Qazaqstan Respublikasynyn
Syrtqy ister ministri M.B. Tileuberdige!

Qúrmetti Múhtar Beskenúly!

Mening qolyma WhatsApp jelisi arqyly tómendegi hat pen eki dana foto suret kelip týsti. Birden tanydym, búl – Janargýl.

Kezinde Almatyda talay mәrte kórgem. Jaqyn aralaspasam da, syrttay jurnalist retinde biletinmin. Mine, sol qaryndasymyz Qazaqstandaghy tanystarynyng birining WeChat jelisi arqyly mening atyma hat jazyp, kómek súrapty.

Janargýlding hatyn oqyp, say sýiegim syrqyrqyrap ketti. Top-tolyq qyzdyng әbden aryghan beynesi jýregimdi syzdatty. Eger, onyng sol qinaudan keyingi qúr sýldesi qalghan suretin kórsem, men ony mýlde tany almas edim.

Qaryndasymyz Qazaqstanda «Yqtiyarhatpen» jýrgen kórinedi. Ýrimjige baryp, atalmysh «Oqu ortalyghyna» týsken sekildi. Ar jaghy aitpasaq ta belgili...

Songhy bes jyldyng kóleminde Qytaydaghy az sandy últtargha qarata jýrgizilgen genosidti býkil dýniyejýzi biledi. Janargýl de sonyng tiri qalghan qúrbandarynyng biri bolyp otyr.

Atalghan sayasy janyshtaudan búl kýnde ondaghy júrttyng tili baylanyp qalghan. Shynjanda túryp, barlyq qazaq ózi jayly aqparat aitudan qalghan. Tek, «Bizde bәri jaqsy!» degennen basqa sóz aita almaytyn kýige týsken. Ary ketkende, astarlap qana birdemeler aitqan bolady...

Ólimnen basqanyng bәrin kórgen Janargýlding ayanar jeri qalmaghany kórinip túr. Ýrimjining qaq ortasynda qasqayyp túryp, Qazaqstangha hat jazu – eng aqyrghy qadam!

Qandastar mәselesimen ainalysyp jýrgen son, maghan hat jazypty. Mening qolynan ne keledi deysiz? Keletin edi ghoy, tyndar qúlaq bolsa!

Qúrmetti Múhtar Beskenúly!

Aytpaqshy, Ýrimjidegi vizalyq ortalyqtyng basshysy jóninde de ókpesin aitypty Janargýl. Ol qyzmetkerinizdi de jónge salynyz.

Búdan bylayghy jerde «Ol Qytay azamaty eken...» degen sóz bolmau kerek!

«Qazaqstan Respublikasynyng memlekettik tәuelsizdigi turaly» Zanynyng 8-babynda «Qazaqstan Respublikasy Respublika sheginen tys jerlerde túratyn qazaqtardyng últtyq-mәdeni, ruhany jәne tildik qajetterin qanaghattandyrugha qamqorlyq jasaydy, olar azamaty bolyp otyrghan memlekettermen jasalghan sharttar negizinde búl azamattardyng mýddelerin qorghaydy» degen norma bar.

Qytay men Qazaqstan tatu kórshi, strategiyalyq әriptes elder. Eki jaqtyly jasalghan kelisimderding ishinde eki elge ortaq qazaq mәselesi de qaralghan dep oilaymyn.

Endeshe, Qazaqstan taraby «Qazaqstan Respublikasynyng memlekettik tәuelsizdigi turaly» Zanynyng atalghan nomasyn búljytpay oryndaugha mindetti. Eger, oryndamasa, onda tәuelsizdikti tәrk etkendik bolyp esepteledi.

Sizden Janargýl Júmatayqyzynyng mәselesin óz qolynyzgha alyp, Qytay jaghyna súrau saluynyzdy ótinemin. Sonday-aq, Pekindegi Qazaqstan Respublikasynyng Tótenshe jәne ókiletti elshisi Núryshev Shahrat myrzany Shynjangha jiberip, Janargýlding halin bildiruinizdi, Qazaqstangha oraltugha yqpal etuinizdi súraymyn.

Qazaqtyng qyzyn qara týnek qapasta qaldyru – eldigimiz ben jigittigimizge syn!

Qúrmetpen,

Auyt Múqiybek,

«Qúrmet» ordenining iyegeri.

Janargýlding haty qaz-qalpynda: MENI OSY TOZAQTAN QÚTQARUYNYZDY ÓTINEMIN!

Auyt Múqiybekúlyna!

Qúrmetti Auyt agha, aman-esensiz be?

Men QHR ShÚAR Ýrimji audanynyng tumasymyn. Qazir Ýrimji qalasy Saybagh rayony Sanfangu joly 59-nómir, 4-rann, 11-bina, 1-podezi, 202-pәterding túrghyny Júmatayqyzy Janargýl bolamyn. Tól qújat nomerim: 650105197511302220

Agha, men sizdi jaqsy tanimyn әri el ýshin jasaghan enbekterinizdi asa joghary baghalaymyn. Bir kelse, Auyt aghanyng qolynan keledi-au, degen ýmitpen, Sizge osy hatty jazyp otyrmyn.

Qayteyin, qaryndasynyz býgin jaghday biylep, týrli qiyndyq keship, Sizding aldynyzgha resmy týrde kómek súrap, dәt aitqaly barghan qandastarynyzdyng qatarynan tabylyp otyr.

Qysqasha aitar bolsam, men osyndaghy qúlqyn jaylap, qara niyeti qabynghan zomegerlerding (Ýrimji audandyq ýkimet) tegeurinine ilinip, atalmysh «Oqu orny» (2-qamaqhana, 3-qamaqhana) degeninde jazyqsyz 2 jyl 23 kýn qamaldym (26.09.2017 -18.10.2019)!

Búlar meni aldap aparyp, ústap, qamaghannan keyin, maghan «Men telefonyma instagram, facebook sekildi terrorizmdi nәsihattaytyn júmsaq bólshek týsirgem, sol bólshekpen namaz oqyp otyrghan adamnyng sýretin týsirdim, iydeyam ulanghan, partiya men ýkimet bir ret shyghar jol bersin dep, «qateligindi» tanyp, moyynda!» dep qinady.

Biraq meni qansha qinasa da istemegen isti moynyma almadym! Áli kýnge deyin moyyndamay kelem! Oquda qolyma kózir, ayaghyma kisen salyndy. Sodan ong ayaghymnyng tobyghymnyng siniri janshylghan. IYne súghyp qinau, qate dәri berip ulau degenning bәrin kórdim. 86 kg salmaqpen kirip, birneshe auru jamap, 50 kg men qu sýiek bolyp, әiteu tiri oraldym ýiime!

Ol – ol ma, quyrdaqtyng kókesi oquynan oralghannan keyin boldy. Týrli kemsitu, qorqytu, ýrkitu, bógeu, janyshtau, kýn sayyn erteli-kesh mazalau, zorlyq-zombylyq degenning týr-týrin basymnan ótkerip, әli kýnge deyin kórgilikti kórip kelemin. Bir-birimen astasqan aramdar bylay barsam, arbany syndyryp, olay barsam ógizdi óltiredi. Ózderining jegen-ishkeni men qylmysyn býrkemeleu ýshin, jan talasyp, netýrli qaskóilikke baruda. Búlar meni júlmalap jýrip densaulyghymnan, baspanamnan, júmysynan, qalypty tirligimnen, erkindigimnen aiyryp tastady. 2017 jyly berilgen syilyq aqshamnyng barlyghyn jep qoydy. Songhy kezde tipten «atamnyng tayaghy siltengen sayyn asa tiyedi» bolyp barady. Maghan búl jerde jan baghu emes, jan saughalaudyng ózi ýlken mún! Últtyqtardyng noposyn jótkemeymiz dep, qyl-ayaghy ishki ólkege jótkep bermeydi. Tipti, Ýrimjiden attap shygharmayly. Ne júmys istetkizbeydi. Búl jerde zang men tәrtip saqtau mekemelerining qayda qarap otyrghanyn bilmeymiz. Adamdyq qúqyq atymen joq. Barlyghyn ózderin ókimet qarmaghyndaghy mekememiz dep atap alghan Shychýy basqarady. Sol Shychýy auru dese aurusyn, sol qara dese qarasyn. Olar aldymen týlkining kýlkisimen kýlip kelip arbasa, artynan saqshylar (sanfangu payshusuo jәne basqa) jiberip qysym jasayly. Talaptar qoyady, ótirik súraular suraydy, shyrghalaydy. Qandayda bir WeChat jelisindegi jekelik informasiyalaryndy qalaghanynsha ózgerte beredi. Sol arqyly jýris-túrysyna baqylau  qoyyp, qúghynday alady...

Men, mine, osynday ómir keship jatyrmyn! Nege býite beresinder? Mende qanday bir qylmys bar ma?! Bir beyuazdy osynsha jazyqsyz myjghylap sorlata beresinder me? Zang qayda? Adamdyq qúqyq qayla? Jandaryng ashymay ma?

Neshe mәrte súradym saqshylardan. Ol bayqústardyng «Siz eshqanday qate joq. Bar degen song keldik. Bizding de janymyz ashidy Sizge, bizde de amal joq!» deydi, keybireui. Keybireui tóte qúqay kórsetedi.

Men osyndaghy әr dәrejeli qúzyrly organdargha jaghdayymdy týsindirip, obaldy bolghanymdy aitsam da esh ónim bolmady, Chyn Chuangogha hat ta jazyp, badyrayghan dәlelder kórsettim, biraq aldyna jetken-jetpegenin bilmeymin. Ortalyqtaghy aryz-shaghym mekemesine jazghanym da, Shychuy saqshy  bastap kelip, seni qaytadan oqugha nemese jyndylar ýiine aparyp tastaymyz dep, ýige basyp kirip sýirelep zorlyqpen mashinagha baspaqshy boldy. Manayymdaghy adamdar aitysyp-tartysyp jýrip alyp qalmaghanda, osy kýnde ne bolarymdy kim bilsin?!

Osyghan úqsas jaghdaylar bir emes, neshe mәrte qaytalandy. Taghysyn taghylar!

Men olardyng qiytúrqylyghyn tilmen jetkize almaymyn! Almatydaghy istep otyrghan júmysym atsyz-ayaqsyz qalyp, onda bara almay otyrghanyma alty jyl boldy. Shynjandyqtargha pasport berude ortalyqtan erekshe sharttar qoyylghan dep, joqty syltauratyp pasportymdy jiyp alyp, siresip bermey otyr.

Sol atalmysh shartynyng bireui – Qazaqstan Respublikasynyng syrtqy ister ministirliginen «Qazaqstanda shúghyl júmys bar» degen hat aldyru bolatyn.

Mening Almatydaghy Júmaghúlova Lәzzәt Ongharqyzy (Tel: 87478747271) esimdi seriktesimning atynan sol mazmúndaghy hat Ýrimshidegi Qazaqstannyng vizalyq ornyna týskeli tórt aidyng jýzi boldy.

Búlar hattyng núsqasyn ne osyndaghy uaybangha joldamaydy, ne qolyma bermeydi! Bastyghy Bolat Syzdybayev degen myrza joqty syltauratyp, anda- mynda sendetedi. Ólmekting ýstine teppek bolyp, bar sengen baytalgha... degenning kerin qúshyp, ózim sharshap jýrgende janym qinalyp, tipti tityqtap bittim. Basqasy basqa ghoy, qazaqtyng osyndaghy qara shanyraghy dep, pana tilep barghanda jandary ashyghannyng ornyna, mynalardyng kebin endi osylar kiyip alghan ba deysin.

Men 2020 jylghy 16 jeltoqsannan bastap jylap-enirep kómek súrap, Preziydent Qasym-Jomart Toqaevtyng atyna ótinish hat ta jazdym. Biraq, eshqanday jauap ala almadym. Elshilikting ózi kelip túrghan dayyn hatty jeter jerine jetkizbegenine jýregim qan jylady. Endi óz qandasymnyng tyghyryqqa tiregeni janyma qatty batty. Qayda barsam qorqyttyng kóri, óstip jýrip bir kýni mert qyla ma!! Mening jýikem tozyp barady, densaulyghymda da aqau kóp!

Agha, ótinem, kómek beriniz! Men obaldy bolghanymdy tórtkil dýniyege aityp kómek súraghym keledi. Eger, shyndap kiriser kisi bolsa, aqiqaty salghan jerden qalqyp shyghatynyna men jýregimnen senip túrmyn! Mening atymnan alys-jaqyndaghy qúzyrly organdargha ótinish berip, adamdyq qúqyghymdy qorghaugha at salysyp, meni osy tozaqtan qútqarularynyzdy ótinem!

Sizden kóp ýmit kýtip, kómek súraghan qara kóz qaryndasynyz

Janargýl Júmatayqyzy

Baylanys telefon jәne uychatym:

18449890393

Abai.kz