Armeniya biyligi «Rossiya segodnya» mediagrup jәne RT telearnasynyng bas redaktory Margarita Simonyan men Memlekettik Dumanyng TMD isteri jónindegi komiytetining birinshi orynbasary Konstantin Zatulinge elge kiruge tyiym saldy. Búl turaly Simonyannyng ózi Telegram arnasynda jazdy.

Konstantin Zatulin Armeniya parlamentining elge kiruge tyiym saluyna onyng Armeniya turaly pikiri sebep bolghanyn aitqan.

Armeniya taraby jibergen hatta, Zatulinning Armeniya Respublikasy turaly pikirleri eki memleket arasyndaghy dostyq jәne odaqtastyq qatynastardyng damuyna núqsan keltiretini jazylghan. Armyan búqaralyq aqparat qúraldarynyng habarlauynsha, Zatulinning non grata boluyna sebep: onyng Qarabaqtaghy 44 kýndik soghysta jenilgen Armeniyany qayta-qayta kinәlauy.

Al Simonyannyng Qarabaq turaly: «Árbir armyan bir nәrseni týsinui kerek: Eger Resey bolmasa, kelesi aptada-aq,  býkil Qarabaqtan aiyrylatyn edi. Bәrinen. Sebeseniz Qarabaq basshysynan súranyz, - dep jazghan jazbasy bar.

Minekey, auzyna kelgenin oilanbay jayyp salatyn Reseylik ýgit-nasihatshylardy Armaniya biyligi kórgisi kelmeytinin mәlimdedi. Soyy armyan Margarita ýshin búl kýtpegen soqqy bolghany aidan anyq.

Margarita Simoniyan otqa may qúighandy jany sýietinder qatarynan ekenin bilemiz. Elimizde bolghan «qantar oqighasyna» ÚQShÚ әskeri aralasqany ýshin de Qazaqstan Reseyge qaryz degen bolatyn.

«Resey ÚQShÚ әskerin jibergeni ýshin Qazaqstan birneshe talaptardy oryndau kerek», - degen edi Margarita Simonyan óz jazbasynda.

«Áriyne, mindetti týrde kómektesu kerek. Biraq, birneshe shart qoiy qajet. Qyrymdy moyyndasyn, kirillisany qaytarsyn, orys tilin Qyrghyzstandaghyday ekinshi memlekettik til dep jariyalasyn, orys tildi mektepterdi jayyna qaldyrsyn, Reseyge qarsy kommersiyalyq emes úiymdardy quyp shyqsyn», - dep jazghan ol. Ol búrynghy Kenes odaghy elderining tәuelsizdigin «kýlkili» dep ataghan.

«Tәuelsizdik – memleketting bir-eki myng «taspen qarulanghandardyn» әskerdi quyp shyghyp, aeroport pen qoymalardy basyp alyp jәne bir tәulikte eldi typ-tipyl qylghanyna ózin Tәuelsizbin dep jýrgen elden tikeley әskery kómek súraugha mәjbýr boluy. Búl – óte kýlkili Tәuelsizdik», - dedi Simoniyan.

Onyng beypil auyz bayy da (Tigran Keosayan), ózi de Qazaqstan halqy men biyligine auyr-auyr aiyptau aityp, tilderi jetkenshe tildep, kerek bolsa, dónaybat sheship, sheshensigen, sóitip elaralyq dau shaqyrghan Margarita Simonyan degen dónmúryngha Armeniya siyaqty Qazaqstangha da kiruge tyiym salu kerek-aq!

Ayjan Temirhan

Abai.kz