Resey preziydenti Vladimir Putin 7-jeltoqsan kýni Azamattyq qonghamdy damytu jәne adam qúqyghy mәselesi boyynsha kenesting otyrysyna qatysty. Áriyne, onlayn rejimde. Putin songhy bir jyl ishinde jzeke bas qauipsizdigine alandap, kóptegen sharalarda tek qana onlayn bas kórsetip jýrgen jayy bar. Sebebi de týsinikti. 

Kenesting atauy ghana adam qúqyghy men azamattyq qoghnamgha qatysty boldy, al talqylanghan mәsele sol bayaghy Donbass, Ukraina soghysy, oidan shygharylghan Ukrainadaghy nasizm men ozbyr Batys ayasynda órbidi. Resey basshysy әdettegidey kenes alanyn óz mәlimdemelerin aitu maqsatynda qoldandy.

"Arnayy operasiya ótkizu aimaghynda әriyne birqatar mәseleler bar. Qazir de bar desek bolady. Operasiya ótkizip jatqan aumaqta kez kelgen sәtte týrli mәsele payda boluy yqtimal kanday mәsele tuyndauy mýmkin degen súraq ayasynda ýnemi saraptama jasap otyru qajet.  

Mysaly úrys dalasynda óz pozisiyasyn tastap ketetin jayttar bolady. Ukrainada ol ýshin birden atyp tastaydy. Sapqa túrghyzyp, jappay atyp tastaghan jayttar az emes. Ony barlyghy biledi, búl qúpiya aqparat emes qoy. Al bizde әriyne onday joq. Bizde tipti eshqanday da lageri, arnayy jazalau aimaqtary da joq. Tek osy taqyryp ayasynda fek aqparattar ghana bar. Bizde de úrys dalasynda óz pozisiyasyn tastap ketetinder bolady. Biraq qazir olardyng sany óte az. Beybit ómirden úrys dalasyna attanu onay emes, adamy túrghydan onday jekelegen jayttardy týsinuge bolady", - deydi Resey basshysy.

Reseyde qosymsha mobilizasiya jýrui mýmkin degen janalyq jeldey esip jýr. Búl turaly da Putin aqparat berdi. Bylay deydi: "Endi boluy mýmkin mobilizasiya jayly qauesetterge jauap bersem. Bizde 300 myng adam mobilizasiyalanyp, olardyng 150 myny arnayy operasiya aimaghyna jiberildi. Olardyng ishinde 77 myny maydan dalasynda jýr, al qalghandary aumaqtyq qorghanys qúramynda nemese әli de arnayy operasiya ótip jatqan aimaqtaghy әskery qoymalarda, bazalarda qyzmet etude.

Qalghan 150 myng adam әli de poligondarda jattyghyp jatyr. Olardy әskery rezerv dep atasaq dúrys bolatyn shyghar. Dәl osynday jaghdayda býgingi kýni qosymsha mobilizasiya jýrgizuding esh qajettiligi joq".

Ol búl soghystaghy jetistikti de atap ótken boldy. "Arnayy operasiya óte úzaqqa sozyluy mýmkin. Degenmen bizde jana aimaqtar payda boldy, búl aitarlyqtay nәtiyje. Nesin jasyramyz, Azov tenizi endi Resey Federasiyasynyng ishki tenizine ainaldy", - dedi Putiyn.

Putin soghysqa Ukrainanyng ózi kinәli deydi. "Soghysty biz bastaghan joq edik. 2014 jyly Ukrainada tónkeris bolyp, soghys otyn Kiyev jaqty. Ukrainada tónkeris arqyly biylikke Donbasstaghy halyqty túnshyqtyrushy kýshter keldi", - deydi ol.

Songhy uaqytta Ukrainadaghy әskery jenilisterden keyin Resey basshysy yadrolyq qarugha qatysty birneshe mәlimdeme jasap, taktikalyq yadrolyq qaru qoldanu mýmkindigin arttyrghan bolatyn. Alayda Batystyng ol mәlimdemelerge qatysty eskertpesi óte qatang boldy. Al Putin keshe bylay dedi: "Biz esimizden adasqan joqpyz, yadrolyq qarudyng ne ekenin jaqsy týsinemiz.  Bizding yadrolyq kýshterimiz әlemdegi eng quatty, búl dәleldeudi qajet etpeytin fakt. Yadrolyq qarudy biz qorghanys maqsatynda ghana qoldanamyz".

Osylaysha Putin azamattyq qogham men adam qúqyghy talqylanugha tiyis jiyndy soghys mәselesin talqy etken otyrysqa ainaldyryp, Batysty aiyptap qaludyng taghy bir mýmkindigin mýlt jibermedi.

Ka Myrza

Abai.kz