Jaqynda Qostanay oblysyna preziydent Toqaev myrza kelip ketti. Óte qúpiya týrde. Búryn múnday saparlar turaly barlyq BAQ-ta aldyn-ala habarlanyp, býkil júrtqa dabyl qaghatyn. Búl jolghysy ózgeshe. Eshkim eshtene bilmeydi. Búdan tipti, jergilikti jurnalister de tys qaldy.

Sodan Memleket basshysy oblysymyzdaghy birneshe obiektilerdi aralaghannan keyin, Rudnyy qalasyna baryp, ondaghy jylu jýiesimen tanysty. Preziydentting aituyna qaraghanda, búl júmystyng qalay jýrgizilip jatqandyghyn kóruge әdeyi kelipti. Bir qyzyghy, asa qúpiya týrde.

Sosynghy bir qyzyghy, sol qala әkimning kózinshe kóshede jinalyp túrghan (olar Preziydentting kelgenin qalay bilgen desenizshi?) az ghana júrttan ýilerindegi jylu dengeyi jayly súrady. Olar, әriyne, bәri tamasha ekendigin quana habarlady.

Al jergilikti tәuelsiz «Nasha gazeta» degen basylymnyng jazuyna qaraghanda, búl qaladaghy jaghday anau Ekibastúzdaghy apatty jaghdaydan kem bolmaghan kórinedi. Al qazirding ózinde barlyghy jóndelip bolmaghan. Tonyp otyrghandar әli de jeterlik.

Qysqasy, sonau Nazabaevtan qalghan «ótirikti shynday, shyndy qúday úrghanday» etip kórsetu әdetining jany siri eken. Bayaghy ótirik kózge týsip qalu ýrdisi әli jalghasyp keledi. Sonda «Jana Qazaqstan» degenimiz de jalghan bolyp shyqqany ma? Endi ony qaydan izdedik? Mýmkin, bireuler bir jerden kórip qalghan shyghar?

Jaybergen Bolatov

Abai.kz