Qazaqstan Syrtqy ister ministrligining narazylyghyna qaramastan, Kaspiy qúbyr konsorsiumynyng (KQK) teniz terminaly manynda múnay tiyep jatqan tankerlerge drondar shabuyl jasap jatyr, dep habarlaydy Ulysmedia.kz.

Kaspiy qúbyr konsorsiumynyng mәlimetinshe, 19 shilde kýni keshke Novorossiysk manyndaghy teniz terminalynda aldynghy shabuyldardan keyin múnay tieu júmystary qayta bastalghan. Alayda Qazaqstannyng Syrtqy ister ministrligi men Energetika ministrligi tankerlerding azamattyq nysan ekenin mәlimdep, shabuyldardy qatang aiyptaghan edi. Alayda soghan qaramastan, 20 shildede taghy bir osynday oqigha tirkeldi.

KQK baspasóz qyzmetining habarlauynsha, 20 shildede VPU-1 ailaghynda múnay tiyep túrghan NELSA azamattyq tankerine dron shabuyl jasaghan.

Dron tankerding ong jaq bortyndaghy artqy bóligine soghylyp, saldarynan kemede órt shyqqan. Órt birneshe saghat ishinde tolyq sóndirildi. Kemedegi 22 ekipaj mýshesi konsorsiumnyng buksirleri arqyly evakuasiyalandy. Bortta tek kapitan men agha kómekshisi ghana qaldy.

KQK mәlimetinshe, órtke qaramastan tanker su betinde qalqyp túr jәne sugha batu qaupi joq.

– Múnay tieu júmystary toqtatyldy. Múnaydyng tógiluine jәne rezervuarlarda tútanuyna jol berilgen joq, – dep mәlimdedi konsorsium.

Konsorsium ókilderi múnay tieu kezinde tankerlerge jasalghan shabuyldardyng ekologiyalyq әri tehnogendik túrghydan óte ýlken qauip tóndiretinin aityp, memlekettik organdardy múnday әreketterdi aiyptaugha ýndedi.

Sonday-aq mәlimdemede sóz bolyp otyrghan múnaydyng Qazaqstanda óndirilgeni erekshe atap ótildi.

BÚGhAN DEYIN

Eske salayyq, 19 shildede Kaspiy qúbyr konsorsiumynyng teniz terminalynda qazaqstandyq múnaydy tiyep jatqan eki tankerge de drondar shabuyl jasaghan edi.

Oqighadan keyin Qazaqstannyng Energetika ministrligi men Syrtqy ister ministrligi resmy mәlimdeme jasap, azamattyq teniz kemelerine jasalghan shabuyldardy aiyptady.

Búghan deyin de Yasa Polaris jәne Nordic Zenith tankerleri KQK teniz terminalyna qaray bet alghan kezde dron shabuylyna úshyraghan edi.

Abai.kz