Сенбі, 20 Шілде 2024
Ақмылтық 2887 9 пікір 27 Қаңтар, 2023 сағат 13:52

Президент жасырын келіп, жасырын кетті ме?

Жақында Қостанай облысына президент Тоқаев мырза келіп кетті. Өте құпия түрде. Бұрын мұндай сапарлар туралы барлық БАҚ-та алдын-ала хабарланып, бүкіл жұртқа дабыл қағатын. Бұл жолғысы өзгеше. Ешкім ештеңе білмейді. Бұдан тіпті, жергілікті журналистер де тыс қалды.

Содан Мемлекет басшысы облысымыздағы бірнеше обьектілерді аралағаннан кейін, Рудный қаласына барып, ондағы жылу жүйесімен танысты. Президенттің айтуына қарағанда, бұл жұмыстың қалай жүргізіліп жатқандығын көруге әдейі келіпті. Бір қызығы, аса құпия түрде.

Сосынғы бір қызығы, сол қала әкімнің көзінше көшеде жиналып тұрған (олар Президенттің келгенін қалай білген десеңізші?) аз ғана жұрттан үйлеріндегі жылу деңгейі жайлы сұрады. Олар, әрине, бәрі тамаша екендігін қуана хабарлады.

Ал жергілікті тәуелсіз «Наша газета» деген басылымның жазуына қарағанда, бұл қаладағы жағдай анау Екібастұздағы апатты жағдайдан кем болмаған көрінеді. Ал қазірдің өзінде барлығы жөнделіп болмаған. Тоңып отырғандар әлі де жетерлік.

Қысқасы, сонау Назабаевтан қалған «өтірікті шыңдай, шынды құдай ұрғандай» етіп көрсету әдетінің жаны сірі екен. Баяғы өтірік көзге түсіп қалу үрдісі әлі жалғасып келеді. Сонда «Жаңа Қазақстан» дегеніміз де жалған болып шыққаны ма? Енді оны қайдан іздедік? Мүмкін, біреулер бір жерден көріп қалған шығар?

Жайберген Болатов

Abai.kz

9 пікір

Үздік материалдар

Абай мұрасы

Абай іліміндегі өмір мақсаты не?

Досым Омаров 1310
Ой түрткі

Әлмерек абыздың оралуы - Елге діннің оралуы

Бақтыбай Айнабеков 2058
Көршінің көлеңкесі

Ресей тілдік һәм саяси экспансияны қалай жүргізді?

Бейсенғазы Ұлықбек 2106