Tanghy seruennen qaytyp kele jatqam. Jayau jýrginshiler jolyndaghy keshe týsken qalyng qardy kýrep jýrgen ónkey qazaq әielderine nazarym audy.

- Armysyzdar! Isterinizge bereke bersin! - dep, qastarynan óte berdim.

Kenet sharshanqy jýzin әjim torlaghan, qimyly basqalargha qaraghanda bayaulau, qartandau әieldi kózim shalyp, ótip baryp kilt búryldym.

- Jasynyz biraz jerge kelip qalghangha úqsaydy, myna júmys sizge auyrlau emes pe? - dep súradym.

- Auyry auyr ghoy, shyraghym, biraq basqa amalym bar ma? Auylda júmys joq. Kenje qyzym auruhanada. Tórt jiyen nemeremdi ózim baghyp otyrmyn. Tórt kishkentay balasymen qyzymdy kýieui tastap ketken. Basqa әielge ýilenip ketti. Qyzym kýieuimen zagske otyrmaghan edi, aliyment te tólemeydi, - dep qart ana mandayynan aqqan terdi jenimen sýrte berdi.

"Shyraghym" dep sóilegenine qaraghanda, jasy menen de ýlken bolghany ma? Shyqpay jýrgen jany-ay! Búl kisining ornynda men bolsam, ana temir kýrekti jarty saghat ústap túrghannyng ózine belimnen shoyyrylyp, tonqalang asar edim dep oilaghan sayyn, jýregime shanshu qadala bergen.

- Ayyp bolmasa, aitasyz ba, jasynyz qanshada?

- Alpys tórtke toldym.

Sonda myna kisi meni ózinen kishi dep oilaghany ma? Túrmys tauqymeti adamnyng tәnin ghana emes janyn da qarteytip jiberedi eken-au! Obaldaghy-ay!

Ózi bir ashyq jan eken, saldyrlap, ishindegi baryn aqtaryp-aq jatyr.

Osy manaydyng qaryn kýrep jýrgen kәri-jasy bar, on segiz adam Almaty oblysy, Enbekshiqazaq audany, "Teskensu" degen auyldan kelgen bolyp shyqty. Kýnde tanertengisin avtobuspen eki saghat jýrip, qalagha әkeledi eken. Keshke deyin júmys istetip, keshkisin taghy eki saghat jýrip otyryp, auylyna aparyp tastaydy. Kýndik aqysy - 4 myng tenge. Kýndelikti qolma-qol tólep otyrady. Myng tengesine týski tamaghymyzdy ishemiz, 3 myng tengesin ýiimizge aparamyz deydi.

Finanstyq zang búzylghany kózge úryp túr.

Osy arada әngimege ekinshi jastau әiel aralasty.

-Negizinde bizding kýndik aqymyz 9 myng tenge kórinedi. 4 mynyn bizge berip, 5 mynyn ózderi qaltalaryna salyp alady eken, onbaghandar!

- Ony sizge kim aitty?

- Anou, joldyng ar jaghynda jýrgen kók kәstýmdi jigit aitty.

- Ol jigit kim?

- Osy aradaghy júmysty basqaryp jýredi.

Júmysshy әielding bergen aqparaty ras bolsa, alayaqtyq pen adam qanau faktisi aighaylap túr.

- Rúqsat etsenizder, sizderdi viydeogha týsirip alsam.

- Týsire beriniz! Televizordan kórsetinizshi! - dep jatyr әlgi әiel.

Janqaltamnan smartfonymdy shygharyp viydeogha týsire bastaghanym sol eken, joldyng ar jaghynda jýrgen әlgi kók kәstýmdi jigit "Nege týsiresiz? Týsirmeniz!" dep aighaylap, janúshyra maghan qaray jýgirdi. Maghan jete berdi de, kamerany ózine qaray búrghanymdy bayqap, jýzin kórsetkisi kelmedi me eken, teris qarap ketti.

Nege ekenin qaydam, smartfonym da dәl sol aradan týsiruin toqtatypty. Viydeonyng bas jaghy da tolyq jazylmay qalypty.

Osy postty jazghandaghy aitpaghym ne?

Auylda júmys bolsa, osynau 18 adam kýnde әrli-berli 4 saghat jol jýrip, bolymsyz tiyn-teben ýshin osylay tentiremes edi.

Damyghan elderdegidey eki arada elektrichka qatynasa, mýmkin 4 saghat bir saghatqa qysqarar ma edi.

Memleketting balalargha tóleytin jәrdemaqysy men zeynetaqysy mol bolsa, qart ana beynetining zeynetin kórer shaghynda búlaysha arqa eti arsha, borbay eti borsha bolyp jýrmes edi.

Jemqorlyqqa túsau salynsa, adamnyng adal aqy, manday teri ardan bezgen alayaqtargha jem bolmas edi.

Shyly armandap kettim-au deymin. Armandar oryndalady deydi ghoy. Men soghan senem.

Al әzirge әdil Qazaqstan ornatushylardyng qúlaghyna altyn syrgha.

Gýlmariya Barmanbekova

Abai.kz