Preziydent Toqaev Reseyge bardy. Sochy qalasynda Resey preziydenti Vladimir Putinmen eki saghattan astam uaqytqa sozylghan kezdesu ótti.

Búl kezdesudi reseylikter jiti qadaghalady. Sebebi de joq emes. Songhy kezdesude Qazaqstan preziydenti Reseyding agressiyalyq sayasatyn jaqtamaytynyn bildirgen edi. Lugansk pen Donesk separatisterin moyyndamaytynyn, sanksiyalardy ainalyp ótuge jol bermeytinin, Resey sayasatkerlerining arandatushy sózderi Reseyding ózine ziyandy ekenin aitty. Búl mәlimdemeni Resey qoghamy men biyligi "soqqy" dep qabyldady. Búl joly onday ótkir mәlimdemeler aitylmaytyny anyq edi.

Toqaev sóz arasynda shekarany qújatpen bekitip alghanyn aitty. Búl reseylik sayasatkerlerding ýnemi aumaqtyq tútastyghymyzgha qarsy mәlimdemelerine qarsy jasalghanday. "Geosayasy jaghdaydyng ereksheligi ýkimetterimizge qosymsha núsqaular beru ýshin kelisip alu qajet ekenin kórsetip otyr. Olar bir-birimen tabysty qyzmet etip keledi. Degenmen ómirding ózi jana mindetter qoyady jәne olar sheshudi qajet etedi. Jalpy, bizding yntymaqtastyghymyzdyng damyp kele jatqanyna qanaghattanugha tolyq negiz bar. Men búl túrghyda sizben kelisemin. Bizdi ortaq shekara biriktiredi. Ol – әlemdegi eng úzyn, qúrlyqtaghy tolyghymen delimitasiyalanghan shekara. Bizding yntymaqtastyghymyzdyng bolashaghyna qatysty pessimistik boljamdar jasaugha, әriyne, negiz joq! Men Qazaqstan Respublikasynyng Preziydenti retinde barlyq salalardaghy ekijaqty yntymaqtastyghymyzgha qosymsha serpin beruge niyettimin", – dedi Qasym-Jomart Toqaev.

Putin de eki el arasyndaghy qatynastyng asa manyzdy ekenin basa aityp, bylay dedi: "Shaqyruymdy qabyl alghanynyzgha raqmet. Biz ekeuimiz ýnemi kezdesip túramyz. Jaqynda ghana jýzdesken edik, biraq Sochiyde kezdesuge kelistik. Aldymyzda óte auqymdy júmys bar. Al biyl erekshe jyl. Biz qazan aiynda diplomatiyalyq qarym-qatynastyng 30 jyldyghyn atap ótemiz. Osy datagha oray týrli is-sharalar josparlanyp otyr. Bizding ministrlikter men vedomstvolar belsendi júmys istep jatyr. Ýkimetaralyq komissiya qarqyndy júmys istep keledi. Syrtqy ister, qorghanys ministrlikteri birlesip týrli is-sharalardy, sonyng ishinde ÚQShÚ ayasyndaghy birlesken oqu-jattyghulardy jәne taghy basqalaryn dayyndap jatyr. Tauar ainalymy ósip keledi. Byltyr 34,4 payyzgha ósse, biyl bes aida 9 payyzgha derlik, 8,8 payyzgha ósti. Investisiyalar eki jaqtan da artyp keledi. Meninshe, Resey investisiyasy 18 milliard dollargha jetti, al Qazaqstannyng Reseyge salghan investisiyasy tórt jarym milliard shamasynda. Qazaqstannyng sauda-ekonomikalyq seriktesteri arasynda Resey birinshi orynda túr. Bizde sonday-aq jaqsy iri jobalar damyp jatyr. Joghary tehnologiyalyq salalarda, sonyng ishinde gharysh salasynda júmys isteymiz. Jalpy, júmys barlyq baghyt boyynsha aitarlyqtay qarqyndy әri ong baghytta jýrip jatyr. Bizding kezdesuimiz, әriyne, senimdi strategiyalyq seriktestigimizdi damytugha qosymsha serpin beretinine óte quanyshtymyn", – dedi Resey basshysy.

Kezdesu tym úzaqqa sozylmaydy jәne qanday da bir manyzdy qújattargha qol qoyylmady. Saltanatty keshki as ta bolmady.

Abai.kz