Jetisu oblysynda «Auyldyq densaulyq saqtaudy janghyrtu» últtyq jobasy ayasynda Aqsu, Alakól, Sarqan, Eskeldi, Kóksu, Qaratal, Kerbúlaq audandardaghy jәne Panfilov shekara manyndaghy 15 dәrigerlik ambulatoriyany, 39 felidsherlik-akusherlik jәne 5 medisinalyq punktti qosa alghanda 59 nysannyng qúrylysy bastaldy. 

Jalpy ónirde qabyldanghan sharalardyng arqasynda songhy 2 jylda densaulyq saqtau nysandaryn janartu dengeyi 50% -dan asty, - dep habarlaydy Jetisu oblysy әkimining baspasóz qyzmeti.

Oblystyq densaulyq saqtau basqarmasynyng mәlimetinshe, bir ghana shalghay Alakól audanynda últtyq joba ayasynda 9 zamanauy densaulyq saqtau nysanynyng qúrylysy bastaldy. Búl Ekpindi, Jaypaq, Beskól auyldaryndaghy 3 dәrigerlik ambulatoriya jәne Janama, Sapaq, Ýshbúlaq, Qyzylqayyn, Qaynar jәne Aqjar auyldaryndaghy 6 felidsherlik-akusherlik punkt.

Osylaysha, Aqjar auylyndaghy FAP-tyng dayyndyq dәrejesi shamamen 40% -dy qúraydy.

Merdiger úiym ókili Qúrbanәli Omarovtyng aituynsha, qúrylys júmystary tamyz aiynyng basynda bastalghan.

 - Bizding mindetimiz - nysan salu, irgeles aumaqty abattandyru, qorshau ornatu. Sonday-aq, biz 35 mln. tengege juyq somagha zamanauy medisinalyq jabdyqtar satyp alugha ótinim berdik. Yaghny biz nysandy dayyn kýide tapsyramyz. Shetten kelgen mamandardan basqa 10 jergilikti túrghyn tartylghan, barlyq qajetti tehnika bar. Yaghni, bizde merziminde oryndaugha barlyq mýmkindik bar, - dep atap ótti Q.Omarov.

Aqjar auylynda 1500 adam túrady. Salynyp jatqan felidsherlik-akusherlik punkt 60 jyldary salynghan beyimdelgen ghimaratta ornalasqan eskirgen medisinalyq punktting ornyna salynady.

- Auyldaghy medpunkt eskirgen jәne normalar men talaptargha sәikes kelmeydi, qysta medpunkt salqyn bolady. Sondyqtan da auyl túrghyndary ózderinde zamanauy densaulyq saqtau mekemesining payda boluyna, yaghny medisinalyq qyzmet kórsetu sapasynyng artuyna óte quanyshty. Shilde aiynda bizding auyldyq okrugting Qonyr auylynda blokty-modulidi medisinalyq punkt iske qosylghandyghyn atap ótkim keledi. Ótken jyly múnda mektep jóndelip, 150 oryndyq jana mәdeniyet ýii salyndy, Múnyng bәri quantady, sebebi auyl túrghyndarynyng ómir sýru sapasyn arttyrugha tikeley әser etedi, - dep qorytyndylady Aqjar auyldyq okrugining әkimi Eles Japarghaliyev.

Oblystyq densaulyq saqtau basqarmasynyng basshysy Arman Jansengirov atap ótkendey, jergilikti budjet esebinen jәne auyl túrghyndaryna kórsetiletin medisinalyq qyzmetterding sapasyn arttyru maqsatynda ónirde blokty-modulidi medisinalyq punktter salynuda.

 - Alakól audanyna keletin bolsaq, ótken jyly Qarlyghash, Bayzerek, Yntaly auyldarynda blokty-modulidi medisinalyq punktter ornatyldy. Biylghy jyly osynday nysandar Bibaqan, Arqarly jәne Qonyr auyldarynda paydalanugha berildi. Sonday-aq, Dostyq, Qabanbay jәne Aqtýbek auyldaryna 3 sanitarlyq avtokólik satyp alyndy. Jyl sonyna deyin audandyq auruhana zamanauy medisinalyq jabdyqtarmen qamtamasyz etiledi. Búdan basqa, 200 tósektik stasionary bar ortalyq emhana qúrylysy ýshin jobalyq-smetalyq qújattama әzirlenude.

Jalpy songhy 2 jylda Alakól audanyna infraqúrylymdyq jәne әleumettik nysandardyng qúrylysyna, sonday-aq jobalau júmystaryna oblystyq budjetten 32,2 mlrd. tenge bólindi.

Jetisu oblysy әkimining baspasóz qyzmeti 

Abai.kz