Ózbekstanda 10 qantardan beri saqyldaghan sary ayazdyng beti qaytpay túr. Respublikanyng elektr energiyasymen, gazben qamtamasyz etetin mekemeleri búryn-sondy bolmaghan múnday suyqqa tótep bere almay, isten shyqqan. Kópqabatty ýilerde túratyn halyq sharasyzdyqtan dalada ot jaghyp, jylynyp jýr.

Qantardyng 16-synda ózbek preziydenti Shavkat Mirziyeev qysqy mausymgha dúrys dayyndyq jasamaghan Tashkent әkimi Djahongir Artyqhodjaevty, Energetika ministrining orynbasary Sherzod Hodjaevty jәne «Jylu elektr stansiyalary» kәsipornynyng basshysy Farhod Abdurahmanovty qyzmetinen bosatty. Ózbek preziydenti el astanasynyng bas josparynyng joqtyghyn syngha aldy. Ayazdy aua-rayyna baylanysty Ózbekstannyng barlyq derlik aimaghynda, sonday-aq, Qaraqalpaqstanda mektep oqushylarynyng qysqy demalysy 17 qantargha deyin úzartyldy. Balabaqshalargha da jospardan tys demalys berilgen.

Ózbekstannyng gazgha tapshy bolyp otyrghany búghan deyin de belgili bolghan edi. Sebebi, Ózbekstan gazdyng jetispeushiliginen birqatar ónirlerde elektr quatyn qoldan óshirip, Tashkent pen Ferghana alqabynda gaz qún stansiyalarynyng júmysyn toqtatty.

Ótken qarasha aiynyng ayaghynda Resey Qazaqstan men Ózbekstangha «Gaz odaghyn» qúru turaly iydeya aitqan. Qazaqstan Putinning úsynysynan bas tartqanyn jetkizdi. Keyin Ózbekstan tarapy da osylay istedi.

Elding energetika ministri Jorabek Myrzamahmudov: «Ózbekstan gaz tapshylyghyn kórip otyrsa da, últtyq mýddesine, ekonomikasy men tәuelsizdigine qauip tóndirgisi kelmeydi.  Sondyqtan biz gaz alu ýshin ózge elding sayasy sharttaryn eshqashan qabyldamaymyz», - dedi ol.

Biraq Resey SIM basshysynyng orynbasary Mihail Galuzin ótken jyldyng 26 jeltoqsanynda TASS-qa bergen súhbatynda: «Ýshtik gaz odaghyn qúrugha aitarlyqtay kedergiler joghyn әri Reseyding seriktesteri osy baghyttaghy is-әreketke dayyn otyrghanyn», - jetkizgen.

«Ýshtik gaz odaghyn» qúru iydeyasy Reseymen qatar, bizding әriptesterimiz: Qazaqstan men Ózbekstannyng da qyzyghushylyq tudyrady. Osy saladaghy ózara is-qimyl energetikalyq qajettilikti, halyqtyng әleumettik-ekonomikalyq túraqtylyghy men әl-auqatyn qamtamasyz etu ýshin qajet.

Ózbekstan Respublikasynyng jobagha qatysu, qatyspauyna keler bolsaq, preziydent Putin 9 jeltoqsanda Bishkekte ótken EAEO Sammiyti ayaqtalghannan keyin, baspasóz mәslihaty barysynda yqtimal energetikalyq aliyans qúru boyynsha júmys bastalghanyn atap ótti. Resey seriktesteri osy baghyttaghy birlesken is-qimyldargha dayyn. IYdeyany jýzege asyru ýshin eshqanday manyzdy kedergiler joq, biraq, eng aldymen, ýlken jýieli júmys atqaryluy kerek. Ásirese saraptamalyq dengeyde. Qazir ony ýsh elding qúzyretti ministrlikteri jýrgizip jatyr», - dep aitqan.

«Gazeta.uz» basylymy birneshe derekkózge silteme berip, Resey «Ýshtik gaz odaghyn qúru» degen jeleumen Qazaqstan men Ózbekstannyng gaz tasymaldau jýiesin iyemdenip alghysy keledi. Ásirese «Ortalyq Aziya – Ortalyq» gaz qúbyry arqyly Qytaygha gaz tasymaldau qúqyghyn aludy kózdep otyr», - dep jazady.

Basylym mәlimetinshe, Resey Ózbekstannan gaz tasymaldau jýiesin «Gazpromgha» naryq qúnymen berudi talap etken. Osyghan úqsas talap «Qazaqgaz» Últtyq kompaniyasyna da qoyyldy. Biraq kompaniya úsynysty qabyldamaghan.

Ayjan Temirhan

Abai.kz