Almaty qalalyq soty Qantar oqighasy kezinde qala ortalyghynda oqqa úshqan bes adamnyng jaqyndarynyng apellyasiyalyq shaghymyn qanaghattandyrmady.

2 mamyrda Almatynyng Bostandyq audanynyng №2 soty oq tiyip qaza bolghan bes adam – Serik Kerimovti, Qanat Áubәkirovti, Núrbolat Qasymjanovty, Aslan Uәliyevti jәne Shynghys Tastanbekovti "jappay tәrtipsizdikke qatysyp, memlekettik nysandargha shabuyldady" dep sottaghan. Sot bes adamdy qaza tabuyna baylanysty qylmystyq jauapkershilikten bosatqan. Marqúmdardyng tuystary ýkimge kelispey, olardy aqtaudy talap etip, apellyasiyalyq shaghym týsirgen edi.

Shaghymdy qaraghan Almaty qalalyq sotynyng alqasy bes marqúmdy aiypty dep tanyghan alghashqy instansiyanyng ýkimin ózgerissiz qaldyrdy.

Apellyasiyalyq sotta marqúmdardyng advokattary men jaqyndary alghashqy instansiyada aiyptyng qay-qaysysy da dәleldenbegenin, tergeu kórsetken fotolar men viydeolardaghy adamdar jaqyndary emes ekenin aitty.

Al shaghymdy qaraghan sot alqasy "alghashqy instansiyada is zangha sәikes zerdelendi, sotqa deyingi tergeu barysynda saraptamalar zandy jәne negizdi tújyrymgha kelgen, sondyqtan ýkimdi ózgertuge negiz joq" dep tanydy.

Marqúmdardyng jaqyndary búl sheshimge kelispeytinin, endi kassasiyalyq sotqa shaghym týsiretinin aitty.

– Kýieuim Almatydaghy preziydent reziydensiyasy manynda jerde jaraly jatqan adamgha kómektespek bolghany viydeoda bar, sol ýshin atyp tastady. Al tergeu onyng búl isin reziydensiyagha shabuyl jasau deydi. Ádiletsiz ghoy. Men kelispeymin, Jogharghy sotqa deyin baram, – deydi marqúm Qanat Áubәkirovting әieli Lәila Áldiybekova.

Abai.kz