Elimizding bas ústazy reformasyn basqa emes dәl mektep tabaldyryghynan bastamaq kórinedi. Aldymen eski sýrleuge negizdelgen mektep baghdarlamasyna ózgeris engiziledi. Sosyn Últtyq birynghay test jýiesining erejesi janartylmaq. Aqyr sonynda memlekettik negizdegi jogharghy oqu oryndarynyng birin qaldyrmay jekening qolyna berip tynbaqshy. «Búl joghary oqu oryndary arasyndaghy bәse¬ke¬lestikti kýsheytu maqsatynda jasalghaly otyrghan shara. Al bәseke bolghan jerde sapaly bilim alugha bolady», – deydi Sәrinjipov myrza.

Kim bilsin, bәrin uaqyt kórsete jatar. Alayda búl jospardy iske asyrugha bas múghalimning qyzmettik ghúmyry jeter me eken? Óitkeni, atyshuly búl salagha kelgenderding kóp otyra qoymaytyny bar. Elimiz jeke el bolghaly jiyrma jyldyng ishinde Aslan myrzagha deyin on eki ministr kelip-ketipti. Qaysysy bolmsyn tynnan janalyq ashugha tyrysyp jatady. Eshqaysysy da ózinen búrynghy әriptesining isin jalghastyrudy kózdegen joq. Júrttyng esinde tek atyshuly baghdarlama avtory retinde qalghany bolmasa, bir de biri naqty josparyn ayaghyna deyin jetkize almapty. 

Qol astyndaghylar budjet qarjysyn soryp jatqanda qamsyz qarap otyrdy degen aiyppen búrynghy basshy Baqytjan Júmaghúlovtan keyin Bilim jәne ghylym ministri bolyp Aslan Sәrinjipov kelgende júrt «ózgeristen kóz ashpay túrghan bilim salasyn bir arnagha týsirer, bәlkim» dep ýmitpen qaraghan edi. Alayda búl joly da júrt kýtkendey bolmady. Sheneunik retinde Ýkimet ýiine bas súqqan alghashqy kýni-aq bilim salasynda aitarlyqtay ózgerister bolatynyn mәlim etti. «Ministrlikting júmysymen әli de tanysyp ýlgergen joqpyn. Alayda soghan qaramastan, arnayy baghdarlama dayyndatyp jatyrmyn. Bilim salasynda kezekti ózgerister bolady. Búl turaly jaqyn kýnderi ýlken mәlimdeme jasaytyn bolamyz», – degen-tin. Aqyry sózinde túrdy. Apta basynda Ýkimet mýshelerine buma-buma qújat aparyp tanystyryp qaytty. 

Endi osy Sәrinjipov reformasyna toqtalayyq: Baghdarlamasyn tanystyru kezinde ministr otandyq bilim beru salasyn janasha damytudy maqsat etip otyrghanyn aityp qaldy. Sonday-aq. bala baqshalardyng sanyn arttyryp, mektepterde bilim beruding jana standartyn engizip, ómirde kóz kórip, qúlaq estimegen mamandyqtar ashsam degen armany baryn jayyp saldy. «Qazir tehnologiyalar jyl sayyn janaryp túrady. Sondyqtan bolashaqta biz bilmeytin mamandyqtardyng bolatynyn eskerip, balalardy soghan qaray dayyndau qajet», – deydi Aslan Sәrinjipov. Biraq onday mamandyqtardyng qanday formagha negizdeletinin әri qanday bolatynyn bas múghalimning ózi de bilmeydi eken. «Qanday mamandyq ekenin әli ózim de aita almaymyn. Biraq, bәribir ózgertu kerek. Jana baghdarlama oqushylardyng ózbetinshe aqparat izdep, bolashaqta dúrys sheshim qabyldauyna mýmkindik berui tiyis», – deydi ol. 

Ministr sonymen qatar, 2015 jylgha deyin elimizding barlyq mektepterinde jana standarttyq negizde bilim beru jýiesine kóshetinin aitty. «Osyghan oray,  Últtyq birynghay testileuding mazmúny da ózgertiletin bolady. Jylda arty ýlken daugha úlasyp jatatyn testileu jýiesin janghyrtamyz. Búdan bylay oqushynyng oiyn tolyq jetkizuge mýmkindik beretin jәne esse jazugha mindetteytin súraqtar qosylady», – deydi ol. Bilim jәne ghylym ministri Aslan Sәrinjipov sonday-aq búdan bólek kәsiptik-tehnikalyq bilim beru salasynda pedagog mamandardyng teng jartysy qayta dayarlaudan ótkiziletinin aitty. Aqyr sonynda elimizdegi joghary oqu oryn¬dary jappay jekening qolyna ótetin tәrizdi.