Ukrainagha qan qasap salghan Putindi Gaaga halyqaralyq soty tútqyndaugha búiryq berdi. Ol halyqaralyq tribunalgha shaqyrylghan әlemdegi tórtinshi preziydent. Sonymen qatar Resey balalar ombudsmeni Mariya Livova-Belovagha da sottaugha order kelgen.

2008 jyly Sudan preziydenti Omar әl-Bashirge Gaaga sotynan qamaugha búiryq kelgen. Ol  Darfurdaghy qaqtyghysqa baylanysty genosid jasady dep aiyptaldy. Biraq búl әl-Bashirding taghy da 11 jyl el biyleuine kedergi bolmady. 2019 jyly elde әskery tónkeris bolyp, ol taghynan qúlaydy, qamaugha alynady, biraq әskery tribunalgha әli berilgen joq.

Liviya Preziydenti Muammar Kaddafi. Ony tútqyndaugha 2011 jyly sanksiya berildi. Oghan jappay narazylyq aksiyalaryn basu operasiyasy kezinde adamzatqa qarsy qylmystar jasady degen aiyp taghyldy. Biraq Kaddafiydi sotqa deyin kóterilisshiler óltirdi.

Kot-d ' Ivuar Preziydenti Loran Gbagbo. 2011 jyly ol saylauda jenilgen song bunkerge tyghylady. Biraq shabuyldan keyin tútqyndalyp, Gaagagha jetkizildi. Gbagbo biylikti saqtap qalu ýshin jasaghan adamzatqa qarsy qylmystary ýshin aiyptaldy. 2019 jyly aqtaldy.

Halyqaralyq qylmystyq sot tóreligi jýiesinde Gaaga sotynan bólek arnayy әskery tribunaldar da bar. Ruandadaghy genosid boyynsha1994-2015 jyldary, Yugoslaviyadaghy әskery qylmys pen adamzatqa qarsy qylmystar ýshin 1993-2017 jyldary әskery tribunal qúrylghan.

igoslaviyanyng búrynghy preziydenti Slobodan Miloshevich Gaagadaghy týrmede ýkim shyqqansha qaytys bolghan.

Qazirgi mәlimet boyynsha, Putinge arnalghan arnayy әskery tribunal qúrylu ýstinde.

Ayta keteyik, Putin men Livova-Belovany tútqyndaugha orderler prokuraturagha 2023 jyldyng 22 aqpanynda bergen shaghymdar negizinde shygharyldy.

Abai.kz