Preziydent Qasym-Jomart Toqaevtyn ótken Joldauynda memleket pen halyq, әr azamat ýshin kóptegen manyzdy dýniyeler tilge tiyek boldy. Sonyng eng bastysy – búdan bylay preziydentti tek 1 merzimge, 7 jylgha saylau turaly sheshim. Búny halqymyz kópten kýtkeni anyq edi. Damyghan elderde bir ret el basqarghan adam ekinshi mәrte qayta otyra qoymaydy. Sonyng arqasynda biylik bir adamnyng qolyna ótpeydi, әdildik ornaydy. Mine, osy joldy ústana alsaq, keleshekte biz de demokratiyasy myghym ornaghan memleketterding qatyryna qosylatyn bolamyz. Múnday elde әr azamat óz ertenine senim artyp, emin-erkin ómir sýrip, keleshek ýshin júmylyp әreket ete alatyny dausyz.

Qoghamda «nege 7 jyl, 5 jyl da jetkilikti edi ghoy?» degen saual tuyndauda. Biraq, men ýshin 7 jyldyq merzim dúrys sekildi. Óitkeni 5 jyldyng ishinde basshy algha qoyghan maqsat-mindetterin oryndap ýlgere almauy mýmkin. Mysaly, búryn bir oblysqa әkim keledi, maqsat-mindetterin aiqyndap alady, sony endi iske asyrghaly bilek sybanyp jatqanda ornyna basqa bir әkim keletin. Janasy búrynghynyng jolyn jalghastyrmaytyny anyq qoy. Onyng da óz bastamasy bolady. Búl da sol siyaqty dýniye. El basqarghan adamgha 7 jyldyq mýmkindik bergenimiz jón. Osy uaqyttyng ishinde ózin kórsete aluy tiyis. Baghasyn beretin әr kezde de – halyq. Shynynda 7 jyl asa úzaq ta merzim emes. 20 jyldan astam uaqyttyng ishinde bir emes, ýsh preziydent auystyramyz. Esesine bir adam biylikti qolyna alyp, bóliske salyp otyrmaydy. Sondyqtan búl bastamany әdilet jolyna týsuge baghyttalghan betbúrys retinde baghalaymyn.

Kenjeghaly Myrjyqbaev

Abai.kz