi Arman Shoraev arandatushynyng mәlimdemesine jauap berip, Qazaqstan jenis kýnin mindetti týrde toylaytynyn, alayda ol Ukraina Reseydi jengen kýn bolatynyn atap ótti. Sóz arasynda Shoraev Keosayan óz mәlimdemesi arqyly Qazaqstandaghy myndaghan armyan últynyng ókilderin ynghaysyz jaghdaygha qaldyrghanyn da aitudy úmytpady.

Senator Múhtar Qúl-Múhammed bylay deydi: "Eger Keosayan sonday aqyldy adam bolsa, әskery sheru ótkizu jayly ózining úsynysyn ózining otandastary armyandargha aitsyn. Armeniyanyng ýkimetine aitsyn. Armeniyanyng astanysy Erevan qalasynda dýniyejýzindegi nómir birinshi fashist, nómir birinshi nasist, Gitlerding qolshoqpary bolghan,  qolbalasy bolghan Garegin Njde degenge eskertkish ornatty. Garegin Njde otanyna opasyzdyq jasaghany ýshie kenes týrmesinde shirip ólgen adam. Sondyqtan olar neonasisterdi izdeytin bolsa, onda tarihy otanynan izdesin. Sherudi sol Erevanda ótkizsin. Garegin eskertkishining týbinde sheru ótkizip, ózi soghan qatyssyn. Sondyqtan múnday adamdardy orys tilinde "kozyol pravokator” deydi. Pravokatorlyq úsynysyn óz otandastaryna aitsyn". 

Qazaqstannyng CIM baspasóz hatshysy Aybek Smadiyarov: "Resey jurnaliysi Tigran Keosayannyng qorlau jәne mәni birjaqty sózi nazargha iligedi. Mýmkin onyng mәlimdemesi reseylik qogham men sayasy qúrylymnyng belgili bir bóligining kózqarasyn bildiretin shyghar, biraq bizding elder arasyndaghy yntymaqtastyqtyng ruhy men mazmúnyna jәne memleket basshylary dengeyindegi qoldanystaghy kelisimderge eshbir jaghdayda sәikes kelmeydi. Ol Qazaqstangha kiruge rúqsat etilmegen túlghalar tizimine kiredi dep oilaymyn", - dedi.

Ukrainadaghy soghysqa eki aidan astam uaqyt boldy. Al reseylik sayasatkerler Qazaqstangha qarsy mәlimdemeler jasauyn dogharar emes. Ol Qazaqstannyng sanksiyagha qatysty ústanymyn "satqyndyq" dep baghalap otyr.

Ka Myrza

Abai.kz