Pariyj-2024: alghashqy janjal
![](https://abai.kz/content/uploads/2024/07/a-9.jpg)
Olimpiadanyng ashylu saltanaty ótpey jatyp, shu shyqty.
Jazghy Olimpiyalyq oiyndar resmy týrde erten, 26 shilde kýni ashylady. Alayda, keyingi jyldary qalyptasqan dәstýr boyynsha, sporttyng kóp oiyndy qajet etetin keybir týrleri ashylu saltanatyn kýtpey-aq jarysty bastay beretini belgili. Keshe, 24 shildede erler arasyndaghy futbol turniyrinde birinshi turdyng oiyndary ótti.
Aldymen oiyn nәtiyjelerine kóz jýgirtip alayyq:
«A» toby. Fransiya – AQSh – 3:0, Gviyneya – Jana Zelandiya – 1:2.
«V» toby. Argentina – Marokko – 1:2, Irak – Ukraina – 2:1.
«S» toby. Ózbekstan – Ispaniya – 1:2, Egiypet – Dominikan Respublikasy – 0:0.
«D» toby. Japoniya – Paragvay – 5:0, Maly – Izraili – 1:1.
Jalpy alghanda jaymashuaq ótken oiyndardyng shyrqyn búzghan janjal Argentina – Marokko matchynyng sonynda boldy. Marokko futbolshylary 2:1 esebimen útyp jatty, shved tóreshisi Glenn Nuberg negizgi 90 minut ayaqtalghan song taghy da 15 (!) minut qosty. Aqyry búl qosymsha uaqyt ta óte shyqty, al saghat tili 16-minutty kórsetip túrghan kezde Argentina qúramasynyng oiynshysy Kristian Medina gol soghyp, esepti tenestirip ketti!
Qolda túrghan jenisting susyp ketkenine narazy bolghandyqtan ba, әlde 15 minuttan song matchty toqtatpay, argentinalyqtardyng esepti tenestiruine mýmkindik berip qoyghan tóreshige degen yzadan ba, bәlkim, tipti onyng osy sheshushi goldy ofsaydtan soghylsa da (sonday kýdik boldy) esepteuge ynghay bildirgen әreketine ashulanghannan ba – әiteuir qyzuqandy marokkolyq jankýierler sol sәtte jasyl alangha lap qoydy. Stadiondaghy tәrtip jaghyn qadaghalaugha tiyis stuardtar men saqshylar olargha ie bola almay qaldy. Golgha quanysyp, birin-biri qúttyqtap jatqan Argentina futbolshylaryna tribunadan susynnan bosaghan bótelkeler, temeki tútandyrghyshtar, tipti petardalar laqtyryldy. Tóreshi oiyndy shúghyl toqtatyp, qauipsizdik jaghyn oilap, futbolshylardy jasyl alannan tribuna astyndaghy baspana-jaygha alyp ketuge mәjbýr boldy.
Oyyn bitti me? Joq. Tóreshi Nuberg matchtyng bitkenin bildirip, ysqyryq shalghan joq. Áytse de, tәrtip saqshylary jankýierlerdi oiyndy ayaqtalghanyna sendirip, sabyrgha shaqyryp, aqyry olardyng stadionnan shyghuyn talap etti. Arada eki saghatqa juyq uaqyt ótken son, tóreshi eki komandanyng futbolshylaryn jasyl alangha qayta shaqyryp (búl kezde stadionda eshqanday kórermen qalmaghan edi), oiyndy jalghastyrdy. Aldymen ol auada qolymen monitor ýlgisin syzyp, VAR (refreriyding viyder assistenti) jýiesine jýginetinin kórsetti de, alang jiyegindegi teleekrangha ýnildi. Shamasy, oiyn toqtap túrghan eki saghattyng ishinde әlgi songhy gol soghylghan dauly kórinisti birneshe ret qaytalap kórip, naqty sheshimge kelip alghan boluy kerek, tóreshi kóp úzamay-aq K.Medinanyng goly ofsaydtan soghylghanyn, sondyqtan da ereje boyynsha esepke alynbaytynyn habarlady. Sosyn oiyngha taghy eki minut qosqanyn kórsetip (qaydan alynghan 2 minut – mýlde týsiniksiz!), komandalar az-kem oinaghan boldy. Eki minut ishinde, әriyne, nәtiyje ózgergen joq – 2:1 esebimen Marokko komandasy Argentinany jenip ketti.
«Futbolda jýrgenime qansha jyl boldy, men múnday sirkti eshqashan kórgen emespin» dedi uysyna ilikken úpaydan airylyp qalghan Argentina olimpiyalyq qúramasynyng bas bapkeri Havier Maskerano. «Búl – tarihta bolmaghan masqara! Biz 1 saghat 40 minut boyy endi ne bolatynyn bilmegen kýii dal bolyp otyrdyq. Bizge eshkim de eshtene aityp, týsindirgen joq. Úiymdastyru dengeyi osynday bolsa, jetisken eken» dedi komanda kapitany Nikolas Otamendiy.
Olimpiadadaghy futbol turniyrinde 2-tur oiyndary 27 shildede ótedi.
Sәken Sybanbay
Abai.kz