Býgin Astanada Qazaqstan Respublikasy preziydenti Qasymjomart Kemelúly Toqaev әuejaydan QHR Predsedateli Sy Szinipindi saltanatty týrde ózi kýtip aldy. 

Qytay Predsedatelin qarsy alu kezinde әuejay ýstinen Qazaqstan Áue kýshterining joyghysh úshaqtary artynan Qytay tuy men  Qazaqstan tuynyng týsterin bildiretin qyzyl jәne sary týsti jolaq qaldyra úshyp ótti. Búl – Qazaqstan tarapynan Sy Szinipinning úshaghy QazaqQazaqstanstan Áue qorghanysy kýshterining ýzdiksiz qorghauynda  bolghanyn bildirgen shartty belgi bolatyn. Áuejayda mәrtebeli qonaqty saltanatpen qarsy alu ýshin Qúrmet qarauyly rotasy sap týzep túrdy. Sonday-aq Qazaqstan men Qytay halyqtarynyng shynayy dostyghynyng belgisi retinde balalar eki elding jalauyn jelbiretip, qoshemet kórsetti.

Osy arqyly, Qazaqstan jaghy ózining Qytay Halyq Respublikasyna jәne onyng Predsedateli Sy Szipinge degen qúrmetting qanshalyqty manyzdy ekendigin anyq bayqatty.  Búny qazirgi geosayasy jaghdayda «basqasha boluy mýmkin emes qadam» dep baghalaugha bolady. Óitkeni, osydan 11 jyl búryn Sy Szinipin ózining Qazaqstangha saparynda «Bir jol – bir beldeu» atty globaldy jobasyn jariyalaghan bolatyn. Sodan bergi uaqytta Qytay men Qazaqstan arasyndaghy qatynas osy jobamen tyghyz baylanysta damyp keledi. Ol turaly Sy Szinipin osy sapar aldynda jariyalaghan ózining Qazaqstan‑Qytay araqatynasy turaly kólemdi maqalasynda jazghan bolatyn. Sodan beri eki el arasynda ekonomikalyq qatynas ótken jyly 31 mlrd dollardan asty. Qytay Qazaqstangha pandemiya kezinde jәne basqa apatty jaghdaylarda óz kómegin berdi. Aradaghy mәdeny baylanys artyp, ózara vizasyz enu taraly shart jasalghannan beri, Qytay turisterining sany da artty. Eng bastysy, Qytay Qazaqstangha qauip tóne qalsa, Qazaqstandy sayasy jәne basqaday qoldaugha әzir ekendigin mәlimdegeni boldy. Múnday «ashyq mәlimdeme» Qazaqstangha halyqaralyq dengeyde birshama batyl derbes sayasat jýrgizuine jәne TMD aumaghyndaghy Resey‑Ukraina lokaldy soghysy jaghdayyndaghy mýmkin bolarlyq sayasy qaterlerden qorghanugha әserin tiygizdi, әli de tiygizip otyr. Sondyqtan, býgingi kezdesu osy jaghdaylardyng saltanatty kórinisi boldy dep senimmen aitsa bolady..

Astana әuejayyna Resey Federasiyasy preziydenti V.V.Putinning úshaghy kelip qondy. Putindi qarsy alu resmy protokol shenberinde ótti. Putindi Qazaqstan Respublikasy Premier‑ministri Oljas Bektenov saltanatty týrde qarsy aldy. Putin Astanada ótetin 2001 jyly qúrylghan ShYÚ mýsheleri: Qazaqstan, Qytay, Resey, Qyrghyzstan, Tәjikstan, Ózbekstan, Iran, Indiya, Pәkistan memleket basshylary sammiytine qatysady.

Songhy bes jylda Qazaqstannyng ShYÚ elderimen ekonomikalyq qarym‑qatynasy artty. Onyng kólemi 66 mlrd dollargha deyin ósti. Osy qatarda Resey qytaydan keyingi ekinshi orynda túr. 2023 jylgha deyin Resey birinshi orynda edi. Osy jyly ony Qytay ekinshi oryngha yghystyrdy. Biylghy kórsetkish boyynsha Resey men Qazaqstan tauar ainalymy 19,1 mlrd dollardy qúrap otyr.

Qazaqstangha barlyghy 16 elding basshylary keledi dep kýtilude. Sammit 3‑4 shildede ótedi. ShYÚ mýshelerinen ózge  sammit júmysyna Týrkiya, Belorussiya, Mongoliya, Ázerbayjan, Katar, BAÁ, Týrkimenstan memleket basshylary qatysatyn bolady. Sonymen qatar, BÚÚ Bas hatshysy Antoniu Guterrish sammit júmysyna qatysugha Astanagha keldi.

Abai.kz