Songhy kezde tarihy Otanyna oralyp jatqan qandastarymyzdyng qújattanuy qiyndap ketkeni turaly әngime Parlament dengeyinde kóterile bastady. Osy mәsele boyynsha kóshi-qon sayasatymen úzaq jyldan beri ainalysyp kele jatqan tәjiriybeli maman, qogham qayratkeri Auyt Múqiybekpen ótkizgen súhbatymyzdy úsynyp otyrmyz.

Qandastardy Ýkimet belgilegen ónirlerge qonystandyru bastamasyn tolyq qoldaymyn!

– Siz biyl 14 aqpannan beastap qoldanysqa engen «Birlesken búiryq» nemese «Pilottyq joba» turaly BAQ betinde, әleumettik jeliler arqyly dýrkin-dýrkin mәsele kóterdiniz. Atalghan jobanyng Qazaqstanda ratifikasiyalanghan halyqaralyq paktige, konstitusiyagha jәne qoldanystaghy zandargha mýlde qayshy ekenin dәleldep, óz qarsylyghynyzdy bildirumen kelesiz. Ángimeni osydan bastayyqshy...

– «Birlesken búiryq» nemese «Pilottyq joba» turaly aitudan búryn, sózdi Ýkimetting 2016 jylghy «Qandastar men qonys audarushylardy qonystandyru ýshin ónirlerdi aiqyndau turaly» №83 qaulysynan bastaghan dúrys.

Ýkimet keyin búl qaulygha tolyqtyru engizip, qandastar men qonys audarushylardy qonystandyratyn ónirler sanyn kóbeytti. Siz aityp otyrghan jana joba boyynsha, Aqmola oblysy (Qosshy qalasyn, Arshaly jәne Selinograd audandaryn qospaghanda), Shyghys Qazaqstan oblysy, Qostanay oblysy, Pavlodar oblysy, Soltýstik Qazaqstan oblysy, Abay oblysy jәne Úlytau oblysy belgilenipti.

Qaulynyng maqsaty belgili. Aty aityp túrghanday, Atajúrtyna oralghan etnikalyq qazaqtar men halyq tyghyz ornalasqan ónirlerding túrghyndaryn osy ónirlerge qonystandyru.

Jalpy, qandastardy ýkimet belgilegen ónirlerge qonystandyru – kezek kýttirmeytin óte manyzdy sayasat!

Onyng sayasy jәne strategiyalyq manyzyn aityp jatu – artyq әngime!

Astyn syzyp túryp aitayyn, men Ýkimetting búl sayasatyn jýz emes, eki jýz payyz qoldaymyn. Tynbay qoldap ta kele jatyrmyn. Ásirese, shetten kelgen aghayyndardy sol ónirlerge barugha ýgitteuden sharshaghan emespin!

Ókinishke oray, Ýkimet búl sayasatty óz dengeyinde jýrgize almady.

«Ontýstikten soltýstikke erikti týrde qonys audaru baghdarlamasy kýtilgen nәtiyje bermegenin moyyndauymyz kerek!», - dep ony 2024 jylghy 20 aqpanda Ýkimet saghatynda Senat tóraghasy Mәulen Áshimbaevtyng ózi moyyndady.

Al, sebebine kelsek, eng aldymen, Ýkimetting baghdarlamasy dúrys bolghan joq. Bes jylgha dep jasalghan baghdarlama sonyna shyqpastan, janalanyp jatty. Jәne ol baghdarlamalardyng bәri jemqorlyqqa jol ashumen keledi. Jomaqorlyq mәselesine Preziydent Qasym-Jomart Toqaevtyng ózi nazar audaryp, eki-ýsh audannyng әkimderin qyzmetten qughyzghany esimizde.

Ekinshi sebep, aqparat pen ýgit-nasihat jetispedi.

Olar da adam balasy. Olar da pende!

Keshendi baghdarlamamen birge, biyik minbelerden júrtty ilandyratyn jyly sózder jii aitylyp túruy  tiyis!

Esinizde bar ma, bayaghyda – 1991 jyly Núrsúltan Nazarbaev: «Qymbatty otandastar! Qandas bauyrlar! Aghayyndar! Qazaqstan Ýkimeti «Basqa respublikalardan jәne shetelderden selolyq jerlerde júmys isteuge tilek bildirushi bayyrghy últ adamdaryn Qazaqstanda qonystandyru tәrtibi men sharttary turaly» arnayy qauly qabyldady. Sondyqtan ata-mekenge kelemin deushi aghayyndargha jol ashyq. Ata-baba әruaghy aldarynyzdan jarylqasyn!», - dep, bizdi óte qiyn kezende nyq senimmen shaqyryp edi ghoy.

Ol kezde Qazaqstan ekonomikasynyng kýirep, joqshylyqtyng kenirdekten qysyp túrghan shaghy.

Soghan qaramastan, Túnghysh Preziydentting sol sózin «Shalqar radiosynan» esty salyp, Atajúrtqa qotaryla kóshtik qoy...

Sol sekildi, bizding Ýkimetbasy men Ýkimetting әrbir jauapty mýshesi jәne oblys әkimderi: «Qúrmetti qandastar! Biz sizderdi Ýkimet aiqyndaghan ónirlerge qonystandyru ýshin, mine, mynaday keremet Zang qabyldadyq. Kelinizder!», - dep, uaq-uaq qyran qústay sanqyldap túruy kerek!

Úr da jyq sóz ben shekten tys qatang talap búl kóshti kólikti ete qoymasy anyq.

Áriyne, ol ýshin eng aldymen Zang dúrys boluy shart!!!

Al, Siz aityp otyrghan «Pilottyq jobagha» kelsek, memleket qandastardy Ýkimet belgilegen ónirlerge qonystandyru syndy osy strategiyalyq manyzgha ie sayasatty shyndap qolgha alghany kórinip túr.

«Birlesken búiryqtyn» sol ýshin shygharylghany anyq.

Taghy da astyn syzyp túryp aitayyn, men Ýkimetting búl bastamasyn da tolyq qoldaymyn!

Óziniz jaqsy bilesiz, qazir Preziydentimizding «Zang men Tәrtip» qaghidatynyng saltanat qúryp túrghan shaghy.

Atalghan qaghidattyng manyzdylyghy sonday, Ýkimet «Qoghamda zang men tәrtip iydeologiyasyn ilgeriletu jónindegi 2025 – 2030 jyldargha arnalghan tújyrymdama» jasap, ony arnayy qaulymen bekitip qoydy.

Ol az deseniz, «Zang men Tәrtip» qaghidaty jana Konstitusiyamyzdyng mandayyna jarqyrap túr.

Demek, qazir qoghamnyng da, biylikting de eng basty ústanymy – osy «Zang men Tәrtip» qaghidaty.

Jasyratyny joq, «Pilottyq jobany» men sol «Zang men Tәrtip» qaghidatynyng ólshemimen baghaladym.

Sebebi, men – Qasym-Jomart Kemelúlynyng «Zang men Tәrtip» qaghidatyn boyyna әbden sinirgen, shyndap ústanghan azamatpyn!

Sodan bolsa kerek, «Pilottyq jobany» qabyldau maghan qiyn boldy!

Múny «Pilottyq joba» avtorlary bilip, týsinip otyr dep oilaymyn.

– Sonda, «Pilottyq jobagha» әli de qarsysyz ba?

– Joq!

Jogharyda  ayttym ghoy, men memleketting qandastarymyzdy Ýkimet belgilegen ónirlerge qonystandyru sayasatyn qos qoldap qoldaymyn!

Mәsele, «Pilottyq jobagha» mening «Zang men Tәrtip» ústanymymen qarauymda ghana bolyp túr. Ol ýshin meni dúrys týsinu kerek!

Átpese, men búl manyzdy strategiyalyq sayasatty jýzege asyrugha baghyttalghan «Pilottyq joba» bolsyn, ózge de bastamalar bolsyn, bәrin qoldaugha barymyn!

Óziniz bilesiz, men jiyra syldan beri kóshi-qon sayasatymen tynbay ainalysyp kele jatqan óte belsendi azamatpyn. Kóshi-qon ýrdisin retteuge arnalghan zannamalardy ong baghytqa búrugha yqpal ete alghan tәjiriybeli mamanmyn. Jiyrmadan astam úsynysym qabyldanyp, qoldanysqa endi. Eger, Ýkimet mýmkindik berse, osynau uaqyt ishinde jighan óz tәjiriybem men bilimimdi ortagha salyp, Ýkimetting osynday jobalaryna kómektesuge de, qos qoldap qoldaugha da dayyn jigitpin.

Ol ýshin maghan deputat nemese ministr boludyng keregi shamaly.

Qúzyrly organ, tek, baghdarlama men Zang jobasyn jasaugha qatystyrsa, úsynystarymdy eskerse ghana bolghany. Maghan sol jetkilikti.

Bir sózben aitqanda, «Pilottyq joba» dәl uaghynda jasaldy!

Al, ony qalay jasau kerek degenge kelsek, búl endi basqa әngime...

Pilottyq jobanyng qos ereksheligi

– Siz tәjiriybeli maman retinde búl jobanyng jetistigin atap bere alasyz ba?

– Búl jobanyng eki artyqshylyghyn erekshe atap ótkim keledi.

Eng basty artyqshylyghy – kóship kelushilerdi Ýkimet aiqyndaghan ónirlerge qonystandyru syndy búl manyzdy sayasatty shyndap qolgha alghandyghy!

Áriyne, búl sayasattyng qozghaushy kýshi Preziydentimiz Qasym-Jomart Toqaev ekeni anyq!

Búl memleketting qauipsizdigi ýshin jasalyp jatqan qam men hareket.

Keshe Últtyq statistika burosynyng mәlimetin oqydym. 2026 jylghy 1 mamyrdaghy jaghday boyynsha, elimizding halyq sany 20 562 993 adamgha jetipti. Onyng 13 153 726-sy qalada, al 7 409 267-si auyldyq jerlerde túrady eken.

Kórdiniz be, auyl men qala halqy sanynyng salystyrmasy ay emes, kýn sanap alshaqtap barady. Urbanizasiya ýrdisi ýdey týsude. Halyq auyldan qalagha aghylyp jatyr. Auyldar bos qaluda. Mektepterde oqityn balalar azayyp ketti. Ásirese, sol Ýkimet aiqyndaghan ónirlerdegi auyldarda...

Jeri ken, halqy az, tabighy baylyghy úshan-teniz memleket ýshin búl – óte qorqynyshty jaghday!

Ýkimet mәselening osy jaghyn oilap, batyl qadamgha baryp otyrghan bolsa kerek.

«Qandastar – qauip emes, qauipsizdikting kepili!» degen túrghydan qarap,  memleket olardy Ýkimet belgilegen ónirlerdegi bos qalghan auyldargha týgel qonystandyryp jatsa, onda mening de Úly armanym oryndalar edi!

«Pilottyq jobanyn» ekinshi bir artyqshylyghy – ónirlik kvotadaghy shekteuding alynyp tastalghandyghy!

Endi búrynghyday bir-eki myng adamdyq ónirlik kvotamen shekteu joq.

«Pilottyq jobanyn» ayasynda, endi kóship kelushiler men qonys audarushylardyng bәrine 70 AEK mólsherinde kóshuge subsidiyalar beru, túrghyn ýidi jaldau (jalgha alu) jәne kommunaldyq qyzmetterdi tóleu shyghyndary ýshin 15-ten 30 AEK-ke deyingi mólsherde aqsha bosatu, sonday-aq túrghyn ýy satyp alugha 1625 AEK mólsherinde ekonomikalyq útqyrlyq sertifikattaryn úsynu qarastyrylypty.

Kóp-kórim aqsha. Jan sany kóp otbasylar ýshin qomaqty qarajat deuge bolady...

Búl – óte-óte dúrys sheshim jәne zor qamqorlyq!

Sondyqtan búl iygilikti isti tek Ýkimetke ghana artyp qoymay, býkil el bolyp qoldauymyz, kómektesuimiz qajet!

Joba jayly jazghan hatym Preziydentke jetti

– «Pilottyq joba» osy jyldyng 31 jeltoqsanyna deyin qoldanylady eken. Sizshe, kóshi-qon sayasatynda oghan deyin jәne odan keyin qanday qanday ózgerister boluy mýmkin? 

– Eng quanyshtysy, mening «Pilottyq jobanyn» konvensiyamen, konstitusiyamen jәne qoldanystaghy Zandarmen sәikessizdigin dәleldep jazghan hatym Preziydentke jetti. Búl turaly Aqordadan bir emes, eki mәrte habarlady. Tiyisti tapsyrma berilgenin aitty...

Óziniz de kórip, estip jatqan bolarsyz, «Pilottyq joba» qoldanysqa engen kýnnen bastap, Atajúrtyna oralghan aghayyndardyng qújattanu prosessi negizinen toqtady dese de bolady. Ásirese, Qytaydan kelgen qazaqtardyn.

Qazir mening qolymda qújattana almay otyrghan ýsh jýzden astam otbasynyng tizimi túr. Qújatsyz qalghandardyng qarasy búdan birneshe ese kóp. Kóship kelip jatqandar taghy bar. Kelgen Eline keri kóship jatqandar da jeterlik...

Eger, «Pilottyq joba» jyl ayaghyna deyin osy beti túra beretin bolsa, Elimizde últy qazaq «bosqyndar» payda bolady. Onyng zardaby olardyng ózderimen birge, atqarushy biylikke de auyr tiygeli túr.

Mening biluimshe, Ýkimet qazir osy «Pilottyq jobanyn» negizinde «Halyqtyng kóshi-qony turaly» zanynyng jana jobasyn dayyndap qoydy. Qúryltay deputattary jasaqtalghan son, ony birden talqygha salyp, qabyldaydy.

Al, Qúryltay ony qalay qabyldaydy, ol jaghy maghan belgisiz.

Biraq, «Halyqtyng kóshi-qony turaly» zanynyng jana jobasy osy «Pilottyq jobanyn» negizinde esh ózgerissiz qabyldanyp jatsa, onda ol Ýkimet aiqyndaghan ónirlerdegi jergilikti atqarushy biylikke óte auyr, taghy qaytalap aitayyn óte-óte auyr qiyndyq tudyrary sózsiz!

Meni alandatatyn mәsele – osy!

Preziydentting tapsyrmasymen jaghday ózgeripte qaluy mýmkin...

– Sol ózinizdi alandatyp otyrghan týiinderdi tarqatyp aitynyzshy, ol qanday qiyndyqtar?

– Jogharyda aittym ghoy, qazir mening qolymda qújattana almay otyrghan ýsh jýzden astam otbasynyng tizimi túr dep.

Bir qyzyghy, osy ýsh jýzge tayau otbasynyng birazy sol Ýkimet belgilegen ónirlerding ózinde otyryp, ne qújattana almay, ne ónirlik kvotagha qol jetkize almay, sergeldenge týsude!

«Pilottyq jobanyn» ayasyndaghy búl kósh bir-eki adamnyng nemese bir-eki otbasynyng sharuasy emes, neshe ondaghan myng adamnyng taghdyryna qatysty mәsele!

Qúday betin ary qylsyn, «Halyqtyng kóshi-qony turaly» zanynyng jana jobasy osy «Pilottyq jobanyn» negizinde esh ózgerissiz qabyldanyp ketse, aityp otyrmyn ghoy, kóship kelushiler qújatsyz qalady.

Jergilikti atqarushy biylik olardy jogharyda aitylghan memlekettik qoldau sharalarymen qamday almay, ózderi qiyndyqqa tap bolady.

Taghy bir mysal keltireyin.

«Pilottyq jobagha» say, «Qandas» mәrtebesi tek Qazaqstan Respublikasynyng Ýkimeti belgilegen qonystanu ónirlerine mindetti týrde qonys audaru jaghdaylarynda, úzartu qúqyghynsyz 5 (bes) jyl merzimge beriledi.

Demek, búl – Ýkimet belgilegen ónirlerge qonystanghan etnikalyq qazaqtargha azamattyq bermey, bes jyl boyy  tek «Qandas» mәrtebesimen ghana ústap otyru degen sóz!

Sonda, jergilikti atqarushy biylik óz betimen mal ósirem, egin salam degen shetel azamaty bolyp tabylatyn qandastargha jer telimin qalay bermek?!

Qysqasy, Zang jobasy dúrys qabyldanbasa, Ýkimet bólgen aqsha iygerilmey, atqarushy biylik әbigerge týskeli túr.

Erteng Zang jobasy da osy beti ketse, qogham «Pilottyq jobanyn» sipaty men maqsatyn sózsiz basqasha baghalay bastaydy!

Sondyqtan, búl jobagha bәrimizding de bey-jay, jýrdim-túrdym qarauymyzgha mýlde bolmaydy!

Mәseleni shiylenistirmey, aldyn-ala sheship aluymyz kerek!

Testileu, saualnama jýrgizu jәne әngimelesu ólshemshart» degen mýlde bolmau qajet!

– Siz: «Aldymen Zang dúrys boluy shart» dep qaldynyz, jana zang jobasyna óz atynyzdan qanday úsynystar úsynar ediniz?

– Mening úsynysym óte qarapayym әri jep-jenil. Tipti, týkke túrghysyz dýnie deuge bolady. Kóp aqyldyng keregi joq, Ýkimet aitqyzbay-aq, ózi bilip istey salatyn sharua!

Onyng birinshisi, jyl ayaghyna qaldyrmay, Qazaqstangha kóship kelip alghan etnikalyq qazaqtardyng Ýkimet belgilegen ónirlerge qonystanghysy keletinderin qoldanystaghy zang ayasynda týgel qújattandyryp, «Pilottyq joba»  ayasynda subsidiyalar men sertifikattardy berip ýlgiru kerek!

Sosyn, eger, memleket qandastarymyzdy shynymen Ýkimet aiqyndaghan ónirlerge qonystandyryp, ondaghy bos qalghan eldimekenderdi halyqqa toltyrudy kózdese, onda búl aimaqtargha qonystanatyn kóship kelushilerding qújattanu prosessin barynsha jenildetu qajet.

Anau «testileu», «saualnama jýrgizu» jәne «әngimelesu» degenderding bәrining kózin qúrtu kerek! «Ólshemshart» degen mýlde bolmau qajet! Kerek bolsa, azamattyq berudi búrynghydan da onaylatu, jenildetu kerek!

Sonymen bir mezgilde, Ýkimet aiqyndaghan ónirlerden azamattyq alyp alyp, basqa oblysqa tayyp túrghysy keletinderding jolyn kesetin qatang tәrtip te engizgen abzal!

Mysaly, ondaylargha berilgen subsidiyalar men sertifikattardy eki-ýsh eselep qaytaryp alu; Ýkimet aiqyndaghan oblystardan ózge ónirler men qalalargha kóship barsa, túraqty tirkeuge almau syndy sharalar qoldansa, jetip jatyr.

Biraq, songhysy jana Konstitusiyanyng 24-babynyng 1 tarmaghyna qayshy. Degenmen, ol «Pilottyq jobanykine» qaraghanda kishkene músylmandau shara!

Mening úsynysymnyng bar bolghany – osy ghana!

Búl – naghyz әdiletti sheshim bolary anyq!

Ýkimet ýshin qiyn emes, op-onay oryndalatyn sharualar.

Jenil, onay qújattanu tәrtibi ornaghan jaghdayda, qandastargha biz sekildi kóshi-qon sayasatymen ainalysyp jýrgen belsendi azamattardyng sózi birden ótetin bolady. Biz osynday iygilikterdi alaulatyp-jalaulatyp aityp, olardy Ýkimet bekitken ónirlerge jappay qonystanugha batyl ýgittey alamyz.

Eng bastysy, Ýkimetting beti jaryq, qúlaghy tynysh bolmaq!

Qandastarymyz eshqashan masyl bolghan da emes, bolmaydy da!

– «Viyse-ministr Erbol Túyaqbaev: «Oqymaghan oralman kerek emes!» depti..»,- dep jatyr ghoy..

– Túyaqbaevtyng onday sózin estigen joqpyn. Biraq, «Qazaqstangha kelgen kezde әleumettik masyldyqqa salynbaytynday dengeyde óz mýmkindikterin dәleldese, biz olardy qúshaq jaya qarsy alamyz…», -degenin oqydym.

Ýkimet ong qúlaghymen estisin, Qazaqstannyng otyz bes jyldyq tarihynda qandastar eshqashan masyl bolghan da emes, bolmaydy da!

Jalpy, shetten oralghan qandastarymyz Ýkimetke alaqan jaydan aulaq. Ólar ózin ózi júmyspen qamtugha әbden jetilgen adamdar. Shetinen enbekqor, isting kózin taba biletin mamandar...

Olardy qinaytyn bir-aq mәsele bar.

Ol – qújattanudyng – Qazaqstan Respublikasynyng azamattyghyna qol jetkizuding mashaqaty!

Qazaqstan Tәuelsizdigin alghannan keyingi anau toqyrau jyldarynda auyl halqy jappay qalagha ýdire kóship, eldimekenderde mal baghatyn adam qalmay, mal basy kýrt azayyp ketken  bolatyn. Túnghysh Preziydent Núrsúltan Nazarbaev óte kóregendikpen erte jolgha qoyghan Kóshi-qon sayasatynyng arqasynda, Atajúrtyna oralghan qandastarymyz, әsirese Qytay men Mangholiyadan kelgen aghayyndarymyz sol bostyqty toltyryp, Elimizding mal sharuashylyghyn toqyrau men qauipten aman alyp shyqty. Býginde tórt týlikti mynghyrtyp, qazaqstandyqtardyng auzynan aq may aghyzyp otyrghandardyng basym bóligi – sol shetten kelgen aghayyndar ekenin eshkim joqqa shyghara almaydy!

Tórt týlik degennen eske týsedi, Elimizdegi malshy qauymnyng qanshasynyng «Bolashaq» baghdarlamasy arqyly shetelden oqyp kelgenin, qanshasynyng ghylym doktory, ghylym kandidaty ekeni turaly diplomy bar-joghyn bilgim kelip,  jaqynda Auyl sharuashylyghy ministiri Aydarbek Saparovtyng atyna arnayy hat jazyp, súrau saldym.

Súrauyma atalghan ministrliktin Viyse-ministri A. Berdaliyn: «...shopan (qoyshy)  mamandyghy  júmysshy kәsipter qataryna jatatynyn, yaghny ol biliktiligi joghary talap etilmeytin  júmysshy mamandyghy ekenin atap ótemiz. Búl qyzmette tәjiriybelik daghdylar, malmen júmys isteu mashyghy, jayylymdardy  biludi  jәne mal ústau jaghdaylaryn bilu esepke alynady», - dep jauap berdi.

IYә, Preziydentimiz Qasym-Jomart Toqaev elge joghary bilikti mamandardy, investorlardy jәne talanttardy tartugha baghyttalghan Jarlyqqa qol qoydy.

Dúrys, onday mamandar Elimizge kerek. Kelsin!

Sonymen bir mezgilde, mal baghatyn, egin salatyn, kóshe sypyratyndardyng da auaday qajet ekenin esten shygharmayyq...

Demek, qandas – qauip emes, qayta qauipsizdikting kepili!

Ýkimet múny eki dýniyede de úmytpauy jәne tereng týsinui kerek!

Sóz sonynda aita keteyin, jaqynda meni eki jigit izdep kelip, kómektesuimdi ótindi. Ekeui de kezinde Qytaydan kelipti. Ekeui de Qazaqstan azamattyghyn alghan eken. Bireui – jurnalist, bireui – qúrlysshy bolyp shyqty. Ekinshi kategoriyadaghy qúrlys kompaniyalary da baryn da aitty.

Olar Ýkimet aiqyndaghan ónirlerdegi auyldardyng manynan jer telimin alyp, qandastargha arnalghan jana ýiler salmaqshy eken. Bir audannyng әkimining qoldauymen jer telimin alyp, ol júmystaryn bastau aldynda túrghanyn jetkizdi. Eki jigitting ótinishimen sol audangha baryp, әkimmen kezdesip, olardyng jobalaryn óz kózimmen kórip qayttym.

Ákim óte bilimdi, isker jigit eken, búl sharuagha qatty qúlshynyp otyr.

Eki jigitting aituyna qaraghanda, olar audan әkimi bergen jerge qandastargha arnap, shaghyn auyl túrghyzbaqshy.

Salynatyn ýiding kólemi – 130 sharshy metr. Qora-jayy, qorshauy týgelimen bar...

Qarajatyna kelsek, búl kompaniya Ýkimetting «Pilottyq joba» ayasynda qandastargha beretin subsidiyalary men sertifikattaryna jәne osy auylgha qonystanghysy keletin qandastardyng ózderine sýienbek.

Jigitterding aitularyna qaraghanda, osy jana auylgha kelgisi keletinderding sanynda esep joq kórinedi. 56 otbasy eki jigitpen kelisim-shartqa otyryp, aldyn-ala kepildik aqshalaryn qúiyp ta ýlgiripti. Qúrlys júmysy bastalsa, olar sol kelisken aqshasyn týgel qúigha dayyn eken.

Eki jigitting talaby da mening ótinishim sekildi óte qarpayym:

Jergilikti biylik jer telimi men shaghyn auyldyng infraqúrylymyn sheshudi ýstine alsa, sol oblystyng «Pilottyq joba» ayasynda qandastargha beretin subsidiyalary men sertifikattaryn sol jana auylgha keletinderge baghyttap berse bolghany, qalghanyn ózimiz qatyramyz dep otyr...

Mine, búl da Ýkimettin  «Pilottyq jobasyn» iske asyrugha septigin tiygizetin keremet bastama dep bilemin!

Kóship kelushiler jartysynan kóp qarajatty óz qaltasynan shygharghan son, ol auyldan eshqayda kóshpeydi. Túraqtap qalady. Eng bastysy jana ýiler, jana auyldar payda bolady.

Ýkimet osynday jobalardan paydalana bilse, esh útylmas edi...

Súhbatty jýrgizgen - Erqazy Seyitqaliy

Abai.kz