Jambyl oblysynyng Polisiya departamenti ata-analardy jazghy demalys kezinde balalardyng bos uaqytyn qadaghalaugha shaqyrady jәne olardy esirtki kurierleri retinde jaldau qaupi turaly eskertedi.

Jyl basynan beri jambyldyq poliyseyler sony ólimge aparatyn qospalardy satatyn 201 saytty anyqtady. Diylerler internetting kómegimen jasyryn qoyyp ketushiler arqyly tikeley baylanyssyz esirtkini beru әdisin ornatty. Olar tauarlardy alyp, belgilengen oryngha qaldyrady.

Diylerler júmysshy retinde tez jәne onay aqsha tapqysy keletin jastardy tandaydy. Múnday júmysty jasaugha qolaysyz otbasylardan shyqqan balalarmen qatar, sәtti otbasynyng balalary da kelisedi. Songhylar ýshin búl kvest sekildi oiynnyng nemese uaqyt ótkizuding bir týri. Al is jýzinde barlyghy úzaq merzimdi týrmemen ayaqtalady.

5 aida oblysta 12 esirtki qoyyp ketushi ústaldy, 1 keli 625 gramm sintetika tәrkilendi. Auqymyn týsinu ýshin – búl shamamen 4500 bir rettik doza bolyp tabylady.

- Jazghy demalys kezinde oqushylar, studentter men qalagha qonaqqa kelgen tuystar qiyn emes júmys tauyp, qosymsha aqsha tapqysy keledi. Ata-analardy balalardyng kýmәndi nemese kýrt ózgergen minez-qúlqyna uaqytynda nazar audarugha shaqyramyz, - dedi PD Esirtki qylmysyna qarsy is-qimyl basqarmasynyng bastyghy Álim Bajyqbaev túrghyndargha.

Ol belgilerding biri – sizding balanyz kesh jýredi. Ádette, sintetika qoishylar kýnine qalanyng әr týkpirinde 15-20 jasyryn oryn qaldyrady.

Esirtkilerdi qaldyrudyng eng kóp taralghan oryndary – túrghyn ýilerding kireberisteri, oryndyqtar, elektr qalqandary, oiyn alandary men gýlzarlar. Búl oryndardaghy fotosuretter "júmys berushige" jiberu ýshin esirtki qonshylardyng telefonynda bolu kerek.

Múny jýzege asyrugha arnalghan qúrylghylar – bekitkishi bar paketter men skotch. Sonday-aq, olarda magnitter bolady – ony tútynushy ónimdi kez-kelgen metall qúrylymynan sheship alu ýshin qoldanady.

Balanyzben bitkoin taqyrybynda sóilesiniz. Kóbinese tólemdi kriptovalutada alady. Eger aqshanyng qalay payda bolghanyn aitudy qalamaytyn nemese týsindire almaytyn bolsa, onda nazar audaru qajet bolady.

- Sonday-aq esirtki qoyshylardy jasyryn qorqynyshy bildirip túrady. Olar ózderin әdettegidey emes, tym asyghys nemese kerisinshe kýmәndi bayau ústaydy. Ózderining hobbiyine degen qyzyghushylyqtaryn joghaltady, kóbinese agressivtilik tanytady. Sondyqtan biz ata-analardan balalarynyng minez-qúlqyndaghy ózgeristerdi múqiyat baqylaudy súraymyz, - dep qorytyndylady Á.Bajyqbaev.

Abai.kz