Almatydaghy aiuandar menen bezdi. Mening basyma týsken kishkene búlttyng kólenkesi olardy shoshytty. Ony predpochly molchanie - obeshanii...
Men Sibirge óz erkimmen ketkenim joq, meni jer audaryp jiberdi.
Meni qajytqan tabighattyng ayazy emes, ómirding ayazdary boldy...

Akademiyada shyghys halqynan jalghyz men oqydym. Bitirgennen keyin maghan shyghystyng bes odaqtyq respublikasynan oryn tabylmady, tiymedi. Meni Aziyagha jolatpady. Shyghystan menen keyin on bes-jiyrma jyldyng ishinde men oqyghan akademiyagha esh adam týse qoymady. Ol ashuly, zarly shyndyq.
Bizding halyq soghysqa erlikpen qatysty, biraq , onyng qúny óte qymbat. Osy kýni auyl tolghan jesirler men jetimder. Soghysqa barghan jýz qazaqtyng jetpis-sekseni qaytqan joq, sebebi maghan aiqyn - әskery tәjiriybe, әskery tәrbiyening daghdylanu nasharlyghy... Men solardy maydanda kórdim , taldap tekserdim, óksip jyladym, zarlandym, qorlandym.

Men qalghan ómirimdi , alghan tәjiriybemdi, bilgen bilimimdi jastargha, halqyma arnaghym kelip edi. Barymdy elge bersem dep edim. Eger de bolashaqta bir әiel jesir, bir bala jetim qalmauyna mening enbegim sebep bolsa, armansyzbyn degen niyet edi.

Qysqasy, meni, mening oiymdy, niyetimdi tuposti y nevejestvo qapasqa salyp, bende etti. Meni teris týsindi, úqpady. Ógiz moyyndyq istedi. Osyndaghy maydalar meni sýzbelep shetke shyghara berdi. Jaqyndaryna jyly oryn ýshin meni ayamady. Kishirtti, qudalady. Jabylyp әli jetkeni men boldym...
Kek saqtap aityp otyrghanym joq. Ár óner, әr bilim, әr niyet sal boludy tilemeydi, qúl boludy tileydi. Men túla boyymmen halqymnyng qúlymyn. Qayda jýrsem de elimning qyzmetkerimin.

Halqyma jaman ataq esh uaqytta alyp bergim kelmeydi, alyp bermeymin...

 Bauyrjan Momyshúly
(“Aytylmaghan aqiqat" kitabynan)