Qaraghandy oblysy Respublika kýnin býkil elmen birge atap ótude. Últtyq mereke kýni tu túghyry ornalasqan alangha jýzdegen adam jinalyp, Qazaqstannyng Memlekettik Tuyn saltanatty týrde kóteru rәsimine qatysty.
Is-sharagha oblys әkimi Ermaghanbet Bólekpaev, qogham jәne memleket qayratkerleri, әskery qyzmetshiler, ardagerler men jastar qatysty.
— Respublika kýni — memlekettiligimizdin, birligimizding jәne el bolashaghy aldyndaghy jauapkershiligimizding simvoly. Biyl búl merekeni Qazaqstan Tәuelsizdigining 35 jyldyghy qarsanynda atap ótip otyrmyz. Osy uaqyt ishinde elimiz qalyptasu men damu jolynan ótip, talay belesti baghyndyrdy. Býginde Memleket basshysy Qasym-Jomart Toqaevtyng basshylyghymen әdilettilik, zandylyq pen jauapkershilik qaghidattaryna negizdelgen auqymdy ózgerister jýzege asyrylyp keledi. Biz әrbir azamattyng qúqyghy qorghalyp, adal enbegi layyqty baghalanatyn Ádiletti Qazaqstandy birge qúryp jatyrmyz. Qaraghandy oblysy elimizding órkendeuine eleuli ýles qosyp keledi. Ónirimiz — óndiristik әleueti zor, enbek dәstýri qalyptasqan iri industriyalyq ortalyq. Aldymyzdaghy ortaq mindet — qol jetkizgen jetistikterimizdi eseley otyryp, ónirimizdi keler úrpaqtyng iygiligi ýshin odan әri damytu, - dedi Ermaghanbet Bólekpaev.
Memlekettik Tu kókke kóterilgen sәtte alangha jinalghan júrtshylyq Qazaqstannyng Memlekettik Ánúranyn birge oryndady.
Respublika kýni týrli buyn ókilderin bir alangha jinap, eldik pen birlikting ortaq merekesine úlasty.
— Biyl elimiz ýshin airyqsha jyl. Qazaqstannyng tәuelsizdik alghanyna 35 jyl tolyp otyr. Osy uaqyt ishinde elimiz damu jolymen algha basyp keledi. Biz óz tarihy, mәdeniyeti jәne bolashaghyna zor mýmkindikteri bar egemen memlekette ómir sýrip jatyrmyz. Barshanyzdy Respublika kýnimen qúttyqtaymyn! Ár shanyraqqa amandyq pen bereke, barsha azamatqa ashyq aspan, al elimizge birlik pen órkendeu tileymin, - dedi Qaraghandy oblystyq ardagerler kenesining tóraghasy Ghabit Tuyaqov jerlesterin merekemen qúttyqtap.
Merekelik sharagha balalaryn ertip, otbasymen kelgender de az bolmady.
— Respublika kýni — elimiz ýshin de, әrqaysymyz ýshin de manyzy zor mereke. Barshanyzgha beybit aspan tileymin. Elimizding aspany әrdayym ashyq, halqymyz baqytty bolsyn! Býgin múnda júbayymmen jәne eki balammen keldim. Kishi qyzym ýsh jasta. Soghan qaramastan, Qazaqstannyng Ánúranyn biledi. Ánúran oryndala bastasa, birden qosylyp aitady. Patriottyq tәrbiyeni bala boyyna kishkentay kezinen siniru kerek dep esepteymin, - dedi qaraghandylyq Janbolat Joldaspekov.
Qaraghandy joghary gumanitarlyq kolledjining studentteri, egiz qyzdar Ayajan men Sayajan Sәrsenbaevalar da merekege birge keldi. Olar kýndelikti ómirde de ýnemi birge jýredi.
— Biz, jastar ýshin Respublika kýni — bostandyqtyn, birlikting jәne tughan elge degen maqtanyshtyng simvoly. Elimizding bolashaghyn qúru bizge de jýkteledi. Sondyqtan tarihymyzdy baghalap, tәuelsizdigimizdi kózding qarashyghynday saqtauymyz kerek, - dedi egizder.
Saltanatty rәsimnen keyin merekelik konsert úiymdastyryldy.
Memlekettik Tudy kóteru rәsimi oblystyng barlyq qalalary men audandarynda da ótti. Respublika kýni qarsanynda Búqar jyrau audanynyng Botaqara kentindegi «Danq alanynda» biyiktigi 30 metr bolatyn tu túghyry ornatyldy.
