جۇما, 29 ناۋرىز 2024
مىنە، كوردىڭ بە؟ 1729 1 پىكىر 18 ناۋرىز, 2023 ساعات 15:18

گااگا سوتىنا قانشا پرەزيدەنت شاقىرىلعان؟

ۋكرايناعا قان قاساپ سالعان ءپۋتيندى گااگا حالىقارالىق سوتى تۇتقىنداۋعا بۇيرىق بەردى. ول حالىقارالىق تريبۋنالعا شاقىرىلعان الەمدەگى ءتورتىنشى پرەزيدەنت. سونىمەن قاتار رەسەي بالالار ومبۋدسمەنى ماريا لۆوۆا-بەلوۆاعا دا سوتتاۋعا وردەر كەلگەن.

2008 جىلى سۋدان پرەزيدەنتى ومار ءال-باشيرگە گااگا سوتىنان قاماۋعا بۇيرىق كەلگەن. ول  دارفۋرداعى قاقتىعىسقا بايلانىستى گەنوتسيد جاسادى دەپ ايىپتالدى. بىراق بۇل ءال-ءباشيردىڭ تاعى دا 11 جىل ەل بيلەۋىنە كەدەرگى بولمادى. 2019 جىلى ەلدە اسكەري توڭكەرىس بولىپ، ول تاعىنان قۇلايدى، قاماۋعا الىنادى، بىراق اسكەري تريبۋنالعا ءالى بەرىلگەن جوق.

ليۆيا پرەزيدەنتى مۋاممار كاددافي. ونى تۇتقىنداۋعا 2011 جىلى سانكتسيا بەرىلدى. وعان جاپپاي نارازىلىق اكتسيالارىن باسۋ وپەراتسياسى كەزىندە ادامزاتقا قارسى قىلمىستار جاسادى دەگەن ايىپ تاعىلدى. بىراق كاددافيدى سوتقا دەيىن كوتەرىلىسشىلەر ءولتىردى.

كوت-د ' يۆۋار پرەزيدەنتى لوران گباگبو. 2011 جىلى ول سايلاۋدا جەڭىلگەن سوڭ بۋنكەرگە تىعىلادى. بىراق شابۋىلدان كەيىن تۇتقىندالىپ، گااگاعا جەتكىزىلدى. گباگبو بيلىكتى ساقتاپ قالۋ ءۇشىن جاساعان ادامزاتقا قارسى قىلمىستارى ءۇشىن ايىپتالدى. 2019 جىلى اقتالدى.

حالىقارالىق قىلمىستىق سوت تورەلىگى جۇيەسىندە گااگا سوتىنان بولەك ارنايى اسكەري تريبۋنالدار دا بار. رۋانداداعى گەنوتسيد بويىنشا1994-2015 جىلدارى، يۋگوسلاۆياداعى اسكەري قىلمىس پەن ادامزاتقا قارسى قىلمىستار ءۇشىن 1993-2017 جىلدارى اسكەري تريبۋنال قۇرىلعان.

يۋگوسلاۆيانىڭ بۇرىنعى پرەزيدەنتى سلوبودان ميلوشەۆيچ گااگاداعى تۇرمەدە ۇكىم شىققانشا قايتىس بولعان.

قازىرگى مالىمەت بويىنشا، پۋتينگە ارنالعان ارنايى اسكەري تريبۋنال قۇرىلۋ ۇستىندە.

ايتا كەتەيىك، پۋتين مەن لۆوۆا-بەلوۆانى تۇتقىنداۋعا وردەرلەر پروكۋراتۋراعا 2023 جىلدىڭ 22 اقپانىندا بەرگەن شاعىمدار نەگىزىندە شىعارىلدى.

 

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616