جاقىندا قوستاناي وبلىسىنا پرەزيدەنت توقاەۆ مىرزا كەلىپ كەتتى. وتە قۇپيا تۇردە. بۇرىن مۇنداي ساپارلار تۋرالى بارلىق باق-تا الدىن-الا حابارلانىپ، بۇكىل جۇرتقا دابىل قاعاتىن. بۇل جولعىسى وزگەشە. ەشكىم ەشتەڭە بىلمەيدى. بۇدان ءتىپتى، جەرگىلىكتى جۋرناليستەر دە تىس قالدى.

سودان مەملەكەت باسشىسى وبلىسىمىزداعى بىرنەشە وبەكتىلەردى ارالاعاننان كەيىن، رۋدنىي قالاسىنا بارىپ، ونداعى جىلۋ جۇيەسىمەن تانىستى. پرەزيدەنتتىڭ ايتۋىنا قاراعاندا، بۇل جۇمىستىڭ قالاي جۇرگىزىلىپ جاتقاندىعىن كورۋگە ادەيى كەلىپتى. ءبىر قىزىعى، اسا قۇپيا تۇردە.

سوسىنعى ءبىر قىزىعى، سول قالا اكىمنىڭ كوزىنشە كوشەدە جينالىپ تۇرعان (ولار پرەزيدەنتتىڭ كەلگەنىن قالاي بىلگەن دەسەڭىزشى؟) از عانا جۇرتتان ۇيلەرىندەگى جىلۋ دەڭگەيى جايلى سۇرادى. ولار، ارينە، ءبارى تاماشا ەكەندىگىن قۋانا حابارلادى.

ال جەرگىلىكتى تاۋەلسىز «ناشا گازەتا» دەگەن باسىلىمنىڭ جازۋىنا قاراعاندا، بۇل قالاداعى جاعداي اناۋ ەكىباستۇزداعى اپاتتى جاعدايدان كەم بولماعان كورىنەدى. ال قازىردىڭ وزىندە بارلىعى جوندەلىپ بولماعان. توڭىپ وتىرعاندار ءالى دە جەتەرلىك.

قىسقاسى، سوناۋ نازاباەۆتان قالعان «وتىرىكتى شىڭداي، شىندى قۇداي ۇرعانداي» ەتىپ كورسەتۋ ادەتىنىڭ جانى ءسىرى ەكەن. باياعى وتىرىك كوزگە ءتۇسىپ قالۋ ءۇردىسى ءالى جالعاسىپ كەلەدى. سوندا «جاڭا قازاقستان» دەگەنىمىز دە جالعان بولىپ شىققانى ما؟ ەندى ونى قايدان ىزدەدىك؟ مۇمكىن، بىرەۋلەر ءبىر جەردەن كورىپ قالعان شىعار؟

جايبەرگەن بولاتوۆ

Abai.kz