Qoghamdy jikke bólip, últtyq aspabymyz dombyrany «haram» dep, ilimi teris jat aghymnyng jeteginde jýrgenderge mýftiyat jauap berdi.

Astana qalasynyng bas imamy Erbolat Jýsipovting maqalasynda dombyranyng tarihyna keng toqtalyp, últtyq aspap jayly naqty derekter keltirilgen.

Býginde últ birligine iritki salyp, eldi alauyzdyqqa salghysy kelgen keybir teris aghym ókilderining salt-dәstýrding barlyghyn shetkeri ysyryp, últtyq jәdigerlerimizge «haram, shirk» dep bayansyz bәtua aityp jýrgenine de kuә boludamyz. Ghasyrlar qoynauynan bizge nebir keremet kýiler men taghylymy mol termelerdi jetkizgen, babalar naqyly men amanatyn arqalaghan qara dombyranyng qazaqtyng jany ekenin jar astyndaghy jaularymyz da jaqsy biledi. Sondyqtan qazaqtyng jany bolghan dombyrasynan aiyrsa, týzu jolynyng temirqazyghy bolghan salt-dәstýrinen adastyrsa oilaghany onay jýzege asaryn da biledi – deydi imam.

Ol osy orayda, Islam sharighatynyng negizgi ústanymyn kórsetetin qasiyetti Qúrannyng «Aghraf» sýresindegi naqyldy úmytpaghan jón ekenin eskertedi.

«Ghafu jolyn ústa, ghúryppen әmir et jәne nadandardan teris ainal». Sonday-aq, Abdulla ibn Masghúdtan (r.a.) jetken hadiste Payghambarymyzdyng (oghan Allanyng salauaty men sәlemi bolsyn): «Músylmandar jaqsy dep eseptegen nәrse Allanyng aldynda da jaqsy, músylmandar jaman dep kórgen nәrse Allanyng qúzyrynda da únamsyz», – degeni aitylady. Áriyne qazaq pen dombyra úghymy qashanda qos ishektey egiz, qos ishektey birge bolyp qala bermek! Últtyq jadymyzda jattalyp qos ishekten tógilgen qonyr әuen – halqymyzdyng ýni. YuNESKO-nyng sheshimimen dombyra men kýy adamzattyng materialdyq emes, mәdeny múralarynyng tizimine engeni de elimiz ýshin airyqsha maqtanysh. Óitkeni ol – Qazaqtyng jany, qazaqtyng dombyrasy! – deydi Erbolat Jýsipov.

Foto: ashyq derekkózden

Abai.kz