Ótken jyldyng qorytyndysy boyynsha Qazaqstanda ishki turister sany ósip, 8,5 mln adamgha jetti. Búl turaly Jibek Joly telearnasyna súhbat bergen Mәdeniyet jәne sport ministri Ashat Oralov mәlim etti.

Vedomstvo basshysynyng aituynsha, byltyrghy ishki turizmning ósimi pandemiyagha deyingi kezenmen salystyrghanda 2 mln adamgha artyq.

«Últtyq statistika burosynyng dereginshe, ótken jyly ishki turisterding sany 8,6 mln adamgha jetti. Búl nәtiyjeni jaqsarta týsu ýshin Mәdeniyet jәne sport ministrligi 10 negizgi baghytty anyqtady. Qazaqstannyng әr ónirinde, atap aitqanda 3 megapoliste jәne 17 oblysta ózimizding biregey, erekshe oryndarymyz bar. Pandemiyanyng saldary ishki turizmning damuyna yqpal etkenin kórip otyrmyz. Qazaqstandyqtar elimizding ózge ónirlerine jii sayahattay bastady», - dedi Ashat Oralov.

Ministr atap ótkendey, búl rette reseylik turister sany da úlghayghan.

«Bizge әrqashan reseylik turister jii kelip túrady. Degenmen qazir olardyng sany artyp keledi. Búl әsiresi shekara manyndaghy aimaqtarda aiqyn bayqalady. Sonday-aq, Manghystau oblysyna Irannan keletin turisterding qatary kýrt artty. Memleket basshysynyng Iran Respublikasyna jasaghan saparynyng qorytyndysy boyynsha vizasyz rejimge qol qoyyldy. Búl ýlken janalyq. Osy jyldyng nauryz aiynda, yaghny Nauryz merekesi qarsanynda alghashqy 300 turist Manghystau oblysyna, atap aitqanda Aqtau qalasyna keldi», - dep toqtaldy ministr.

Qosa ketsek, byltyr elimizde turizmnen týsetin salyq kólemi 1,5 ese ósken.

Foto: ghalamtordan

Abai.kz