Respublika kýni qayta oraldy. Parlament deputattary «QR keybir zannamalyq aktilerine kiynematografiya jәne mәdeniyet mәseleleri boyynsha ózgerister men tolyqtyrular engizu turaly» zang jobasyn maqúldady. Endi 25 qazan – Respublika kýni últtyq mereke retinde atap ótiledi, al16 jeltoqsan – Tәuelsizdik kýni bolyp qala beredi.

"Búl óte manyzdy tarihy sheshim. Elimizding tәuelsizdigi shyn mәninde osy kýnnen bastalady. Sondyqtan búl kýndi últtyq mereke retinde bekitu - memlekettilik pen egemendik túrghysynan alghanda manyzdy qadam", - dedi Senat tóraghasy Mәulen Áshimbaev.

Sonday-aq 1 jeltoqsan-Túnghysh Preziydent kýni memlekettik merekeler tiziminen shygharyldy.Zang preziydentke qol qoiygha jiberildi.

1990 jyldyng 25 qazany kýni Qazaq KSR Jogharghy Kenesining sheshimimen «Qaz SSR-ning memlekettik egemendigi turaly» deklarasiya qabyldandy.

Sol kezden bastap Qazaqstan egemendi elge ainaluynyng alghyshartyn bastap ketti. Elimizding jeke territoriyasy, azamattyghy, memlekettik budjeti, halyqaralyq qatynastardaghy derbestigi, memlekettik rәmizderi bekitildi.

1992 jyldan bastap toylanyp, 2001 jyly memlekettik merekeler qataryna engizilgen Respublika kýni, 2009 jyly búrynghy preziydent Núrsúltan Nazarbaevtyng búiryghymen memlekettik merekeler qatarynan alynyp tastaldy.

Biyl Últtyq qúryltay jiynynda memleket basshysy Qasym-Jomart Toqaev osy merekeni qayta atap ótudi úsynghan bolatyn.

«Últtyq merekeler men atauly kýnder tizbesine birqatar ózgeris engizgen jón. Men Respublika kýnine últtyq mereke mәrtebesin qaytarudy úsynamyn. Sondyqtan qazannyng jiyrma besi kýni jyl sayyn Egemendik kýnin elimizding basty merekesi retinde atap ótuimiz kerek. 1990 jyly 25 qazanda Qazaqstannyng egemendigi turaly deklarasiya qabyldandy. Búl elimizding tәuelsizdik jolyndaghy túnghysh qadamy bolatyn. Osy qújatty qabyldaghan kezde Túnghysh Preziydent Núrsúltan Nazarbaev asa manyzdy, tipti sheshushi ról atqardy, - dedi ol.

Onyng sózinshe, Respublika kýnin qaytarudyng manyzy zor.

«Respublika kýni elding memleket qúru jolyndaghy tarihy qadamynyng simvoly boluy kerek. Áriyne, Tәuelsizdik kýnining bastapqy mәni saqtalady. Búl kýn memlekettik mereke bolyp qala beredi. Biraq tәuelsizdik alugha zor ýles qosqan últtyq batyrlarymyzgha taghzym kýni retinde atap ótilui kerek, - dedi Memleket basshysy.

1990 jylghy Deklarasiyada Qazaq KSR-ining memlekettik egemendigi jariyalanyp, elding sayasiy-qúqyqtyq tәuelsizdigining baghdarlamasy bayandaldy. El aumaghynyng tútastyghy, oghan qol súghylmaytyndyghy, qazaq halqynyng jәne Qazaqstandaghy  basqa da etnos ókilderining tól mәdeniyetin, dәstýrin, tilin qayta týletu men damytu, últtyq qadir-qasiyetti nyghaytu memleketting asa manyzdy mindetterining biri retinde aityldy.

Konstitusiyalyq qúrylysqa qarsy jasalatyn kez kelgen kýshteu әreketteri, onyng aumaghynyng tútastyghyn búzugha shaqyratyn, últ arazdyghyn qozdyratyn jariya-úrandardyng zang boyynsha jazalanatyny eskertildi. Respublikanyng sayasi, ekonomikalyq, әleumettik, últtyq-mәdeny qúrylysyna, onyng әkimshilik-aumaqtyq qúrylysyna baylanysty mәseleler eshkimning aralasuynsyz derbes sheshiletini jariyalanghan bolatyn.

Abai.kz