Preziydent tapsyrmasyna sәikes Abay oblysyndaghy alapat órt kezinde japa shekkenderge jan-jaqty qoldau kórsetu júmystary bastaldy, dep habarlaydy «Habar 24». 

Qara jamylghan әr otbasy 7 mln tenge kómek alady, búdan bólek әr balagha 2 mln tengeden beriledi. Býgin Semeydegi órt kezinde qaza bolghan ormanshylardyng janúyasyna pәter kiltteri tapsyryldy. Jana әri jayly baspanalar shahardyng Qaraghayly audanynda ornalasqan.

Memleket basshysy Qasym-Jomart Toqaev Abay oblysyna jasaghan júmys saparynda órshigen órtti sóndiremin dep ómirin qighandarddyng otbasyna jan-jaqty kómek kórsetudi tapsyrghan. Oblys әkimi Núrlan Úranhaev tilsiz jaumen kýresude qaharmandyqtyng ýlgisin kórsetken 15 orman sharuashylyghy qyzmetkerining tughan-tuystarymen kezdesip, baspana kiltin tabys etti.

«Sayattyng enbegin elep-eskerip, artynda qalghan otbasyna ýy berip jatqan Ýkimetke rizashylyghymyzdy bildiremiz. Búl Sayat elin-jerin, otbasyn qorghaymyn dep otqa óz keudesin tósegennen keyin kórsetilip jatqan qúrmet»,-dedi órtte qaza tapqan ormanshy Sayat Núrjigitting aghasy Roman Núrjanúly.

Abai.kz