Ózining preziydenttik merzimi ayaqtalugha az qalghanda AQSh preziydenti Jo Bayden Ukraina ýshin asa manyzdy sheshimderding birin qabyldady. Aq Ýy ózi bergen qarumen Ukrainagha Reseyding ishki aumaqtaryndaghy әskery nysandargha soqqy jasaugha rúqsat berdi. Búl turaly Mezgil.kz aqparattyq portaly jazdy. 

Bayden әkimshiligining búl sheshimin jahan aqparaty jarysa jazyp jatyr. Ukrainanyng әskery hәm sayasy basshylyghy AQSh biyligine birneshe joly qayrylu jasap, Reseyding ishki aumaqtaryna soqqy jasau ýshin jaqtastar bergen qarudy qoldanugha rúqsat súrap jýrgeli talay uaqyt ótti.

«New York Time» pen «Washington Post» qatar taratqan aqparatta: «AQSh preziydenti Jo Bayden men onyng әkimshiligi ATACMS taktikalyq-balistikalyq zymyrandaryn paydalanyp, Resey aumaghyna soqqy jasaugha rúqsat bergeni» jazylghan.  Búl aqparatty «VVS» men «CNN» de rastady.

AQSh-tyng búlay sheshim qabyldauyna sebep – Reseyge kómekke Soltýstik Korey әskerining jiberilui bolghan. Anyghy: Reseyge kómekke barghan Kim әskerining (KHDR әskeri) Kurski maydanyna jiberiluine AQSh osylay jauap bergen.

«Washington Post»: «AQSh-tyng Resey aumaghyn soqqylau ýshin AQSh qaruyn qoldanugha rúqsat berui – Soltýstik Korey әskerining Kurskigi jiberiluine jauap. Búl qadam Phenyandy Reseyge taghy da әsker jiberuden tejeu ýshin jasaldy. Soltýstik Korey liyderi Kim Chen Yn Reseyge әsker jiberu qate sheshim ekenin, onyng qúny qymbatqa týsetinin týsinui kerek», - dep jazdy.

AQSh tarapynan kóp kýttirgen rúqsat resmy jariyalanghan son, ile-shala Úlybritaniya men Fransiya da ózderi bergen hәm beretin alys qashyqtyqqa soqqy jasaugha arnalghan qarularmen Resey aumaghyn atqylaugha rúqsat berdi degen aqparat tarady. Búl aqparatty Fransiyanyng «Le Figaro» basylymy jazdy.

Búl ýshin Fransiya men Úlybritaniya Ukrainagha «Storm Shadow/SCALP-EG» balistikalyq zymyrandaryn berudi josparlaghan.

PREZIYDENT ZELENSKIY NE DEYDI?

Ukraina preziydenti Zelenskiy keshe keshkisin atalghan janalyqqa qatysty bylay dep pikir bildirdi: «Býgin әlemning birsypyra aqparaty Ukrainagha Resey aumaghyn soqqylaugha rúqsat berilgenin jazyp jatyr. Biraq, soqqy sózben jasalmaydy! Soqqy jariya jasalmaydy! Zymyrandar óz quatyn iste kórsetedi! Mindetti týrde!», - dep qysqa qayyrdy.

PREZIYDENT PUTIN NE DEYDI?

Mәskeuding resmy túlghalary әzirge atalghan sheshimge qatysty jarytyp pikir bildirmese de, Resey preziydenti Putin osyghan deyin: «Reseyding ishki aumaqtaryna soqqy jasaugha rúqsat beru – NATO-nyng soghysqa tikeley aralasuyn bildiredi. Múnday zymyrandar sputnikpen basqarylady. Al Ukrainanyng ózining sputnikteri joq. Demek, NATO sputnikteri qoldanylady», - dep sóilegen.

Týiin: Bayden әkimshiligining búl sheshimi qazir jahandyq aqparattyng qyzu talqysynda. Dese de, sarapshylar Resey men Ukarina arasyndaghy potensialdy kelissózderge deyin Ukraina Resey aumaghyna birsypyra soqqy jasap, óz pozisiyasyn nyghaytugha tyrysady dep boljaydy. Soqqylardyng deni Kurski oblysynyng aumaghyna jasaluy mýmkin ekeni aitylady. Al AQSh-tyng saylanghan preziydenti Tramptyng komandasy Bayden әkimshiligining búl sheshimine kelispeytinin mәlimdep jatyr.

Abai.kz